الجبیل ( ناظم علی عطاری) پروگرام کے اسٹیج سیکرٹری گلزار حسین نے اس پروگرام کے اغراض مقاصد کمیونٹی کے سامنے پیش کیے میزبان بدر جویو نے آنے والے تمام معزز مہمانوں کو خوش آمدید کہا۔ پروگرام میں بطور مہمان خصوصی ریاض عارف ، ڈاکٹر اکرام ، ڈاکڑ اسرار ، چوہدری صفدر۔ کمانڈر ذوالفقار ، ریحان صدیقی ، رانا فیاض اور تمیمی کمپنی کے جنرل منیجر جاوید آفتاب نے شرکت کی اور پروگرام کو سراہا۔ عربین گلف سکول کے بچوں نے پاکستان کے پانچوں صوبوں کے کلچرل کو ٹیبلو کے زریعے پیش کیا اور خوب داد وصول کی۔ ارمان خان نے خوبصورت دھنیں بکھیر کر محفل کا رنگ بدل دیا۔ جدہ سے آئے پاکستانی سنگر نعیم سندھی نے مختلف زبانوں میں گیت گا کر اپنے فن کے زریعے حاضرین کو خوب محظوظ کیا
اس کے علاوہ نعیم نیازی۔ مبشر اقبال۔ سیمی آصف نے بھی محسور کن دھنیں چھیڑ کر حاضرین پر سحر طاری کر دیا۔ پروگرام کے آرگنائزر CCT کمپنی کے سی ای او آفتاب جاوید کا کہنا تھا کہ ہماری خوش قسمتی ہے کہ اس طرح کے ثقافتی پروگرام منعقد کرنے کا ہمیں موقع ملتا ہے جس سے پاکستانی کمیونٹی کو تفریح کے مواقع میسر آتے ہیں آنے والے تمام مہمانوں کو پرتکلف عشائیہ دیا گیا پروگرام کے آخر میں سعودی عرب کی معروف سماجی شخصیت ممبر ایڈ اوورسیز کونسل پاکستان فاؤنڈیشن مشتاق بلوچ نے اپنی طرف سے سکول کے بچوں کو انعامات دیتے ہوئے بچوں کی بھر پور حوصلہ افزائی کی پاکستانی کمیونٹی نے اس خوبصورت پروگرام کو آرگنائز کرنے والے افراد جن میں گلزار حسین۔ بدر جویو۔ آفتاب جاوید۔ سردار احمد خان۔ عبداللہ زمان۔ شہریار عرفان۔ محمد ایران۔ حارث ہنی۔ نعمان وسیم کا شکریہ ادا کیا اور امید ظاہر کی کہ کمیونٹی کی تفریح کیلئے آئندہ بھی ایسے تفریحی پروگراموں کا انعقاد ہوتا رہے گا تاکہ وطن سے دوری کا احساس کم ہو سکے
