وہ شخصیت امریکہ سے آتی ہے اور وزیر اعلی کے گاؤں تک پہنچ جاتی ہے وزیراعلی سندھ سید مراد علی شاہ حیران رہ جاتے ہیں اور جب اس شخصیت کی باتیں سنتے ہیں تو ان کی آنکھیں بھی نم ہو جاتی ہیں ملاقات کے لیے آنے والی شخصیت ایک نامور اور کامیاب ڈاکٹر کی تھی جس نے اپنے جواں سال بیٹے کو کھو دیا اور اب اپنے بیٹے کی یاد میں ایک ہسپتال کی تعمیر کرنا چاہتی تھی اس ہسپتال کی تعمیر کے لیے مذکورہ ڈاکٹر نے جو کچھ جمع پونجی تھی وہ وقف کر دی وزیراعلی سندھ سید مراد علی شاہ نے سندھ کے لوگوں کی جانب سے بھی اتنی ہی رقم فراہم کرنے کی یقین دہانی کرا دی ابراہیم حیدری کراچی میں زمین کا بندوبست کرایا
جہاں اب یہ ہسپتال زیر تعمیر ہے ۔
25 دسمبر کو اس اسپتال کا سنگ بنیاد رکھا گیا ہے تقریب میں خود وزیر اعلی سندھ سید مراد علی شاہ اور صوبائی کابینہ کے اراکین اور نامور معزز شخصیات نے شرکت کی ۔
یہاں پر وزیراعلی سندھ سید ناد علی شاہ نے خود یہ کہانی سنائی کہ کچھ مہینے پہلے سے صدر آصف علی زرداری کا فون آیا تھا انہوں نے مجھے ڈاکٹر جاوید سلیمان سے ملاقات کرنے کے لیے کہا ۔
ان سے ملاقات کے دوران جو باتیں ہوئیں وہ حکومت سندھ کا پالیسی ویژن بھی ہے کہ لوگوں کو اچھی ہیلتھ سہولتیں دستیاب ہونی چاہیے یہ کوئی مراعات نہیں بلکہ یہ بنیادی حق ہے اور ہم نے اس سلسلے میں پبلک پرائیویٹ پارٹنرشپ کے ذریعے کافی کامیابیاں حاصل کی ہیں ۔اب کراچی کے علاقے ابراہیم حیدری میں حسن سلیمان میموریل ہسپتال کی تعمیر کا کام زور و شور سے جاری ہے حکومت سندھ نے اس ہسپتال کے لیے زمین کا
بندوبست کر کے دیا ڈاکٹر جاوید سلیمان نے اپنے بیٹے کی یاد میں تعلیم کے لیے جو رقم جمع کی تھی وہ ہسپتال کو وقف کر دی امریکہ میں ان کے دوست ڈاکٹروں نے بھی اس ہسپتال کے لیے ڈونیشن دی ہے مزید لوگ بھی اس ہسپتال میں کے کار خیر میں حصہ لے سکتے ہیں میرے این ای ڈی یونیورسٹی کے دوست افتاب بھی اس پروجیکٹ کے ساتھ منسلک ہیں اور میں ان سے درخواست کروں گا کہ دو سال کے بجائے اس کو جتنا جلد ممکن ہو سکے مکمل کروائیں ڈاکٹر طارق رفیق یہاں موجود ہیں وہ ہم سے رابطے میں رہتے ہیں اس لیے میں ڈاکٹر سلیمان سے بھی کہوں گا کہ جب بھی کسی بھی چیز کی ضرورت ہوگی اپ ہم سے براہ راست رابطہ کر سکتے ہیں میرا آفس اپنا آفس سمجھیں
==========================
وزیراعلیٰ سندھ نے ملیر میں حسن سلیمان میموریل اسپتال کا سنگ بنیاد رکھ دیا
اسپتال پاکستانی نژاد امریکی ڈاکٹروں اور حکومت سندھ کی شراکت سے تعمیر کیا جا رہا ہے
اسپتال 312 بستروں پر مشتمل ہوگا اور 2 سال میں مکمل کیا جائےگا
