یونیورسٹی فنڈنگ کا بحران، ملازمتیں جانے کا خدشہ
یونیورسٹی فنڈنگ کا بحران، ملازمتیں جانے کا خدشہ
برطانیہ کی ممتاز یونیورسٹیز کے ایک حصے کی جانب سے عملے کی تعداد اور بجٹ مختص کرنے میں تقریباً 25 فیصد کمی کو نافذ کر رہا ہے جس کے باعث 10 ہزار سے زائد ملازمتیں جانے کا خدشہ پیدا ہوگیا۔
یہ تشویشناک رجحان اعلیٰ تعلیمی اداروں کی سالمیت اور بین الاقوامی حیثیت کو برقرار رکھنے کےلیے فیصلہ کن کارروائی کے مطالبات کو جنم دے رہا ہے۔
یاد رہے کہ گزشتہ ہفتے چار جامعات، جن میں ریسرچ پر مبنی رسل گروپ کے دو سرکردہ ممبران شامل ہیں، نے ایک ہزار عہدوں کو ختم کرنے کا اجتماعی اعلان کیا تھا۔
فی الحال برطانیہ بھر میں تقریباً 90 جامعات تنظیم نو کی کوششوں میں مصروف ہیں جو ان کے پےرول کے اخراجات کو کم کرنے کےلیے لازمی اور رضاکارانہ اسکیموں کو شامل کرتی ہیں۔
کٹوتیاں کرنے والے اداروں میں کارڈف یونیورسٹی بھی شامل ہے، جس نے ہیومینٹی کے شعبوں میں ملازمتوں کے نقصانات کے ساتھ ساتھ اپنے معروف نرسنگ پروگراموں میں کمی کا بھی اعلان کیا ہے۔
یہ صورتحال اس حقیقت کو واضح کرتی ہے کہ جامعات کے وقار اور یا شہرت سے قطع نظر فنڈنگ کے چیلنجز اداروں کو متاثر کرتے ہیں۔
رائل کالج آف نرسنگ (RCN) نے تشویش کا اظہار کیا کہ مالی بحران نرسنگ کی تعلیم کو شدید متاثر کر رہا ہے۔ نرسنگ ماہرین تعلیم اور اعلیٰ تعلیم کے عملے کی اکثریت نے بھرتی منجمد ہونے کی اطلاع دی، جبکہ یہ شعبہ 40 ہزار سے زائد خالی اسامیوں سے دوچار ہے۔
==============================
کراچی: طالبات سے 9 لاکھ روپے کے فراڈ میں ملوث ملزم نے چوہے مار دوا پی لی
کراچی کے علاقے ناظم آباد میں گورنمنٹ کالج فار ویمن کی طالبات سے لاکھوں روپے کے فراڈ میں ملوث ملزم نے زہر پی لیا۔
پولیس کے مطابق ملزم تشویشناک حالت میں عباسی شہید اسپتال میں زیرِ علاج ہے، ملزم اسپتال کے آئی سی یو میں زیرِ علاج ہے جہاں اس کی حالت خطرے سے باہر ہے۔
تفتیشی حکام کے مطابق ملزم کو حفاظتی تحویل میں لے لیا گیا ہے اور پولیس کو تعینات کردیا گیا ہے۔
کراچی: سرکاری کالج کا سپرنٹنڈنٹ فیس کے 9 لاکھ روپے لیکر فرار
ملزم جوہرآباد میں رہائشی عمارت کی چوتھی منزل پر رہتا ہے، پولیس ملزم کو گرفتار کرنے پہنچی تو اس نے چوہے مار دوا پی لی تھی۔
تفتیشی حکام کے مطابق ملزم طالبات سے 9 لاکھ روپے سے زائد رقم لیکر فرار ہوا تھا، ملزم کی طبیعت بہتر ہونے کے بعد بیان لیا جائے گا۔
================================
اُستاد کی ریٹائرمنٹ پر طلبا کا جذباتی خراجِ تحسین، انوکھا انداز وائرل
اسد اللہ کی محنت اور لگن کے باعث طلبا ان سے بےحد محبت کرتے تھے
پاکپتن میں ایک اسکول ٹیچر کی ریٹائرمنٹ پر طلبا نے انوکھے انداز میں انہیں الوداع کہا، جس کا منظر سوشل میڈیا پر وائرل ہوگیا۔ طلبا نے کتابوں کے سائے میں اپنے استاد اسداللّہ کو رخصت کیا، جس نے دیکھنے والوں کے دل موہ لیے۔
اسداللّہ نے 32 سال تک تدریس کے شعبے میں خدمات انجام دیں اور کالونی ایریا اسکول میں بطور استاد فرائض سرانجام دیتے رہے تھے۔ ان کی محنت اور لگن کے باعث طلبا ان سے بےحد محبت کرتے تھے، جس کا اظہار ان کی الوداعی تقریب میں والہانہ انداز میں کیا گیا۔
سوشل میڈیا صارفین نے استاد کے ساتھ طلبا کی محبت اور خلوص کو سراہا اور اسے ایک قابلِ تقلید مثال قرار دیا۔
Students good bye to teacher
جعلی اسناد پر امریکہ جانے کی کوشش12 ملزمان کا جسمانی ریمانڈ
