نصیرآباد13فروری :ـڈپٹی کمشنر نصیر آباد منیر احمد خان کاکڑ نے ضلع نصیر آباد میں 12 روزہ کیچپ مہم کا افتتاح کر دیا 17 فروری تا یکم مارچ تک ضلع بھر میں 35 یونین کونسلوں میں بچوں کو مختلف وبائی امراض سے محفوظ رکھنے کے لیے ویکسینیشن کی جائے گی جس کے لیے 55 ویکسینیٹرز پر مشتمل ٹیمیں تشکیل دے دی گئی ہیں پیدائش سے لے کر پانچ سال تک کے بچوں کو 12 مہلک امراض کے خلاف ٹیکے لگائے جائیں گے افتتاحی تقریب میں اسسٹنٹ کمشنر ڈیرہ مراد جمالی مجیب الرحمن ساتکزئی ڈسٹرکٹ ہیلتھ افیسر ڈاکٹر عبدالمنان پی پی ایچ ائی کے ڈی ایس ایم فیصل اقبال کھوسہ ثنا اللہ چکھڑا کومنیٹ کے صدام حسین سمیت دیگر موجود تھے ڈپٹی کمشنر نے ہدایات دی کہ مہم کو کامیابی سے ہمکنار کرنے کے لیے تمام ورکرز اپنی تمام تر صلاحیتوں کو بروکار لائیں تاکہ ضلع نصیرآباد کے تمام بچوں کو مختلف 12 مہلک امراض سے محفوظ رکھنے کے لیے ٹیکے لگائے جائیں اس کے لیے ہم سب کو مل کر عملی طور پر جدوجہد کرنی ہوگی ضلع نصیرآباد میں 28 ہزار بچوں کو ویکسین لگائی جائے گی ضلع انتظامیہ کی بھرپور کوشش رہے گی کہ محکمہ صحت کے ساتھ مل کر دیے گئے ٹارگٹ کو حاصل کیا جائے ضلعی انتظامیہ محکمہ صحت کو ہر قسم کی معاونت کو یقینی بنائے گی تاکہ ضلع بھر میں مختلف وبائی امراض کا تدارک کیا جائے اور صحت مند معاشرے کی تشکیل کو یقینی بنایا جائے۔
خبرنامہ نمبر 2025/1079
کوئٹہ 13 فروری:ـڈپٹی کمشنر کوئٹہ لیفٹیننٹ (ر) سعد بن اسد کی سربراہی میں اسپیشل اسپورٹ پروگرام فنڈ(ایس ایس پی فنڈ) کے حوالے سےاہم اجلاس منعقد ہوا، اجلاس میں ڈپٹی ڈی ایچ او کوئٹہ سوشل ویلفیر کے آفیسر اور ڈی سی آفس کے آفیسران نے شرکت کی ۔اجلاس میں میڈیکل فنڈز اوراسٹوڈنٹ سکالرشپ کے حوالے سے تمام تراسنادکی جانچ پڑتال کی اور جن مستحق طلبہ اور مریضوں کے کاغذات ٹھیک اور پورے تھےان کیلئے فنڈز ریلیزکردیےاسکےعلاوہ ڈپٹی کمشنر کوئٹہ نے ڈی سی آفس میں جمع شدہ درخواستوں کی تفصیلی جانچ پڑتال کی اور کہا کہ فنڈز کے بہتر اور شفاف استعمال کو یقینی بنایاجائے، عوامی فلاح کے منصوبوں کو جلد از جلد مکمل کرنے اور دستیاب وسائل کے بہترین استعمال کےحوالے سے بھی اہم فیصلے کیے گئے۔
خبرنامہ نمبر 2025/1080
کوئٹہ 13 فروری:ـبلوچستان سرمایہ کاری بورڈ کے وائس چیئرمین بلال خان کاکڑ کی زیر صدارت پبلک پرائیویٹ پارٹنرشپ (PPP) ماڈل کے تحت بوستان اور حب خصوصی اقتصادی زونز (SEZs) کے دوسرے مرحلے کی ترقی کے حوالے سے اعلیٰ سطح کا اجلاس ہوا۔ جس میں بی بی او آئی ٹی کے سی ای او عبدالکبیر زرکون، سی ای او بلوچستان پبلک پرائیویٹ پارٹنر شپ ڈاکٹر فیصل خان کاکڑ ،ڈائریکٹر SEZ کمپنی بلوچستان آصف کھوسہ نے شرکت کی۔