راولپنڈی
صدر مرکزی انجمن تاجران لیاقت باغ روڈ راولپنڈی شیخ عبد الوحید نے کہا کہ جموں کشمیر پاکستان کی شہہ رگ ہے،جہاں کے 96 فیصد مسلم سالہا سال سے حق خودارادیت کی جدوجہد کررہے ہیں،جنھیں انڈین فورسز اس جرم کی پاداش میں شہید کرتی آرہی ہے۔آج مقبوضہ کشمیر میں خون کی ندیاں بہ رہی ہیں۔دنیا بھر کے مسلمانوں اور اقوام متحدہ کے ضمیر کو جھنجھوڑنے کی اشد ضرورت ہے،اقوام متحدہ اور انسانی حقوق کی تنظیموں کو جاگنا ہوگا،تاکہ مقبوضہ کشمیر کی عوام آزادی کی فضا میں سکھ کا سانس لے سکیں۔
انھوں نے یہ بات یوم یکجہتی کشمیر کے موقع پر راولپنڈی آرٹس کونسل میں پاسبان وطن ویلفیئر فاؤنڈیشن کے زیر اہتمام منعقدہ تقریب سے خطاب کے دوران کہی۔شیخ عبدالوحید کا کہنا تھا کہ قائد اعظم محمد علی جناح نے کہا تھا کہ پاکستان کشمیر ہماری شہہ رگ ہے۔کشمیر میں قدرتی وسائل کو مد نظر رکھتے ہوئے سوچی سمجھی سازش کے تحت قبضہ کیا گیا۔دفاعی طور پر کشمیر پاکستان کے لئے ریڑھ کی ہڈی کی حیثیت رکھتا ہے۔ان کا مزید کہنا تھا کہ جموں کشمیر کی آزادی کی جنگ آزاد کشمیر کو ساتھ مل کر لرنا ہوگی۔جنرل اسمبلی کو جگانے کی ضرورت ہے،مجھے افسوس سے کہنا پڑ رہا ہے کہ آزاد کشمیر میں سید علی گیلانی کے بعد ایک ایسا شخص نہیں آیا جو بند دروازوں پر دستک دیتا ،کشمیر کی آزادی کی جدوجہد کا علم بلند کرتا۔شیخ عبد الوحید نے کہا کہ مقبوضہ کشمیر میں ہونے والے قتل و غارتگری نے ثابت کیا کہ انڈیا میں جمہوریت کا وجود نہیں۔اگر تمام مسلمان یکجا ہو جائیں تو بھارتی حکومت گھٹنے ٹیکنے پر مجبور ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
======================
راولپنڈی
کائٹ فلائنگ کی خرید و فروخت کرنے والا ملزم تھانہ وارث خان کی گرفت میں آگیا،ملزم سے 20 پتنگیں اور 2 دھاتی ڈوریں برآمد کر لی گئیں۔
اطلاعات کے مطابق راولپنڈی پولیس تھانہ وارث خان کے ایس ایچ او سید تہذیب الحسنین شاہ اور ان کی ٹیم کا پتنگ بازوں کے خلاف بھرپور کریک ڈاؤن جاری ہے۔جس کے تحت کائٹ فلائنگ کی خرید و فروخت کرنے والا ایک اور ملزم تھانہ وارث خان کی گرفت میں آگیا،جس سے20 پتنگوں سمیت 2 دھاتی ڈوریں تحویل میں لے لی گئیں۔ملزم کے خلاف چار پنجاب کائٹ فلائنگ ایکٹ کی دفعات کے تحت مقدمہ درج کیا گیا۔ملزم کی شناخت ریحان کے نام سے ہوئی۔اس پر ایس ایچ او سید تہذیب الحسنین شاہ کا کہنا تھا کہ کائٹ فلائنگ ایک جان لیوا کھیل ہے، لہذا ایسے سماج دشمن عناصر کے خلاف کارروائی جاری رکھی جائے گی ۔ملزم کو ٹھوس شواہد کے ساتھ چلان عدالت کیا جائے گا،جب کہ ایس پی راول کی جانب سے ایس ایچ او تھانہ وارث خان اور ان کی ٹیم کو شاباش دی گئی۔ دوسری جانب ایس ایچ او تھا نہ وارث خان سید تہذیب الحسنین شاہ اور ان کی ٹیم نے موثر کارروائی کرتے ہوئے ایک منشیات فروش حمزہ ولد طفیل کو گرفتار کر لیا گیا۔جس کے قبضہ سے 750 گرام چرس برآمد کر لی گئی اور مقدمہ درج کر لیا گیا۔اس پر ایس ایچ او سید تہذیب الحسنین شاہ نے ملزم کی گرفتاری پر کہا کہ منشیات کے خاتمے کے لیے کریک ڈاؤن جاری رہے گا۔نوجوان نسل کی رگوں میں منشیا ت کا زہر پھیلانے والے قانون کی گرفت سے نہیں بچ سکتے۔
