الخبر ( ناظم علی سے) سعودی عرب کے ساحلی شہر الخبر میں پاکستانی کمیونٹی کی جانب سے پاکستان سے آئے ھوئے معزز مہمان پروفیسر سہیل حمید قادری کے اعزاز میں مقامی ہوٹل میں ایک پرتکلف عشائیہ تقریب منعقد کی گئی جس میں کمیونٹی اکابرین نے خصوصی شرکت کی مہمان خصوصی پروفیسر سہیل حمید نے قرآن و حدیث کی روشنی میں زندگی جینے کے انداز اور کردار پر نہایت مدلل عمدہ خطاب کرتے ہوئے کہا کہ زندگی گزارنے کا بہترین طریقہ صرف دین اسلام میں ہے دین اور دنیا الگ نہیں ہیں نماز کے وقت نماز پڑھ لینا صرف اسلام نہیں ہے بلکہ دنیاوی معاملات لین دین ، معاشی و معاشرتی اصول بھی دین اسلام کے اپنانے ہوں گے دین اسلام میں عدل ہے جب عدل ہو پھر فساد نہیں ہوتا معاشرے میں حقوق وفرائض کی تقسیم ہے کبھی کسی کا اگر حق ہے تو وہ دوسرے کا فرض ہے آقا کریم ﷺ کی زندگی ہمارے لیے مشعل راہ ہے نبی کریم ﷺ کی سنتوں پر عمل پیرا ہو کر ہم دین و دنیا اور آخرت کی کامیابی حاصل کر سکتے ہیں مہمان خصوصی نے خوبصورت ایمان افروز تقریب منعقد کرنے پر میزبانوں کا شکریہ ادا کیا تقریب میں پروفیسر محمد امین طاھر ، پروفیسر ساجد حسین ، پروفیسر خالد اقبال ، پروفیسر شہزاد بلال ، ڈاکٹر نعمان عبداللہ ، میاں غلام مرتضی مرتضائی ، فیض احمد سلہری ، افضل ناصر ، کاشف ریاض ، علامہ محسن شبیر ، علامہ غلام سرور قادری اور دیگر نے شرکت کی اور مہمان خصوصی پروفیسر سہیل حمید کی دین اسلام کیلئے کی جانے والی خدمات کو سراہتے ہوئے خراج تحسین پیش کیا شکریہ پاک یونائیٹڈ میڈیا فورم
