کراچی
مور خہ19 دسمبر 2024
کراچی 19 دسمبر۔ صوبائی وزیر توانائی،منصوبہ بندی و ترقیات سید ناصر حسین شاہ نے کہا ہے کہ سندھ حکومت صوبہ کے عوام کو سستی اور صاف ستھری بجلی کی فراہمی کے لیے بھرپور کوشیں کررہی ہے چیئرمین بلاول بھٹو کے وژن کے مطابق حکومت بجلی کرائسس کے خاتمے کے لیے بہتری لانے کے کام پر عمل پیرا ہے یہ بات انہوں نے پاکستان بزنس ارینا کی جانب سے مقامی ہوٹل میں توانائی کے مسائل”انرجی کرائسس“ کے موضوع پر سیمینار سے خطاب کرتے ہوئے کہی۔ ناصر حسین شاہ نے کہا کہ سولر پارک، ونڈ کوریڈور اور کوئلے کے پاور پلانٹ پر تیزی سے کام جاری ہے سب سے سستی بجلی تھر کول سے بن رہی ہے تھر کول سے 2740 میگاواٹ بجلی نیشنل گرڈ کو دی جارہی ہے، جس کا فائدہ پورا ملک اٹھارہا ہے سولر پارک کا سب سے زیادہ فائدہ کراچی کے عوام کو پہنچے گا سولر پارک سے بننے والی بجلی کے الیکٹرک کو دی جاۓ گی انہوں نے کہا کہ نوری آباد ونڈ کوریڈور سے بننے والی بجلی بھی سستی ہے نوری آباد ونڈ کوریڈور سے ایس ٹی ڈی سی ”سندھ ٹرانسمیشن ڈسپیج کمپنی“ کے زریعے 100 میگاواٹ بجلی کے الیکٹرک کو فراہم کی جارہی ہے ناصر شاہ نے کہا کہ سیپرا کو متحرک کیا جارہا ہے سولر اور کول کا ٹیرف سیپرا کے زریعے طے کیا جاۓ گا سولر پارک سے جو بجلی بنے گی وہ تقسیم کار کمپنیوں کو دی جاۓ گی انہوں نے کہا کہ سو سے دو سو یونٹ بجلی استعمال کرنے والے صارفین کو بھرپور فائدہ دیا جاۓ گا ناصر شاہ نے کہا کہ غیر ملکی سرمایہ کار متبادل توانائی کے منصوبوں میں بہت زیادہ دلچسپی کا اظہار کررہے ہیں مقامی سرمایہ کار اگر دلچسپی رکھتے ہیں تو آئیں حکومت ان کو مکمل سپورٹ کرے گی مقامی سرمایہ کار اپنی تجاویز دیں جائینز سرمایہ کاروں کے ساتھ مل کر کام کرنے کا بہترین وقت ہے عالمی بندشوں کے باعث ملکی سرمایہ کاروں کے لیے بہترین موقع ہے چینی سرمایہ کاروں کے ساتھ کام کرنے کا, ناصر شاہ نے کہا کہ صوبائی حکومت پورے صوبے میں الیکٹرک چارجنگ کی سہولت فراہم کرے گی اس اسکیم کو پبلک پرائیوٹ پارٹنر شپ کے تحت سولرائزڈ کیا جاۓ گا حکومت ہر چالیس کلو میٹر پر چارجنگ پوائنٹ بنانے کا پلان کررہی ہے جس سے عوام کو ایک شہر سے دوسرے شہر جانے میں آسانی ہوگی اور فیول کے خرچے کی بھی بچت ہوگی۔
ہینڈآؤٹ نمبر960۔۔۔ایم ایس ایس
