یونان کشتی حادثے میں ڈوبنے والے درجنوں تارکین وطن کے بچنے کی امید ختم، جاں بحق پاکستانیوں کی تعداد 40 ہوگئی
مرنے والے اب تک سات تارکین وطن کی لاشوں کو سمندر سے نکالا جاچکا ہے
یونان کشتی حادثے میں ڈوب جانے والے درجنوں تارکین وطن کے بچنے کی امید ختم ہو گئی ہے، جن میں کافی تعداد میں پاکستانی بھی شامل ہیں۔ یونانی کوسٹ گارڈز نے سمندر میں ریسکیو آپریشن ختم کرتے ہوئے کہا کہ لاپتا افراد کو مردہ تصورکیا جائے۔
لیبیا سے غیرقانونی طور پر اٹلی جانے والے درجنوں تارکین وطن 14 دسمبر کو سمندر کی لہروں کی نظر ہو گئے تھے۔ تین دن سے زائد جاری رہنے والے ریسکیو آپریشن میں دو مزید تارکین وطن کی لاشوں کو سمندر سے نکالا گیا۔
یونان کشتی حادثے پر جوڈیشل کمیشن کی تشکیل کیلئے درخواست دائر، مرنے والوں کے نام سامنے آگئے
مرنے والے اب تک سات تارکین وطن کی لاشوں کو سمندر سے نکالا جاچکا ہے۔ جن میں سے پانچ کی قومیت پاکستانی ہے۔
سفارت خانہ پاکستان نے ان میتوں کو پاکستان روانہ کرنے کے لئے دفتری کارروائی کا آغاز کردیا ہے۔
یونان کشتی حادثہ: کشتی میں سوار ہونے سے قبل تارکین وطن پر کیا بیتی، زندہ بچ جانے والے پاکستانی کے انکشافات
ریسکیو ٹیموں کا کہنا ہے کہ خراب موسم اور سخت سردی کی وجہ سے اب مزید کسی کا بچ جانا ناممکن ہے۔
سرکاری ذرائع نے بتایا کہ لیبیا میں ابھی بھی کم وبیش پانچ ہزار پاکستانی موجود ہیں اور یورپ جانے کے خواہش مند یہ افراد مختلف پاکستانی اور لیبیائی ایجنٹوں کے پاس ہیں۔
ذرائع کا کہنا ہے کہ یہ پاکستانی قانونی طور پر پاکستان سے ویزہ لے کر لیبیا پہنچے ہیں۔
=========================
وفاقی تحقیقاتی ادارے (ایف آئی اے) امیگریشن نے کراچی ائیرپورٹ پر عمرے کی آڑ میں گداگری کیلئے سعودی عرب جانے والے 4 مسافروں کو گرفتار کرلیا، ترجمان ایف آئی اے کے مطابق کراچی ائیرپورٹ پر گرفتار ملزمان میں ثناءاللہ ، فیض محمد ، گل حسن اور لعل محمد شامل ہیں۔ ملزمان عمرہ ویزے پر گداگری کیلئے سعودی عرب جا رہے تھے۔
ملزمان کا تعلق جعفر آباد، نصیر آباد، قمبر شہدادکوٹ اور رحیم یار خان کے مختلف علاقوں سے ہے۔ترجمان ایف آئی اے کا کہنا تھا کہ امیگریشن کلیرینس کے دوران ملزمان کو مشکوک پایا گیا۔ملزمان کے پاس سفری اخراجات کیلئے بھی رقم نہیں تھی۔ گرفتار ملزمان کو مزید قانونی کارروائی کیلئے انسداد انسانی سمگلنگ سرکل کراچی منتقل کر دیا گیا ہے۔
ترجمان کے مطابق ابتدائی تفتیش میں گرفتار ملزمان عمرہ ادا کرنے کی بنیادی طریقہ کار سے مکمل طور پر نا واقف نکلے۔
ملزمان رہائش اور ہوٹل بکنگ کے حوالے سے بھی کسی قسم کی دستاویزات دینے میں ناکام رہے۔ملزمان سعودی عرب گداگری کے غرض سے جا رہے تھے۔ گرفتار ملزمان عمرہ ادا کرنے کی بنیادی طریقہ کار سے مکمل طور پر نا واقف تھے۔یاد رہے کہ چند روز قبل بھی ایف آئی اے امیگریشن نے کراچی ایئرپورٹ پر کاروائی کرتے ہوئے عمرے کی آڑ میں گداگری میں ملوث 3 خواتین مسافر کو گرفتار کرلیا گیا تھا۔