اجلاس میں خصوصی اقتصادی زونز کی ترقی کے عمل کو تیز کرنے، نجی شعبے کو سرمایہ کاری کی جانب راغب کرنے اور بلوچستان میں پائیدار صنعتی ترقی کو یقینی بنانے کے لیے پبلک پرائیویٹ پارٹنرشپ ماڈل سے استفادہ کرنے پر غور کیا گیا۔ ماہی پروری اور ساحلی ترقی کے شعبوں میں سرمایہ کاری کے مواقع پربھی تبادلہ خیال کیا گیا، جس میں اقتصادی سرگرمیوں اور برآمدات کو فروغ دینے کے لیے بڑے پیمانے پر آبی زراعت کے منصوبوں، سمندری بنیادی ڈھانچے کی ترقی، اور ویلیو ایڈڈ سمندری غذا کی پروسیسنگ کے امکانات پر زور دیا گیا۔اجلاس میں بلوچستان کے سرمایہ کاری کے منظر نامے کو بڑھانے کے لیے فاسٹ ٹریک پالیسی اور باہمی تعاون کے ساتھ کوششوں کے عزم کا اظہار کیا گیا۔اس موقع پر بلال خان کاکڑ نے خطاب کرتے ہوئے کہا کہ وزہر اعلی بلوچستان میر سرفراز بگٹی کے وژن کے مطابق بلوچستان کو ترقی یافتہ اور خوشحال بنانے کیلئے ہم دن رات کوشاں ہیں بلوچستان کا طویل ساحل اپنی خوبصورتی کیساتھ ساتھ تجارتی سرگرمیوں کیلئے بھی اہم ہے۔ ان علاقوں میں کاروباراور سرمایہ کاری کیلئے دستیاب مواقع سے ملکی اور بین الاقوامی سطح پر سرمایہ کاروں کو آگاہ کرینگے، انہوں نے کہا کہ ساحلی علاقوں میں واٹر اسپورٹس،ہوٹل، موٹیل،نقل و حمل، رسد اور آٹو موبائلز، تفریحی پارکس اور بنیادی ڈھانچے کی ترقی کے شعبوں میں منافع بخش سرمایہ کاری کے مواقع دستیاب ہیں۔
خبرنامہ نمبر 2025/1081
نصیرآباد13فروری :ـڈپٹی کمشنر نصیر آباد منیر احمد خان کاکڑ نے ضلع نصیر آباد میں 12 روزہ کیچپ مہم کا افتتاح کر دیا 17 فروری تا یکم مارچ تک ضلع بھر میں 35 یونین کونسلوں میں بچوں کو مختلف وبائی امراض سے محفوظ رکھنے کے لیے ویکسینیشن کی جائے گی جس کے لیے 55 ویکسینیٹرز پر مشتمل ٹیمیں تشکیل دے دی گئی ہیں پیدائش سے لے کر پانچ سال تک کے بچوں کو 12 مہلک امراض کے خلاف ٹیکے لگائے جائیں گے افتتاحی تقریب میں اسسٹنٹ کمشنر ڈیرہ مراد جمالی مجیب الرحمن ساتکزئی ڈسٹرکٹ ہیلتھ افیسر ڈاکٹر عبدالمنان پی پی ایچ ائی کے ڈی ایس ایم فیصل اقبال کھوسہ ثنا اللہ چکھڑا کومنیٹ کے صدام حسین سمیت دیگر موجود تھے ڈپٹی کمشنر نے ہدایات دی کہ مہم کو کامیابی سے ہمکنار کرنے کے لیے تمام ورکرز اپنی تمام تر صلاحیتوں کو بروکار لائیں تاکہ ضلع نصیرآباد کے تمام بچوں کو مختلف 12 مہلک امراض سے محفوظ رکھنے کے لیے ٹیکے لگائے جائیں اس کے لیے ہم سب کو مل کر عملی طور پر جدوجہد کرنی ہوگی ضلع نصیرآباد میں 28 ہزار بچوں کو ویکسین لگائی جائے گی ضلع انتظامیہ کی بھرپور کوشش رہے گی کہ محکمہ صحت کے ساتھ مل کر دیے گئے ٹارگٹ کو حاصل کیا جائے ضلعی انتظامیہ محکمہ صحت کو ہر قسم کی معاونت کو یقینی بنائے گی تاکہ ضلع بھر میں مختلف وبائی امراض کا تدارک کیا جائے اور صحت مند معاشرے کی تشکیل کو یقینی بنایا جائے۔
