Report Sabih Salik
یہ واقعہ کولمبیا میں پیش آیا، جہاں 5 افراد درخت کے نیچے کھڑے کھڑے جاں بحق ہو گئے۔ ان میں سے 4 خواتین فٹبالرز تھیں۔
کولمبیا ان دنوں شدید طوفانی بارشوں کی لپیٹ میں ہے، یہ واقعہ فٹبال میچ کے دوران پیش آیا جب ان پانچوں افراد نے بارش اور طوفان سے بچنے کے لیے ایک درخت کے نیچے پناہ لی۔
رپورٹ کے مطابق اس دوران اچانک بجلی گرنے سے ان پانچوں افراد کی موت واقع ہوگئی، جبکہ مزید دو خواتین شدید جھلسنے کے باعث اسپتال منتقل کی گئی ہیں۔
واضح رہے کہ اس سے قبل بھی فٹبال میچز کے دوران آسمانی بجلی گرنے سے انسانی جانوں کے ضیاع کی خبریں سامنے آتی رہی ہیں۔