ترجمان ایف آئی اے کے مطابق مسافر خواتین کی شناخت عروج فاطمہ، مریم نذیر اور جمیلہ بی بی کے نام سے ہوئی تھی جنہوں نے عمرے کی آڑ میں گداگری کی غرض سے سعودی عرب جانے کی کوشش کی گئی تھی۔مسافر خواتین کو امیگریشن کلیئرنس کے دوران مشکوک پایا گیا تھا۔ گرفتار خواتین کے پاس واپسی کی ٹکٹ اور ہوٹل بکنگ موجود نہ تھی جبکہ گرفتار خواتین کے پاس عمرہ کی ادائیگی کیلئے درکار ضروری رقم بھی ناکافی تھی۔گرفتار خواتین کو اس سے قبل لاہور ایئرپورٹ سے بھی آف لوڈ کیا گیاتھا۔ترجمان کا یہ بھی کہنا تھا کہ گرفتار مسافر خواتین کو مزید قانونی کارروائی کیلئے انسداد انسانی اسمگلنگ سرکل کراچی منتقل کر دیا گیا تھا۔گرفتار ملزمان سے مزید تفتیش جاری تھی۔
=============================
پاکستان اور بنگلہ دیش نے دو طرفہ تعلقات میں حالیہ مثبت پیش رفت پر اطمینان کا اظہار کرتے ہوئے ڈی ایٹ سمیت مختلف کثیرالجہتی فورمز پر تعاون بڑھانے پر اتفاق کیاہے تفصیلات کے مطابق وزیراعظم محمد شہباز شریف اور بنگلہ دیش کے چیف ایڈوائزر پروفیسر ڈاکٹر محمد یونس کے درمیان قاہرہ میں ملاقات ہوئی ہے شہباز شریف اور عوامی جمہوریہ بنگلہ دیش کے چیف ایڈوائزر پروفیسر ڈاکٹر محمد یونس کے درمیان قاہرہ میں ڈی ایٹ سربراہی اجلاس کے موقع پر ملاقات ہوئی جو پاکستان اور بنگلہ دیش کے درمیان موجودہ خیر سگالی اور برادرانہ تعلقات کی حقیقی عکاسی کرتی ہے.
وزیراعظم نے دونوں ممالک کے درمیان تاریخی، مذہبی اور ثقافتی روابط کو اجاگر کیا انہوں نے دوطرفہ تعاون بالخصوص تجارت، عوام کے درمیان رابطوں اور ثقافتی تبادلوں کے شعبوں میں پاکستان کی خواہش کا اظہار کیا وزیر اعظم شہباز شریف نے اقتصادی تعاون کی نئی راہیں تلاش کرنے کے لیے مشترکہ کوششیں کرنے کی ضرورت پر زور دیا اور کیمیکلز، سیمنٹ کلینکرز، آلات جراحی، لیدر مصنوعات اور آئی ٹی سیکٹر جیسے شعبوں میں تجارت کو فروغ دینے کے لیے وسیع امکانات سے فائدہ اٹھانے کی ضرورت پر زور دیا.
وزیراعظم شہباز شریف نے پاکستان اور بنگلہ دیش کے درمیان تجارت اور سفر کی سہولت کے لیے کیے گئے حالیہ اقدامات پر بنگلہ دیش کا شکریہ ادا کیا جس میں پاکستان سے آنے والے سامان کے 100 فیصد فزیکل معائنہ کی شرط کو ختم کرنا اور ڈھاکہ ایئرپورٹ پر پاکستانی مسافروں کی جانچ پڑتال کے لیے قائم کیے گئے خصوصی سیکیورٹی ڈیسک کو ختم کرنا شامل ہے . وزیراعظم نے پاکستانی ویزا کے درخواست دہندگان کے لیے اضافی کلیئرنس کی شرط ختم کرنے پر بنگلہ دیش کا شکریہ بھی ادا کیا دونوں راہنماﺅں نے دو طرفہ تعلقات میں حالیہ مثبت پیش رفت پر اطمینان کا اظہار کیا اور بڑھتے ہوئے اعلی سطحی رابطوں پر بھی اطمینان کا اظہار کیا انہوں نے باہمی دلچسپی کے تمام شعبوں میں دوطرفہ تعاون کو وسعت دینے اور گہرا کرنے پر اتفاق کیا انہوں نے باہمی طور پر فائدہ مند ترقیاتی مقاصد کے حصول کے لیے کوششوں کو ہم آہنگ کرنے کی ضرورت پر بھی زور دیا.
دونوں راہنماﺅں نے عوام سے عوام کے رابطوں اور ثقافتی تبادلوں کی اہمیت کو تسلیم کیا جس میں فنکار، کھلاڑی، ماہرین تعلیم اور طلبا شامل ہیں دونوں راہنماﺅں نے بنگلہ دیش کی کرکٹ ٹیم کے دورہ پاکستان اور پاکستانی فنکاروں کے ڈھاکہ میں کنسرٹ کے انعقاد پر بھی اطمینان کا اظہار کیا دونوں فریقوں نے ڈی ایٹ سمیت مختلف کثیرالجہتی فورمز پر تعاون بڑھانے پر اتفاق کیا.