اسپتال پسماندہ علاقے کے افراد کےلیے امید کی کرن ہے، مراد علی شاہ
کراچی ( 25 دسمبر) وزیراعلیٰ سندھ مراد علی شاہ نے پاکستانی نژاد امریکی ڈاکٹرز کے ہمراہ ملیر میں حسن سلیمان میموریل اسپتال کا سنگ بنیاد رکھا۔ ان کا کہنا تھاکہ منصوبہ پسماندہ افراد کوصحت کی سہولیات فراہم کرنے کی طرف اہم پیش رفت ہے۔
سنگ بنیاد رکھنے کی تقریب میں صوبائی وزرا شرجیل میمن، سردار شاہ، جام خان شورو، شاہد تھہیم، ریاض شاہ شیرازی، مشیر نجمی عالم اور دیگر نے شرکت کی۔ نامور ڈاکٹروں اور مخیرحضرات جن میں سندھ جناح یونیورسٹی کے وی سی ڈاکٹر امجد سراج میمن، جناح اسپتال کے ایگزیکٹو ڈائریکٹر شاہد رسول، پروفیسر طارق محمود، پیشنٹ ایڈ فاؤنڈیشن کے مشتاق چھاپڑا اور دیگر بھی موجود تھے۔
سنگ بنیاد کی تقریب سے خطاب کرتے ہوئے وزیراعلیٰ سندھ نے بتایا کہ منصوبہ پاکستانی امریکی ڈاکٹرز اور حکومت سندھ کی مشترکہ کاوشوں کا نتیجہ ہے، منصوبہ انسان دوستی اور بین الاقوامی تعاون کا زبردست نمونہ ہے۔
حسن سلیمان میموریل اسپتال کا سنگ بنیاد ابراہیم حیدری میں رکھا گیا۔ وزیراعلیٰ کا کہنا تھا کہ اسپتال کی تعمیر سے شہر کے پسماندہ علاقے میں صحت کی سہولیات میں بڑے پیمانے پر بہتری آئےگی۔ یہ منصوبہ پاکستانی امریکی ڈاکٹروں کے عزم کا مظہر ہے جس میں سندھ حکومت ان کے ساتھ ہے۔
مراد علی شاہ نے اسپتال کو امید کی کرن قرار دیا اور وعدہ کیا کہ جتنا فنڈز جمع ہوگا اتنا ہی حصہ حکومت سندھ ڈالے گی۔ انہوں نے اسپتال کی تعمیر اور انفرا اسٹرکچر، پالیسی اور انتظامی معاونت سے اسے چلانے میں حکومتی مدد کی یقین دہانی کرائی۔
وزیراعلیٰ سندھ نے امریکا میں مقیم پاکستانی برادری کی انتھک کوششوں اور بھرپور تعاون کی تعریف کی اور اسے متاثرکن قرار دیا۔
حسن سلیمان فاؤنڈیشن کے چیئرمین ڈاکٹر جاوید سلیمان نے حکومت پاکستان کے تعاون کا شکریہ ادا کیا، خصوصی طور پر صدر آصف علی زرداری کے ویژن ، حکومت سندھ کی جانب سے زمین کی فراہمی اور مالی امداد کی تعریف کی۔ انہوں نے کہا کہ اسپتال کے قیام کا مقصد ضرورت مند افراد کو مفت علاج کی سہولیات فراہم کرنا ہے۔ اسپتال صرف صحت کی سہولیات کا نام نہیں بلکہ ان کا دل بھی اس کےساتھ دھڑکتا ہے۔
حسن سلیمان میموریل اسپتال کے صدر ڈاکٹر اقبال ظفرنے اسپتال کی تعمیر کےلیے بین الاقوامی تعاون پر روشنی ڈالی اور کہا کہ اس سے پاکستانی امریکیوں کو اپنے وطن کے ساتھ جڑنے کا بہانہ مل گیا ہے۔ انہوں نے اسپتال کو ملیر کے عوام کےلیے لائف لائن قرار دیا۔
