وزیراعظم اسلامی جمہوریہ پاکستان جناب محمد شہباز شریف کا یوم یکجہتی کشمیر کے موقع پر پیغام (5 فروری 2025)
پاکستان کی حکومت اور عوام ہر سال ’’یوم یکجہتی کشمیر‘‘ مناتے ہیں تاکہ کشمیری عوام کے حق خودارادیت کے حصول کے لیے ان کی منصفانہ اور جائز جدوجہد کی مستقل حمایت کی تجدید کی جاسکے۔ حق خود ارادیت بین الاقوامی قانون کا ایک بنیادی اصول ہے۔ ہر سال، اقوام متحدہ کی جنرل اسمبلی ایک قرارداد منظور کرتی ہے جس میں لوگوں کو اپنی تقدیر خود طے کرنے کے قانونی حق پر زور دیا جاتا ہے۔ افسوس کہ کشمیری عوام گزشتہ 78 سال گزرنے کے باوجود اس ناقابل تنسیخ حق کو استعمال نہیں کر سکے۔
غیر قانونی طور پر بھارت کے زیر تسلط، مقبوضہ جموں و کشمیر (IIOJK) دنیا کے سب سے بڑے قابض فوجی علاقوں میں سے ایک ہے۔ کشمیری خوف اور دہشت کے ماحول میں جی رہے ہیں۔ سیاسی کارکنوں اور انسانی حقوق کے محافظوں کو طویل حراست میں رکھا جا رہا ہے اور ان کی جائیدادیں ضبط کی جا رہی ہیں۔ کشمیری عوام کی حقیقی امنگوں کی نمائندگی کرنے والی سیاسی جماعتوں پر پابندی لگا دی گئی ہے۔ ان جابرانہ اقدامات کا مقصد اختلاف رائے کو کچلنا ہے۔
بھارت، مقبوضہ کشمیر پر اپنے غیر قانونی قبضے کو مستحکم کرنے کے لیے غیر قانونی اقدامات کر رہا ہے۔ 5 اگست, 2019 کے غیر قانونی اور یکطرفہ اقدامات کے بعد، بھارت کی کوششوں کا مقصد بھارتی مقبوضہ جموں و کشمیر کی آبادی اور سیاسی ماحول کو تبدیل کرنا ہے تاکہ کشمیری اپنی ہی سرزمین میں ایک بے اختیار کمیونٹی میں تبدیل ہو جائیں-
مشرق وسطیٰ کی حالیہ پیش رفت اس بات کو ظاہر کرتی ہے کہ دیرینہ تنازعات کو مزید طول نہیں دیا جانا چاہیے۔ مقامی لوگوں کی حقیقی امنگوں کو دبا کر دیرپا امن حاصل نہیں کیا جا سکتا۔ جنوبی ایشیاء میں پائیدار امن کے مفاد میں عالمی برادری کو بھارت پر زور دینا چاہیے کہ وہ کشمیری عوام کو آزادانہ طور پر اپنے مستقبل کا فیصلہ کرنے کی اجازت دے۔
میں اس بات کا اعادہ کرنا چاہتا ہوں کہ جموں و کشمیر کا تنازعہ ہماری خارجہ پالیسی کا ایک اہم ستون رہے گا ۔ پاکستان کشمیری عوام کے، اقوام متحدہ کی سلامتی کونسل کی متعلقہ قراردادوں کے مطابق، حق خودارادیت کے حصول تک ان کی غیر متزلزل اخلاقی، سفارتی اور سیاسی حمایت جاری رکھے گا۔ میں اس موقع پر بہادر کشمیری عوام کے عزم اور حوصلے کو سلام پیش کرتا ہوں، جو اپنے بنیادی حقوق اور آزادیوں کے حصول کے لیے اپنی جدوجہد میں لاتعداد قربانیاں دے رہے ہیں۔
=============================
کوئٹہ۔ 5 فروری
کشمیری عوام بھارتی قبضے کے خلاف اپنی جدوجہد جاری رکھے ہوئے ہیں، وزیر اعلیٰ بلوچستان میر سرفراز بگٹی
وہ دن دور نہیں جب کشمیریوں کو حقِ خودارادیت حاصل ہوگا، وزیر اعلیٰ بلوچستان میر سرفراز بگٹی
خطے میں امن مسئلہ کشمیر کے منصفانہ حل سے ممکن ہے، وزیر اعلیٰ بلوچستان میر سرفراز بگٹی
بھارت نے کشمیریوں کو بنیادی حقوق سے محروم کر رکھا ہے، وزیر اعلیٰ بلوچستان میر سرفراز بگٹی