خبرنامہ نمبر 2025/1082
استامحمد13فروری:۔ڈپٹی کمشنر استامحمد ارشد حسین جمالی نے کلاس نہم و دہم کے ھونے والے سالانہ امتحانات کے مختلف سنٹرز جن میں گورنمنٹ بوائز ہائی سکول استامحمد و گورنمنٹ گرلز ہائی سکول استامحمد کا دورہ کیا انہوں نے اپنے دورے کے دوران سنٹرز میں امتحانات کے دوران نظم وضبط و نقل کے عمل کو روکنے کیلئے کئے گئے اقدامات کا باریک بینی سے مشاہدہ کیا اور منتظمین سے تمام صورتحال کے متعلق آگاہی حاصل کی بات چیت کرتے ہوئے ڈپٹی کمشنر استامحمد ارشد حسین جمالی نے کہا کہ نقل کے عمل کو ختم کرنے کے لئے صوبائی حکومت سنجیدگی کے ساتھ اقدامات کر رہی ہے حکومت کے احکامات کی روشنی میں ضلعی انتظامیہ بھی نقل کی روک تھام کیلئے ہرممکن اقدامات اٹھائے گی اس سنٹرز پر معمور افسران و منتظمین کو چاہیے کہ وہ اپنے فرائض کی ادائیگی میں کوئی کوتاہی ہرگز نہ کریں بلکہ نقل کی روک تھام کیلئے بہتر انداز میں اقدامات کریں تاکہ ہم نقل جیسے ناسور کو روکنے کے مقصد میں کامیاب ہو سکیں اور بچوں کے ذہنوں میں لگی ہوئی دیمک کا خاتمہ انتہائی ضروری ہے تاکہ آیندہ نقل کرنے کا رجحان ختم ہو جائے نیز ڈپٹی کمشنر استامحمد ارشد حسین جمالی کی ہدایت پر اسسٹنٹ کمشنر استامحمد محمد رمضان اشتیاق و تحصیلدار استامحمد علی گوہر مگسی نے بھی جاری سالانہ امتحانات کے دوران مختلف امتحانی سنٹروں کا دورہ کیا اور نقل کی روک تھام کیلئے کئے گئے اقدامات کے متعلق تفصیل سے آگاہی حاصل کی۔
خبرنامہ نمبر2025/1083
خبرنامہ 13 فروری: ایڈیشنل ڈپٹی کمشنر خضدار کا مختلف امتحانی مراکز کا دورہ ،صاف و شفاف امتحانات کا انعقاد یقینی بنانے کی ہدایت، تفصیلات کے مطابق ڈپٹی کمشنر خضدار یاسر اقبال دشتی کے ہدایت پر ایڈیشنل ڈپٹی کمشنر علم دین تاجک نے امتحانی مراکز کا دورہ کیا۔ایڈیشنل ڈپٹی کمشنر نے امتحانی مراکز میں طلبا کی امتحانی کاپیاں، رول نمبر سلپ اور حاضری شیٹ کو چیک کیاایڈیشنل ڈپٹی کمشنر نے کہا کہ صاف و شفاف امتحانات کا انعقاد ہماری ذمہ داری ہے، سنٹر سپرنٹنڈنٹ اور عملہ سخت اور مؤثر نگرانی کریں، کسی بھی غیر متعلقہ افراد کو امتحانی حدود میں داخل نہ ہونے دیا جائے۔پیپرز بروقت تقسیم کی جائیں۔امتحانی مراکز کے نظم و ضبط کو برقرار رکھا جائے اس میں کسی قسم کی کوئی کوتاہی اور غفلت برداشت نہیں کی جائے گی۔
خبرنامہ نمبر 2026/1084
گوادر/پسنی13فروری:ـاسسٹنٹ کمشنر مہیم خان گچکی نے میٹرک امتحانات کے مختلف امتحانی مراکز کا تفصیلی دورہ کیا، جن میں گورنمنٹ بوائز ہائی اسکول پسنی، گورنمنٹ گرلز ہائی اسکول اور گورنمنٹ ایئر سیکنڈری اسکول پسنی شامل تھے۔