کراچی (اسٹاف رپورٹر)جوڈیشل مجسٹریٹ جنوبی نے جعلی اسناد پر امریکہ جانے کی کوشش کرنے کے الزام میں ملزمان کو جسمانی ریمانڈ پر ایف آئی اے کے حوالے کردیا۔ ایف آئی اے نے گرفتار 12 ملزمان کو عدالت میں پیش کردیا ۔عدالت نے تمام ملزمان کو 5 روزہ جسمانی ریمانڈ پر ایف آئی اے کے حوالے کردیا ۔گرفتار ملزمان میں نثار خان ،ملک محمد اسفندیار ،حذیفہ ملک عمر حیات ،ذیشان علی ،سید وسیع احمد ،قرت العین فاطمہ ،شہروز بابر عاقب آفریدی ،اسامہ امتیاز ،عبد الباسط اور فرقان احمد شامل ہیں ۔ایف آئی اے کے مطابق ملزمان کو امریکی قونصلیٹ کی شکایت پر گرفتار کیا گیا ہے ، ملزمان نے ویزے کے لیے جعلی دستاویزات جمع کروائی تھیں۔
=======================
Peak Pvt. Ass Sindh
کے Patron in chief سید جواد حیدر نقوی کی اہلیہ کا قضائے الہی سے انتقال ہو گیا ہے
انا للہ وانا الیہ راجعون
نماز جنازہ بعد نماز عصر ادا کی جائے گی مسجد اور ایڈریس کی اطلاع جلد دے دی جائے گی
سید جواد نقوی
03428345056
=========================
پاکستان میں ایک اور برطانوی تعلیمی بورڈ کا باقاعدہ آغاز ہوگیا
سید محمد عسکری
پاکستان میں ایک اور برطانوی بورڈ لرننگ ریسورس نیٹ ورک (ایل آر این) کا باقاعدہ آغاز کردیا گیا ہے۔
اس سلسلے میں افتتاحی تقریب برٹش ڈپٹی ہائی کمیشن میں منعقد ہوئی جس سے برطانوی ڈپٹی ہائی کمشنر مارٹن ڈائوسن، برطانوی ماہر تعلیم اور ایل این آر کی اسسمنٹ منیجر انجیلاکا ڈی پائیوا، ایل آر این کے سربراہ طارق ذوہیب، ضیاالدین یونیورسٹی کی پروچانسلر ڈاکٹر ندا عاصم، برطانوی اسکول کے سربراہ روسیل کولینز، ثمرہ پیران اور دیگر نے بھی خطاب کیا۔
صدر پاکستان کے مشیر اور سابق چیئرمین سندھ ہائی ایجوکیشن ڈاکٹر عاصم حسین اور اینیمل یونیورسٹی سکرنڈ کے وائس ڈاکٹر فاروق حسن اور مختلف اسکولوں کے سربراہان نے بھی افتتاحی تقریب میں شرکت کی۔
اس موقع پر نمایاں تعلیمی خدمات انجام دینے پر ڈاکٹر خدیجہ مشتاق کو تعلیمی خدمات پر لائیو اچیوومنٹ ایوارڈ دیا گیا جو ان کی صاحبزادی نیہا مشتاق نے وصول کیا۔
برطانوی ڈپٹی مشن مارٹن ڈاؤسن نے کہا کہ تعلیم سوسائٹی کی تبدیلی اور اقتصادی ترقی میں اہم کردار ادا کرتی ہے اور اسی لیے برطانیہ تعلیم کو بہت اہمیت دیتا ہے، برطانوی نظام تعلیم دنیا کا بہترین تعلیمی نظام ہے جسے 150 ملکوں نے اپنایا ہے۔ فروغ تعلیم میں برطانیہ اپنا کردا ادا کرتا رہے گا۔
انجیلاکا ڈی پائیوا ایل نے کہا کہ پاکستان میں ٹیلنٹ کی کمی نہیں اور پاکستانی بچوں کا شمار ذہین ترین بچوں میں ہوتا ہے۔ انہوں نے ایل آر این کے قیام کا مقصد بتاتے ہوئے کہا کہ ہم پاکستان میں جی سی ایس ای، اے ایس اور اے لیول اور دیگر پروگرامز لے کر آرہے ہیں۔
طارق زوہیب نے کہا کہ لرننگ ریسورس نیٹ ورک ایک تسلیم شدہ ایوارڈ دینے والی تنظیم ہے جو امیدواروں، تعلیمی اداروں، تربیت فراہم کرنے والوں، اسکولوں اور آجروں کو قابلیت کی حد پیش کرتی ہے۔
انہوں نے کہا کہ دیگر برطانوی بورڈز کے مقابلے میں ہماری فیس نصف سے بھی کم ہے۔
اس موقع پر ایل آر این پر مباحثہ بھی ہوا جس میں ڈاکٹر ثروت نعمان، اطہر خان، عبدالقادر اور دیگر نے حصہ لیا اور حاضرین کے سوالات کے جوابات دیے۔ اس موقع پر برطانوی ڈپٹی ہائی کمشنر نے کیک بھی کاٹا۔
========================
اسٹوڈینٹس پیرینٹس فیڈریشن کے چیئرمین ندیم مرزا کی متحدہ قومی موومنٹ کے مرکز بہادر آباد میں متحدہ رھنماؤں سے ملاقات
متحدہ کے جناب فاروق ستار جناب امین الحق ، جناب فرقان طیب اور اسٹوڈینس پیرینٹس فیڈریشن کے عمران زیدی موجود تھے
ملاقات میں سندھ میں تعلیم کے شعبے میں اصلاحات کے علاوہ انٹرمیڈیٹ، میٹرک بورڈ، فرسٹ ائیر، میڈیکل اور انجنئیرنگ کالجوں میں داخلوں کیلئے طلباء کے مسائل، ڈومیسائل اور نجی تعلیمی اداروں میں والدین کے مسائل پر گفتگو ھوئی
ملاقات میں فیصلہ ھوا کہ بہت جلد سندھ کے تعلمی مسائل پر تفصیلی گفتگو کر کے لائحہ عمل تیار کیا جائے گا
========================