عالمی برادری بھارتی مظالم کا نوٹس لے، وزیر اعلیٰ بلوچستان میر سرفراز بگٹی
پاکستان کشمیری عوام کی حمایت ہمیشہ جاری رکھے گا، وزیر اعلیٰ بلوچستان میر سرفراز بگٹی
بلوچستان کے عوام کشمیری بھائیوں کے ساتھ کھڑے ہیں، وزیر اعلیٰ بلوچستان میر سرفراز بگٹی
کشمیری عوام کی قربانیاں جلد رنگ لائیں گی، وزیر اعلیٰ بلوچستان میر سرفراز بگٹی
==========================
سینٹرل میڈیا سیل
پاکستان مرکزی مسلم لیگ
مرکزی مسلم لیگ کے صدر خالد مسعود سندھو کا یوم ِیکجہتی کشمیر کے موقع پر پیغام
بھارتی جبر کے سامنے کشمیری عوام کے عزم و استقلال کو خراج تحسین پیش کرتے ہیں، صدر مرکزی مسلم لیگ
پاکستانی قوم کشمیریوں کی سفارتی، سیاسی اور اخلاقی حمایت اور مدد جاری رکھیں گے، خالد مسعود سندھو
مقبوضہ جموں و کشمیر میں انسانی حقوق کی صورتحال سنگین ہے، صدر مرکزی مسلم لیگ
مقبوضہ جموں و کشمیر میں میڈیا کو جبر کے ذریعے خاموش کیا جا رہا ہے، صدر خالد مسعود سندھو
بانی پاکستان محمد علی جناح نے کشمیر کو پاکستان کی شہہ رگ قرار دیا تھا، خالد مسعود سندھو
پاکستان کی شہہ رگ 77 سالوں سے بھارت کے پنجہ میں قید ہے، مرکزی مسلم لیگ
پاکستان کی شہہ رگ پر قبضہ چھڑوا کر رہیں گے، صدر مرکزی مسلم لیگ
پاکستان اور بھارت کے درمیان ہونے والی جنگوں کی وجہ کشمیر ہے، صدر مرکزی مسلم لیگ
======================
وفاقی وزیر برائے قانون و انصاف و انسانی حقوق، سینیٹر اعظم نذیر تارڑ کا یوم یکجہتی کشمیر کے موقع پر پیغام
آج یوم یکجہتی کشمیر کے موقع پر، حکومتِ پاکستان جموں و کشمیر کے عوام کی حقِ خودارادیت کے لیے جاری جدوجہد کی مکمل حمایت کا اعادہ کرتی ہے۔ کشمیری عوام کئی دہائیوں سے جبر و استبداد کا سامنا کر رہے ہیں، تاہم ان کا عزم اور حوصلہ بدستور غیر متزلزل ہے۔
بھارت کے غیر قانونی طور پر مقبوضہ جموں و کشمیر (IIOJK) میں کشمیری عوام کو ان کے بنیادی حقوق سے محروم رکھا جا رہا ہے۔ وہ منظم ریاستی جبر اور انسانی حقوق کی سنگین خلاف ورزیوں کا شکار ہیں۔ پاکستان ہر بین الاقوامی فورم پر کشمیری عوام کے حقوق کے تحفظ اور ان کے جائز مطالبات کے حق میں آواز بلند کرتا رہے گا۔
حقِ خودارادیت کوئی رعایت نہیں بلکہ ایک تسلیم شدہ بنیادی انسانی حق ہے، جسے اقوام متحدہ سمیت عالمی برادری نے تسلیم کر رکھا ہے۔ کسی بھی جبر و طاقت کے ذریعے آزادی کی جدوجہد کو ہمیشہ کے لیے دبایا نہیں جا سکتا۔ ہم عالمی برادری سے مطالبہ کرتے ہیں کہ وہ اپنی خاموشی توڑ کر مظلوم کشمیری عوام کے حق میں آواز بلند کرے اور ان کے مصائب کے خاتمے کے لیے مؤثر اقدامات کرے۔
آج کے دن، ہم کشمیری عوام کی عظیم قربانیوں کو خراجِ عقیدت پیش کرتے ہیں اور انہیں یقین دلاتے ہیں کہ پاکستان ان کے ساتھ ہے، اور ہمیشہ رہے گا، جب تک کہ انصاف اور حقِ خودارادیت کا خواب حقیقت نہ بن جائے۔
===================