دورے کے دوران انہوں نے امتحانی مراکز میں نظم و ضبط، امتحانی عملے کی کارکردگی اور امتحانات کے انعقاد کے طریقہ کار کا بغور جائزہ لیا۔ اس موقع پر اسسٹنٹ کمشنر نے امتحانی سرگرمیوں کی مانیٹرنگ کی اور طلبہ کے امتحانی سلپ سمیت دیگر ضروری دستاویزات بھی چیک کروائیں۔
انہوں نے امتحانی مراکز میں سہولیات کا بھی معائنہ کیا اور شفاف و منصفانہ امتحانی ماحول کو یقینی بنانے کے لیے متعلقہ عملے کو ضروری ہدایات جاری کیں۔
خبرنامہ نمبر 2025/1085
گوادر13فروری:ـآر سی ڈی کونسل کے زیر اہتمام چار روزہ کتاب میلے کا افتتاح کر دیا گیا۔ سیف پاکستان کے سی ای او محمد تحسین نے فیتہ کاٹ کر میلے کا باضابطہ افتتاح کیا، جبکہ افتتاحی تقریب کی صدارت آر سی ڈی کونسل گوادر کے سرپرستِ اعلیٰ خدابخش ہاشم نے کی۔ اس موقع پر مہمانِ خصوصی محمد تحسین کے علاوہ علمی، ادبی اور سماجی شخصیات نے شرکت کی۔کتاب میلے کے پہلے روز مختلف موضوعات پر فکری و علمی سیشنز کا انعقاد کیا گیا، جن میں ادب، آرٹ، موسمیاتی تبدیلی، بلوچستان کے سماجی و ثقافتی پہلوؤں اور دیگر اہم موضوعات پر مباحثے ہوئے۔افتتاحی تقریب میں گوادر کے نوجوان گلوکاروں دیدگ اکبر اور یونس جی آر نے بلوچی زبان کے نامور شاعر عطا شاد کے گیت گا کر حاضرین کو محظوظ کیا۔
افتتاحی تقریب سے خطاب کرتے ہوئے مہمانِ خصوصی محمد تحسین، یونیورسٹی آف گوادر کے وائس چانسلر پروفیسر ڈاکٹر عبدالرزاق صابر، ڈپٹی کمشنر گوادر حمود الرحمٰن، سابق ایم پی اے میر حمل کلمتی، آر سی ڈی کونسل کے سرپرست اعلیٰ خدابخش ہاشم، بلوچی زبان کے معروف ادیب پروفیسر ڈاکٹر اے آر داد، اور سماجی کارکن نفیسہ رشید نے کتاب اور علم کی اہمیت پر روشنی ڈالی۔ڈپٹی کمشنر گوادر حمود الرحمٰن نے کہا کہ گوادر کا شمار ان اضلاع میں ہوتا ہے جہاں اساتذہ اپنی ذمہ داریوں کو بخوبی نبھاتے ہیں اور طلبہ شوق و محنت سے تعلیم حاصل کرتے ہیں۔ انہوں نے کہا کہ یہاں کے لوگ علم، ادب اور مطالعے سے گہری وابستگی رکھتے ہیں، اور ہر جگہ لائبریریوں کے قیام کا مطالبہ سامنے آتا ہے۔ انہوں نے مزید کہا کہ کتابوں سے دوستی مہذب اور ترقی پسند معاشروں کی پہچان ہے، اور گوادر کی مٹی میں وہ زرخیزی ہے جہاں آپ کو ادیب، شاعر، آرٹسٹ اور کتابوں سے محبت کرنے والے لوگ ہر جگہ ملیں گے۔انہوں نے اس بات پر بھی زور دیا کہ گوادر ہمیشہ سے آرٹ اور ثقافت کے میدان میں نمایاں رہا ہے، اور سی پیک کے بعد بھی اس کی شناخت اپنی علمی و ثقافتی سرگرمیوں کے باعث برقرار ہے۔انہوں نے کہا کہ گوادر، پسنی، جیوانی اور اورماڑہ کے لوگ ہمیشہ لائبریریوں کے قیام کا مطالبہ کرتے ہیں، اور یہ حقیقت ہے کہ لائبریریاں قوموں کی تقدیر بدلنے کی صلاحیت رکھتی ہیں۔ انہوں نے اس بات پر زور دیا کہ ہمیں اپنی آنے والی نسلوں کے مستقبل کو روشن بنانے کے لیے لائبریریوں کو فروغ دینا ہوگا۔