کراچی( )معروف کامیڈین فنکار و دانشور انور مقصود نے کہا ہے کہ الفرقان آرگنائزیشن جیسے اداروں کے قیام کا مقصد تعلیم یافتہ افراد کو اسمبلیوں میں بھیجنا ہے،آج کی تقریب میں مجھے مدعو کیا گیا ہے،تاہم نہ بلایا جاتا تو بھی میں یہاں آتا ،افسوس ناک بات یہ ہے کہ ابتک جتنے بجٹ آئے ہیں،ان میں سب سے کم پیسے تعلیم پر خرچ کئے گئے ہیں،وہ ڈیفنس میں واقع معروف بزنس مین زاہد حمید کی رہائش گاہ پر الفرقان اسکولز میں زیر تعلیم طلباءو طالبات کے لئے فنڈز ریزنگ کے تقریب سے بحیثیت مہمان خصوصی خطاب کررہے تھے،انہوں نے کہا کہ الفرقان جیسے تعلیمی اداروں کی ماضی کے مقابلے میں زیادہ ضرورت ہے،تاکہ جو کروڑوں بچے ،بچیاں اسکول سے باہر ہیں وہ اسکول جاکر تعلیم حاصل کرسکے،انہوں نے کہا کہ ضرورت
اس چیز کی بھی ہے بچوں کے ساتھ ساتھ بڑوں کو بھی لازمی تعلیم دی جائے ،تاکہ اچھا معاشرہ قائم ہو اور اسمبلیوں میں تبدیلی آئے،انہوں نے کہا کہ اسٹاک ایکسچینج میں اضافے کی بڑی وجہ عمران خان کا جیل میں رہنا ہے
،اگر وہ باہر ہوتے تو اسٹاک ایکسچینج کبھی اتنا اوپر نہیں جاتا،اس موقع پرسنئیر فلم ،ٹی وی آرٹسٹ بہروز سبزواری نے کہا کہ اللہ تعالیٰ انور مقصود کو سلامت رکھے ان سے میری 50 برس کی شنا سائی ہے،وہ اس ملک کا اثاثہ ہیں ،بہروز سبزواری نے کہا کہ الفرقان آرگنائزیشن اندھیروں میں روشنی کی کرن ہے،فریال آصف صاحبہ نے وہ کام کیا ہے جو اس ملک کے کرتا دھرتاو¿ں کی ذمہ داری ہے،میزبان زاہد حمید نے مہمانوں کا شکریہ ادا کرتے ہوئے کہا کہ اتنی بڑی تعداد
میں لوگوں کی شرکت سے واضح ہوگیا ہے کہ کراچی کے لوگ تعلیم میں خصوصی دلچسپی رکھتے ہیں،تقریب سے خطاب کرتے ہوئے پریذیڈنٹ آرگنائزیشن فریال آصف نے کہا کہ انور مقصود صاحب کا بہت بہت شکریہ کہ وہ وقت نکال کر یہاں آئے،انہوں نے کہا کہ 16 بچوں ،2 ٹیچرز اور 1کمرے سے شروع ہونے والا اسکول کی آج سندھ میں 16 شاخیں ہیں،3 ہزار بچے زیر تعلیم ہیں،ان میں سے 14 اسکول کراچی میں اور 2 اندرون سندھ میں ہے،انہوں نے کہا کہ اگر ان اسکولوں میں زیر تعلیم
بچے ،بچیوں کی حوصلہ افزائی جاری رہی تو انہیں آگے بڑھنے سے کوئی نہیں روک سکتا،اس موقع پر یاسمین حسین ،عمران اسلم،مراد سونی ،کامران حبیب،کاشف چاولہ ودیگر نے بھی خطاب کیا،تقریب میں مختلف لوگوں نے کڑوروں روپے عطیات دینے کے علاوہ زیر تعلیم بچے ،بچیوں کی فیسوں کا بھی اعلان کیا،تقریب میں موجود مہمانوں کو شیلڈ بھی پیش کی گئی،تقریب میں الفرقان اسکول کے بچوں اور بچیوں نے خصوصی طور پر شرکت کی۔#
