پیٹرول اور ڈیزل مہنگا کردیا گیا

پیٹرول اور ڈیزل مہنگا کردیا گیا
آئندہ 15 روز کے لیے پیٹرولیم مصنوعات کی قیمتوں میں اضافہ کردیا۔

نوٹیفکیشن کے مطابق پیٹرول کی قیمت میں 1 روپیہ اور ڈیزل کی فی لیٹر قیمت میں 7 روپے کا اضافہ کیا گیا ہے۔

اضافے کے بعد پیٹرول کی فی لیٹر قیمت 257 روپے 13 پیسے جبکہ ڈیزل کی قیمت 267 روپے 95 پیسے ہوگئی ہے۔

وزارت خزانہ نے پیٹرولیم مصنوعات کی قیمتوں میں رد و بدل کا نوٹیفکیشن جاری کردیا ہے، نئی قیمت کا اطلاق آج رات 12 بجے سے ہوگا۔
======================
حکومت نے پٹرول اور ڈیزل مہنگے کر دیے، پٹرول کی فی لیٹر نئی قیمت 257 روپے 13 پیسے مقرر کر دی گئی، ڈیزل کی فی لیٹر قیمت میں 7 روپے کا اضافہ کر دیا گیا۔ تفصیلات کے مطابق وفاقی حکومت نے عوام پر ایک ہی دن میں مہنگائی کے 2 بم گرا دیے۔ ایل پی جی مہنگی کیے جانے کے بعد حکومت نے پٹرول اور ڈیزل بھی مہنگے کر دیے۔
پٹرول کی فی لیٹر قیمت میں 1 روپیہ جبکہ ڈیزل کی فی لیٹر قیمت میں 7 روپے کا بڑا اضافہ کر دیا گیا۔ اضافے سے پٹرول کی نئی فی لیٹر قیمت 257 روپے 13 پیسے ہو گئی، جبکہ ڈیزل کی فی لیٹر قیمت 267 روپے 95 پیسے ہو گئی۔ نئی قیمتوں کا اطلاق آج رات 12 بجے سے ہو گا۔ اس سے قبل اوگرا نے ایل پی جی کی قیمت میں اضافے کا نوٹیفکیشن جاری کر دیا ہے جس کے مطابق ماہ فروری کیلیے ایل پی جی کی قیمت میں فی کلو 3 روپے 68 پیسے کا اضافہ کردیا گیا ہے۔

اضافے کے بعد ایل پی جی کی فی کلو قیمت 253 روپے 97 پیسے مقرر کی گئی ہے۔ قیمت بڑھنے کے بعد گھریلو سلنڈر43 روپے 52 پیسے مہنگا ہوگیا ہے اور 11.8 کلو کے گھریلو سلنڈرکی قیمت 2996 روپے 88 پیسے ہوگئی ہے۔ واضح رہے کہ اس سے قبل ذرائع کی جانب سے پہلے ہی مطلاع کر دیا گیا تھا کہ یکم فروری سے پٹرولیم مصنوعات کی قیمتوں میں اضافے کا امکان ہے۔ ذرائع کی جانب سے بتایا گیا کہ یکم فروری سے ڈیزل کی قیمت میں 6 روپے فی لٹر اضافے کا امکان ہے اور پٹرول کی قیمت میں 3 روپے فی لٹر اضافہ ہوسکتا ہے۔
تاہم اب حکومت نے پٹرول اور 1 روپیہ اور ڈیزل 7 روپے مہنگا کرنے کا اعلان کیا ہے۔ یہاں قابل ذکر بات یہ ہے کہ وفاقی حکومت نئے سال کے پہلے ماہ کے دوران دو مرتبہ پٹرولیم مصنوعات کی قیمتوں میں اضافہ کرچکی ہے، 16 جنوری کو پیٹرول کی فی لٹر قیمت 3 روپے 47 پیسے اضافے سے 256 روپے 13 پیسے جب کہ ڈیزل کی قیمت 2 روپے 61 پیسے اضافے سے 260 روپے 95 پیسے مقرر کی گئی تھی۔ نئے سال کے آغاز پر وفاقی حکومت کی جانب سے یکم جنوری 2025ء کو بھی پیٹرولیم مصنوعات کی قیمتوں میں 2 روپے 96 پیسے تک کا اضافہ کیا گیا تھا، پیٹرول کی قیمت میں 56 پیسے فی لٹر اور ہائی سپیڈ ڈیزل کی قیمت میں 2 روپے 96 پیسے فی لٹر کا اضافہ ہوا تھا۔

گھریلو گیس سلنڈر کی قیمت ساڑھے 43 روپے کا اضافہ
گھریلو گیس سلنڈر کی قیمت ساڑھے 43 روپے کا اضافہ
لیکویفائیڈ پیٹرولیم گیس (ایل پی جی) کے گھریلو سلنڈر کی قیمت میں ساڑھے 43 روپے کا اضافہ ہوگیا۔

آئل اینڈ گیس ریگولیٹری اتھارٹی (اوگرا) نے ایل پی جی کی قیمت میں اضافہ کرتے ہوئے نوٹیفکیشن جاری کردیا۔

نوٹیفکیشن کے مطابق ایل پی جی کی فی کلو قیمت میں 3 روپے 68 پیسے کا اضافہ کیا گیا ہے، یوں گھریلو سلنڈر کی قیمت 43 روپے 52 پیسے بڑھ گئی ہے۔

نوٹیفکیشن کے مطابق ایل پی جی کی فی کلو قیمت 253 روپے 97 پیسے مقررکی گئی ہے۔ 11 اعشاریہ 8 کلو کا گھریلو سلنڈر 2996 روپے 88 پیسے کا ہوگیا ہے۔

نوٹیفکیشن کے مطابق ایل پی جی کی نئی قیمتوں کا تعین فروری 2025 کے لیے کیا گیا ہے۔