منصوبے کے چیئرپرسن ڈاکٹر ایس ایم طارق رفیع نے امید اور تشکر کے جذبات کا اظہار کرتے ہوئے صدر زرداری، وزیراعلیٰ مراد علی شاہ کی غیرمشروط حمایت کا شکریہ ادا کیا۔ انہوں نے زور دیا کہ اسپتال پسماندہ افراد کےلئے جائے پناہ ثابت ہوگی جہاں سے روشن مستقبل کا آغاز ہوگا۔
حسن سلیمان میموریل اسپتال 312 بستروں پر مشتمل ہوگا اور یہ دو سال میں مکمل ہوگا، 2026 میں مریضوں کے علاج کا آغاز ہوجائےگا۔ اسپتال میں ایمرجنسی امداد ، دل کے آپریشن، عارضہ قلب ، بچوں اور خواتین کیلیے خصوصی علاج کی سہولیات سمیت بڑے پیمانے پرمفت علاج کی سہولیات دستیاب ہوں گی۔ ڈاکٹر جاوید سلیمان نے افتتاح کے موقع پر دل کی پہلی اینجیوپلاسٹی خود کرنے کے عزم کا اظہار کیا ہے۔ اسپتال کی کامیابی پبلک پرائیویٹ پارٹنرشپ اور صحت سہولیات کےلیے سرحد پارسے تعاون کی بہترین مثال ہے۔
عبدالرشید چنا
ترجمان وزیراعلیٰ سندھ
==========
وزیرِ اعلیٰ سندھ مراد علی شاہ کا کہنا ہے کہ پاک افواج کی قربانیوں سے دشمن کو ہمیشہ منہ کی کھانی پڑی۔
مراد علی شاہ نے مزارِ قائد پر حاضری کے بعد میڈیا سے گفتگو کرتے ہوئے کہا کہ دشمن نقصان پہنچانے کی کوشش کرتا ہے لیکن ہم متحد ہوئے تو ملک کو ترقی یافتہ بنا سکتے ہیں۔
اُنہوں نے مزید کہا کہ ذوالفقار علی بھٹو شہید نے ملک کو ایٹمی طاقت بنایا، محترمہ بینظیر بھٹو شہید نے ملک کو میزائل سے لیس کیا، ہمیں سیکیورٹی فورسز اور جمہوریت کے شہداء کو یاد رکھنا چاہیے۔
ملک کے بارے میں پہلے سوچیں کسی کو جیل میں ڈالنے کیلئے نہ سوچیں: مراد علی شاہ
وزیرِ اعلیٰ سندھ نے کہا کہ صدر زرداری اور وزیرِ اعظم شہباز شریف کی قیادت میں ہم آگے بڑھ رہے ہیں، ملک میں معاشی استحکام لانے کی کوشش کی جا رہی ہے۔
اُنہوں نے کہا کہ سندھ صدیوں سے امن کا گہوارہ رہا ہے، وفاق اور سندھ حکومت پرعزم ہیں، غیر قانونی مقیم افغانوں کو شناخت کر کے نکالا گیا اور اب بھی اس پر کام جاری ہے۔
مراد علی شاہ نے فلسطین میں ہونے والے مظالم کی مذمت بھی کی۔
========================
کراچی /وزیراعلیٰ ہائوس/25 دسمبر2024
وزیراعلیٰ سندھ سید مراد علی شاہ کا کیٹی بندر کے قریب ماہی گیروں کی کشتی ڈوبنے کے واقعہ پر افسوس کا اظہار؛ ترجمان
وزیراعلیٰ سندھ کا ماہی گیر کی ہلاکت پر گہرے رنج کا اظہار؛ ترجمان
متاثرہ فیملیز کے ساتھ رابطہ قائم کرکے،مکمل تعاون کیا جائے ؛ وزیراعلیٰ سندھ کی مقامی انتظامیہ کو ہدایت
کوشش کی جائے کہ اندھیرا ہونے سے قبل گمشدہ افراد کی تلاش یقینی بنائی جائے؛ وزیراعلیٰ سندھ
وزیر اعلیٰ سندھ کا سوگواران سے دلی ہمدری کا اظہار؛
عبدالرشید چنا
میڈیا کنسلٹنٹـ، وزیر اعلیٰ سندھ\
============================