موسمیاتی تبدیلی کے حوالے سے بات کرتے ہوئے مقررین نے کہا کہ دنیا موسمیاتی تبدیلی کے سنگین خطرات سے دوچار ہے، اور اگر ہم نے اس مسئلے کو سنجیدگی سے نہ لیا تو اس کے تباہ کن اثرات ناگزیر ہوں گے۔افتتاحی تقریب کی نظامت کے فرائض آر سی ڈی کونسل گوادر کے صدر ناصر رحیم سھرابی نے انجام دیے۔ بعد ازاں مہمانوں نے مختلف کتابوں کے اسٹالز کا معائنہ کیا، جہاں نئی اور نایاب کتابیں بھی رکھی گئی تھیں۔شام کے وقت خیرجان آرٹ اکیڈمی کی جانب سے ایک تھیٹر شو پیش کیا گیا، جبکہ گلزار گچکی کی کتاب “زھیروک” کی رونمائی بھی کی گئی۔ مزید برآں،موسمیاتی تبدیلی کے پسماندہ طبقات پر اثرات، بدلتا عالمی نظام، بلوچستان کے حالات، اور عطا شاد کی زندگی و خدمات پر مختلف دانشوروں نے اپنے خیالات کا اظہار کیا۔یہ چار روزہ کتاب میلہ گوادر میں علمی و ادبی سرگرمیوں کے فروغ کے لیے ایک اہم سنگ میل ثابت ہوگا۔ گوادر کے باسیوں کی کتابوں سے محبت اور علم دوستی اس بات کا ثبوت ہے کہ یہ شہر نہ صرف جغرافیائی طور پر بلکہ فکری لحاظ سے بھی ایک اہم علمی و ثقافتی مرکز بنتا جا رہا ہے۔
خبرنامہ نمبر 2025/1086
استامحمد13فروری:ـڈسٹرکٹ ای پی آئی اجلاس منعقد ہوا جس میں سیکرٹری ریجنل ٹرانسپورٹ ڈیپارٹمنٹ بلوچستان محمد حیات کاکڑ کے علاوہ ڈپٹی کمشنر اور ضلع بھر سے ڈاکٹرز پیرا میڈیکل سٹاف اور دیگر افسران نے بھی شرکت کی.اجلاس کے موقع پر ضلع بھر میں جاری طبی سہولیات کی فراہمی اور دیگر درپیش مسائل کے متعلق تفصیل سے جائزہ لیا گیا اجلاس کے موقع پر محکمہ صحت کے افسران ڈاکٹرز نے ضلع بھر کے مختلف شہری اور دیہی علاقوں میں طبی سہولیات کی فراہمی کے متعلق بھی آگاہی فراہم کی ڈپٹی کمشنر ارشد حسین جمالی نے کہا کہ عوام کو حکومت کی جانب سے فراہم کی جانے والی تمام طبی سہولیات کی فراہمی ڈاکٹر پیرامیڈیکل سٹاف کی ذمہ داریوں کا حصہ ہے اس لیے کوشش کی جائے کہ دور دراز علاقوں میں ہر ممکن طبی سہولیات کی فراہمی کو یقینی بنایا جائے ضلع انتظامیہ اس عمل کی کڑی مانیٹرنگ بھی کرے گی جبکہ بچوں کو مختلف وبائی امراض سے محفوظ رکھنے کے لیے ویکسینیشن کے عمل پر بھی خصوصی توجہ دی جائے اور دور دراز علاقوں کے لوگوں کے بچوں کو مختلف وبائی امراض سے بچانے کے لیے ویکسین کے عمل کو مزید موثر انداز میں تیز کیا جائے تاکہ ہم اپنے بچوں کو خطرناک بیماریوں سے محفوظ رکھ سکیں اسی دوران ڈپٹی کمشنر نے سیکرٹری ریجنل ٹرانسپورٹ ڈیپارٹمنٹ بلوچستان محمد حیات کاکڑ کا شکریہ ادا کیا اور نہم و دہم کے جاری امتحانات میں نقل کی روک تھام کے سلسلے میں ضلعی انتظامیہ کی جانب سے کئے گئے اقدامات کے متعلق تفصیل کے ساتھ آگاہی فراہم کی.
