معرو ف صحافی نادر شاہ عادل کی پہلی برسی پرانکی زندگی پر بنائی گئی دستاویزی فلم کی نمائش
صدارت سینئر صحافی صفدر علی نے کی ، مقصود یوسفی اور عامر لطیف تقریب کے مہمانان خصوصی تھے
نادر شاہ عادل نے زندگی سچائی کیساتھ گزاری، کبھی بھی اصولوں پر کوئی سمجھوتہ نہیں کیا، ریاض عاجز
کراچی ( ) معرو ف صحافی نادر شاہ عادل کی پہلی برسی کے موقع پر ان کی زندگی کے مختلف پہلوﺅں پر بنائی گئی دستاویزی فلم کی نمائش کراچی پریس کلب میں کی گئی جس میں بڑی تعداد میں صحافیوں اور نادر شاہ عادل کے احباب نے شرکت کی۔ 35 منٹ دورانیہ کی یہ فلم فائن ٹی وی ڈاٹ پی کے نے تیار کی ہے۔ فلم کے پروڈیوسر ڈائریکٹر، سینئر صحافی ریاض عاجز ہیں جبکہ اس سلسلے میں سینئر صحافی الطاف مجاہد نے انکی معاونت کی۔ تقریب کی 
صدارت سینئر صحافی سید صفدر علی نے کی جبکہ سینئر صحافی مقصود یوسفی اور سینئر صحافی عامر لطیف تقریب کے مہمانان خصوصی تھے۔ تقریب کی نظامت الطاف مجاہد نے کی۔ تقریب سے خطاب کرتے ہوئے سید صفدر علی نے کہا نادر شاہ عادل اپنے کام میں بھر پور مہارت رکھنے والے صحافی تھے۔ انھوں نے کہا کہ ایسے صحافی آج کے دور میں بہت کم ہیں۔ مقصود یوسفی نے تقریب سے خطاب کرتے ہوئے نادر شاہ عادل کو خراج عقیدت پیش کرتے ہوئے کہا کہ یہ دستاویزی فلم ریاض عاجز اہم کارنامہ ہے۔ عامر لطیف نے خطاب کرتے ہوئے نادر شاہ عادل کی ایماندارانہ صحافت کی تعریف کی اور اس طرز کو ایک قابل تقلید عمل قرار دیا۔ سینئر صحافی ریاض عاجزنے کہا کہ نادر شاہ عادل نے زندگی سچائی کیساتھ گزاری، کبھی بھی اصولوں پر کوئی سمجھوتہ نہیں کیا. تقریب سے سینئر صحافی حسن عباس، رفیق بلوچ، بچل لغاری اور رمضان بلوچ کے علاوہ دیگرنے بھی خطاب کیا۔
