
کراچی
مور خہ24جنوری 2025
طلباء ہمارا روشن مستقبل ہیں، جو آج سیکھیں گے وہ کل انکے کام آئے گا، محمد سہیل راجپوت کی سفراء سے بات چیت

کراچی 24 جنوری ۔ صوبائی محتسب سندھ محمد سہیل راجپوت سے سلیم حبیب یونیورسٹی سے منتخب ہونے والے صوبائی محتسب سندھ (ایمبیسڈر) سفراء نے وفد کی شکل میں انکے دفتر میں ملاقات کی۔ ملاقات میں ایڈوائزر صوبائی محتسب ریحانہ جی علی میمن، رجسٹرار مسعود عشرت و دیگر بھی شریک تھے۔ ملاقات کے دوران صوبائی محتسب سندھ محمد سہیل راجپوت نے سفراء کو صوبائی محتسب دفتر کے اغراض و مقاصد سے متعلق آگاہ کرتے ہوئے زور دیا کہ منتخب سفراء صوبائی محتسب دفتر سے متعلق عوامی آگاہی میں اپنا کردار ادا کریں۔ محمد سہیل راجپوت نے کہا کہ طلباء ہمارا روشن مستقبل ہیں، جو آج سیکھیں گے وہ کل انکے کام آئے گا جبکہ بہترین کارکردگی دکھانے والے سفراء کو انٹرن شپس بھی دی جائیں گی۔ انھوں نے کہا کہ منتخب سفراء کو
صوبائی محتسب کے مختلف دفاتر کا دورہ کروایا جائے گا اور تعریفی اسناد سے بھی نوازا جائے گا جبکہ دیگر تعلیمی اداروں میں بھی آگاہی سیشنز منعقد کرکے ایمبیسڈرز منتخب کیے جائیں گے۔ ملاقات کے دوران سفراء نے صوبائی محتسب سندھ کے دائرہ اختیار اور طریقہ کار سے متعلق مختلف سوالات بھی کیے جن کے صوبائی محتسب سندھ محمد سہیل راجپوت سے تفصیلی جوابات دیے۔
ہینڈآؤٹ نمبر 94۔۔۔ایس اے بی