یوم یکجہتی کشمیر پر وفاقی وزیر برائے ہاؤسنگ اینڈ ورکس میاں ریاض حسین پیرزادہ کا خصوصی پیغام
آج کے دن ہمارے کشمیری بھائیوں کے لیے پیغام ہے کہ انکی جدوجہد ِ آزادی میں پاکستانی عوام اور حکومت ہر لمحہ، ہر محاذ پر ان کے ساتھ کھڑی ہے۔
ہم اپنے کشمیری بھائیوں کی حمایت سے کبھی پیچھے نہیں ہٹیں گے۔
دنیا کی کوئی طاقت کشمیریوں کے حق خود ارادیت کو جھٹلا سکتی ہے نہ چھین سکتی ہے۔
اقوامِ عالم سے ہمارا مطالبہ ہے کہ فلسطین کے ساتھ مسئلہ کشمیر کے حل پر بھی زور دیں ۔
مسئلہ کشمیر کا پرامن حل صرف اقوامِ متحدہ کی قراردادوں پر عملدرآمد سے ہی ممکن ہے۔
==========================
وفاقی وزیر اطلاعات عطاءاللہ تارڑ کی 5 فروری یوم یکجہتی کشمیر کے موقع پر خصوصی گفتگو
آج کے دن ہم نہتے اور مظلوم کشمیریوں کی اخلاقی، سیاسی اور سفارتی حمایت جاری رکھنے کا عہد کرتے ہیں، عطاءاللہ تارڑ
مقبوضہ کشمیر کے عوام پر ڈھائے جانے والے مظالم کی بھرپور الفاظ میں مذمت کرتے ہیں، وفاقی وزیر اطلاعات
کشمیر کے بہادر جوانوں، ماﺅں اور بہنوں کی لازوال قربانیاں کبھی رائیگاں نہیں جائیں گی، عطاءاللہ تارڑ
کشمیریوں کا خون مقدس خون ہے، عطاءاللہ تارڑ
کشمیری عوام اپنے حق کے لئے جدوجہد جاری رکھے ہوئے ہیں، وفاقی وزیر اطلاعات
کشمیری عوام کو اقوام متحدہ کی قراردادوں کے مطابق حق خود ارادیت ملنا چاہئے، عطاءاللہ تارڑ
کشمیری عوام پر ڈھائے جانے والے مظالم کا خاتمہ ہونا چاہئے، وفاقی وزیر اطلاعات
پاکستان کے عوام کشمیری بھائیوں کے ساتھ کھڑے ہیں، ہمیشہ ان کی حمایت جاری رکھیں گے، وفاقی وزیر اطلاعات
===========================
کشمیر ڈے 24کروڑ عوام کی کشمیری عوام کے ساتھ یکجہتی کا مظہر ہے۔ ہم یہ دن بھارتی جارحیت، انکی خود مختاری پر حملے کے خلاف احتجاج کرکے اقوام متحدہ کو اسکی قراردادیں یاد دلاکر انکی ذمہ داری اور کشمیریوں کو آزادی دینے کا اظہار کرتے ہیں۔ ڈاکٹر عشرت العباد خان سابق گورنر سندھ و روح رواں ایم پی پی
کراچی (میڈیا سیل ایم پی پی) ڈاکٹر عشرت العباد خان سابق گورنر سندھ و روح رواں ایم پی پی نے کشمیر ڈے 5فروری کے موقع پر کہا ہے کہ کشمیر ڈے 24کروڑ عوام کی کشمیری عوام کے ساتھ یکجہتی کا مظہر ہے۔ ہم یہ دن بھارتی جارحیت، انکی خود مختاری پر حملے کے خلاف احتجاج کرکے اقوام متحدہ کو اسکی قراردادیں یاد دلاکر انکی ذمہ داری اور کشمیریوں کو آزادی دینے کا اظہار کرتے ہیں۔ کشمیر ہماری قوم اور قائد اعظم کے فرمان کے مطابق ہماری ریڈ لائن ہے۔ ایم پی پی یوم یکجہتی کشمیر بھرپور طریقے سے منائے گی۔ ہمارے دل کشمیری بہن بھائیوں کے ساتھ دھڑکتے ہیں۔ عالمی عدالت انصاف بھی نوٹس لے۔ اقوام متحدہ اپنی قراردادوں پر عمل درآمد میں ناکامی پر سوالیہ نشان بن چکی ہے۔ بھارت اپنی ہٹ دھرمی اور اقدامات واپس لے عالمی ضمیر مظلوم کشمیریوں کے لئے بھی جاگنا چاہئے۔ کشمیریوں کے حق خود،مختاری تک پوری قوم انکے شانہ بشانہ رہے گی۔
==============
