فاطمہ جناح میڈیکل یونیورسٹی، لاہور میں نیشنل اکیڈمی آف ہائر ایجوکیشن (NAHE)، HEC کے اشتراک سے نیشنل آؤٹ ریچ پروگرام کی افتتاحی تقریب کا انعقاد
نیشنل اکیڈمی آف ہائر ایجوکیشن (NAHE)، ہائر ایجوکیشن کمیشن، پاکستان کے تعاون سے نیشنل آؤٹ ریچ پروگرام کی افتتاحی تقریب فاطمہ جناح میڈیکل یونیورسٹی لاہور میں منعقد ہوئی۔
وائس چانسلر فاطمہ جناح میڈیکل یونیورسٹی پروفیسر ڈاکٹر خالد مسعود گوندل نے بطور سر پرست اعلٰی شرکت کی۔پارلیمانی سیکرٹری ہیلتھ ،پنجاب میڈم رشدہ لودھی نے بطور چیف گیسٹ اور سابق پرنسپل پروفیسر نورین اکمل نے بطور گیسٹ آف آنر شرکت کی۔
وائس چانسلر پروفیسر خالد مسعود گوندل نے پارلیمانی سیکرٹری ہیلتھ ،پنجاب میڈم رشدہ لودھی کو ایف جی ایم یو آمد پر خوش آمدید کہا۔ ان کا کہناتھا کہ یہ تربیتی پروگرام فاطمہ جناح میڈیکل یونیورسٹی کی فیکلٹی کی پیشہ ورانہ صلاحیتوں، علم اور قائدانہ صلاحیتوں کو بڑھانے اور ادارے کی ترقی میں موزوں ثابت ہوگا۔ انہوں نے فیکلٹی کو مخاطب کرتے ہوئے کہا کہ اپنی تعلیمی صلاحیتوں کو بڑھانا ایک زندگی بھر کا عمل ہے جس کے لیے لگن، استقامت اور سیکھنے کی ضرورت ہوتی ہے لہذا اس تربیتی پروگرام سے بھرپور فائدہ اٹھائیں اور اپنی تعلیمی صلا حیتوں میں مزید اضافہ کریں ۔ان کا کہنا تھا کہ ہم چیئرمین ہائر ایجوکیشن کمیشن، پاکستان ڈاکٹر مختار احمد اور ڈاکٹر نور آمنہ ملک کے مشکور ہیں جنہوں نے ایف جی ایم یو کو تربیتی پروگرامز کی فہرست میں شامل کیا۔
میڈم رشدہ لودھی کا کہنا تھا کہ میر ا ایف جے ایم یو میں آنا اور اس تربیتی سیشن کی افتتاحی تقریب میں بطور چیف گیسٹ شرکت کرنا باعث فخر اور اعزاز کی بات ہے۔ انہوں نے شرکاء کو مخاطب کرتے ہوئے کہا کہ اس تربیتی سیشن سے آپ جو کچھ بھی سیکھیں، اسے اپنی پیشہ ورانہ معمول کا حصہ بنائیں ۔انہوں نے پروفیسر خالد مسعود گوندل کی دور اندیش قیادت اور شعبہ طب میں بے مثال خدمات کو بھی سراہا۔ انہوں نے ایف جے ایم یو اور اس کی فیکلٹی کو پروفیسر خالد مسعود گوندل کی متحرک قیادت میں فاطمہ جناح میڈیکل یونیورسٹی کی عالمی نمائندگی پر مبارکباد دی۔
نیشنل اکیڈمی آف ہائر ایجوکیشن ،پاکستان میں اعلیٰ تعلیمی اداروں کے فیکلٹی اور عملے کے لیے صلاحیت سازی کے پروگرامز کا انعقاد کر تی ہے۔ یہ پروگرامز بڑے پیمانے پر تین اہم شعبوں پر مرکوز ہیں جس میں فیکلٹی ڈویلپمنٹ پروگرام، ریسرچ اینڈ ریسرچ مینجمنٹ اور تعلیمی نظم وضبط، قیادت اور مالیاتی انتظام شامل ہیں۔
اِس موقع پر رجسٹرار پروفیسر محمد ندیم ،ڈینز پروفیسر عائشہ ملک، پروفیسر بلقیس شبیر،پروفیسر عالیہ زاہد، ڈاکٹر تسکین زہرہ ، ڈاکٹر وردہ اشرف، فوکل پرسن ڈاکٹر سائرہ منور، فیکلٹی ممبران، اور شرکاء کی کثیر تعداد نے شرکت کی۔ لاہور کالج فار ویمن یونیورسٹی سے ڈاکٹر عارفہ طاہر نے بطور کوآرڈینیٹر شرکت کی۔
