24 سالہ محمد عمیر نے اپنی ہمشیرہ ام حبیبہ کو گردہ عطیہ کیا ۔گردہ کا ٹرانسپلانٹ، ٹرانسپلانٹ سرجن اور ہیڈ آف ڈیپارٹمنٹ پروفیسر نوید اقبال کی سربراہی میں ٹیم نے کیا۔اس موقع پر ان کا کہنا تھا کہ مریض اور اس کی بہن دونوں کی حالت خطرے سے باہر ہے۔انہوں نے بتایاکہ 24 سالہ محمد عمیر جو خود بھی ایم بی بی ایس ڈاکٹر ہے اور اس نے اپنی بہن ام حبیبہ کو گردہ عطیہ کیا۔ پرنسپل علامہ اقبال میڈیکل کالج پروفیسر اصغر نقی اور ایم ایس جناح ہسپتال ڈاکٹر کاشف جہانگیر نے
ٹرانسپلانٹ یونٹ کا وزٹ کیا۔ ٹرانسپلانٹ سرجن اور ہیڈ آف ڈیپارٹمنٹ پروفیسر نوید اقبال نے مزید بتایاکہ وزیراعلیٰ پنجاب مریم نواز شریف کے مشن کے مطابق جناح ہسپتال میں فری گردے کی پیوندکاری کا آپریشن کیاگیا ہے جوکہ وزیرصحت پنجاب خواجہ سلمان رفیق، چیئرمین بورڈ آف گورنرز گوہر اعجاز، پرنسپل اور ایم ایس کی مکمل معاونت سے ممکن ہوا۔
