لاڑکانہ سندھ کے مشہور و معروف بزرگ ھستی پیر سید غلام حسین شاھ بخاری نقشبندی رح کے عرس میں ہزاروں عاشقان رسول شریک
==================
لاڑکانہ (بیورو رپورٹ ) سندھ کے مشہور و معروف بزرگ ھستی سائين سید غلام حسین شاہ بخاری غفاری نقشبندی رحمت اللہ علیہ کا دوسرا سالانہ عرس مبارک اختتام پذیر ہوگیا، عرس مبارک کے موقع پر درگاہ کے سجادہ نشین پیر سائیں سید عطاء اللہ شاہ بخاری حسینی نقشبندی نے ہزاروں عاشقان رسول سے خصوصی خطاب کرتے ہوئے کہا کہ زیادہ سے زیادہ درود و سلام کا ورد کریں، ایک بار درود پڑھنے سے دس گناہ معاف ہوتے ہیں، دس درجات بلند ہوتے ہیں اور دس نامہ اعمال میں نیکیاں لکھی جاتی ہیں اور صبح و شام درود شریف پڑھنے والے پر اللہ تعالیٰ کی بے شمار رحمتیں نازل ہوتی ہیں، انہوں نے کہا کہ علماء کرام، انبیاء کرام کے وارث ہیں۔ حق و صداقت کے حامل علماء روشنی کے مینار کی مانند ہوتے ہیں۔ فرمایا نیکی کی دعوت دیتے رہو انشاء اللہ اس کی برکتیں ملتی رہیں گی۔ اولیاء اللہ کی صحبت اکسیر کل ہوتی ہے۔ اولیاء اللہ کی صحبت میں رہنے والے بہت خوش قسمت ہوتے ہیں۔ اس موقع پر صاحبزادہ سید نصر اللہ شاہ بخاری حسینی اور صاحبزادہ ثناء اللہ شاہ بخاری حسینی نے بھی آقا یارسول اللہ صلی اللہ علیہ وسلم کے عشق و محبت پر خطاب کیا اور کہا کہ زندگی کے قیمتی لمحات اللہ کی یاد میں گزاریں۔
لاڑکانہ: سندھ کے مشہور بزرگ حضرت سید غلام حسین شاہ بخاری نقشبندی رحمت اللہ علیہ کے سالانہ عرس مبارک کے موقع پر سندھ کے مشہور و معروف پیر صاحبان، مفتیان کرام، علماء کرام جس میں درگاھ حضرت پیر مٹھا سائين رح کے سجادہ نشین پیر عبدالغفار جان نقشبندی، درگاھ ماتلی شریف کے پیر سائين سجن کرم اللہ نقشبندی ، مرکزی جماعت اہلسنّت سندھ کے امیر مفتی اعظم سندھ مفتی محمد جان نعیمی، درگاھ کرونڈی شریف کے سجادہ نشین پیر سید ضیاء اللہ شاہ جیلانی، درگاھ مسکین پور شریف شہدادکوٹ کے پیر حضور بخش سائين نقشبندی، بھرچونڈی شریف کے سجادہ نشین پیر عبدالخالق القادری، مفتی محمد عارف سعیدی، پیر گوٹھ شاہ آباد کے پیر سید محمد مصطفی شاھ راشدی، علامہ مولانا بدرالدین سرہیو، علامہ سید حسن علی شاہ حسینی، علامہ محمد علی جت حسینی، قاری غلام اکبر سہڑو حسینی، پیر دیدہ دل غفاری، علامہ مولانا خلیل احمد چنا حسینی، مفتی غلام مصطفی کلال حسینی، پیر شفیق الرحمن باکرانی، مفتی احمد حسین سکندری حسینی، حافظ خالد حسین مغیری حسینی، سید مطہر حسین شاہ، سید جنید احمد شاہ، سید صدا حسین شاہ حسینی، حافظ بشیر احمد حسینی سمیت دیگر علمائے کرام نے قبلہ عالم سائین سید غلام حسین شاہ بخاری غفاری نقشبندی کی شاندار دینی خدمات پر روشنی ڈالی جب کہ نواسہ قبلہ سائیں رحمت اللہ علیہ کے پیر سید زین العابدین شاہ بخاری حسینی نقشبندی، سید محمد محسن علی شاہ حسینی نقشبندی، قاری شفقت علی حسینی، معزز شخصیات میں میر حمزہ علی خان مری، منظور علی سہتو، پروفیسر ڈاکٹر شجاع احمد عباسی، سعید اللہ کٹپر، زاہد علی کٹپر، عبدالفتاح عباسی و دیگر شامل تھے، علاوہ ازیں عرس مبارک کے سیکورٹی کے انتظامات فقیر مانجھی خان مزاری حسینی، فقیر رحمت اللہ لاشاری و دیگر خدمات سرانجام دے رہے تھے.
لاڑکانہ: سندھ کے مشہور و معروف پیر سید غلام حسین شاہ بخاری غفاری نقشبندی رح کے عرس میں چاروں صوبوں سندھ، پنجاب، بلوچستان، خیبرپختونخوا، آزاد کشمیر، گلگت بلتستان سے قافلوں نے اپنے مرشد کے دوسرے سالانہ عرس میں ہزاروں کی تعداد میں شرکت کی۔
لاڑکانہ: ولی کامل حضرت سائين سید غلام حسین شاہ بخاری غفاری نقشبندی رح کے عرس مبارک کے موقع پر سندھ کے نامور نعت خوان مکھنو فقیر مہر حسینی، رحمت اللہ لاشاری حسینی، محمد حسین حسینی، قاری طارق جت حسینی، قاری شوکت علی حسینی، فقیر رحیم بخش جونیجو، محمد سلمان خاصخیلی حسینی، محمد اسماعیل حسینی اور دیگر نعت خوانوں نے عشق رسول سے بھرپور نعتیں سنا کر پنڈال گاھ میں ہزاروں عاشقان رسول کو جھوما دیا.
لاڑکانہ: سالانہ عرس کے موقع پر سندھ کے نامور مفتیوں اور علمائے کرام نے سندھی، اردو، سرائیکی، پنجابی، براہوی، بلوچی اور دیگر زبانوں میں سندھ کے ولی کامل حضرت پیر سید غلام حسین شاہ بخاری غفاری نقشبندی رح کی دینی اسلامی تعلیمات خدمات پر خراج تحسین پیش کیا، اس طرح دوسرے سالانہ عرس مبارک کے موقع پر عالم اسلام، پاکستان اور سندھ کی امن سلامتی اور بھائی چارے کے لیے خصوصی دعائیں کی گئیں اور آخر میں صلوات و سلام مصطفیٰ جان رحمت پہ لاکھوں سلام پڑھا جبکہ مزار پرانوار مرشد پاک سید غلام حسین شاھ بخاری نقشبندی رحمت الله عليه پر حاضری کا سلسلہ تادیر تک جاری رہا جس کے بعد عرس مبارک کا اختتام ہوا.
