فاطمہ جناح میڈیکل یونیورسٹی میں آرٹیفیشل انٹیلیجنس پر بین الااقوامی سیمینار کا انعقاد
فاطمہ جناح میڈیکل یونیورسٹی کی سالانہ بین الااقوامی طبی ، تحقیقی کانفرنس2024 کے موقع پر فاطمہ جناح میڈیکل کالج المنائی ایسوسی ایشن (برطانیہ) کے اشتراک سے آرٹیفیشل انٹیلیجنس پر بین الااقوامی سیمینار کا انعقادکیا گیا۔
تقریب میں برطانیہ سے آئے ماہرین طب بشمول فاطمہ جناح میڈیکل کالج المنائی ایسوسی ایشن (برطانیہ) سے ڈاکٹر وردہ طارق شفیع، کنگ ایڈورڈ میڈیکل کالج المنائی ایسوسی ایشن (برطانیہ) سے ڈاکٹر تابندہ دوگل، ڈاکٹر اطہراحمد سعید اور ڈاکٹر سعدیہ اطہرخان سمیت مقامی اور بین الااقوامی اسپیکرز نے شرکت کی۔
سیمینار کا آغاز آمنہ مسعود نے تلاوت کلام پاک سے کیا۔
سیمینار میں وائس چانسلر پروفیسر ڈاکٹر خالد مسعود گوندل کی زیر صدارت ہوا ، جس میں سابق وزیر صحت پنجاب پروفیسر جاوید اکرم اور وفاقی ٹیکس محتسب/ سربراہ کسٹم ہیلتھ کیئر سوسائٹی ڈاکٹر آصف محمود جاہ نے بطور چیف گیسٹس شرکت کی۔
پروفیسر خالد مسعود گوندل نے معزز مہمانوں پروفیسر جاوید اکرم، ڈاکٹر آصف محمود جاہ، اور المنائی ایسوسی ایشن کا شکریہ ادا کیا۔ اُنہوں نے ڈاکٹر آصف محمود جاہ اور پروفیسر جاوید اکرم کی شعبہ طب اور انسانیت کی بے مثال خدمات پر انہیں طلباءوطالبات کے لیے رول ماڈل قرار دیا۔ ان کا کہناتھا کہ ڈاکٹر آصف محمود جاہ نے 2005 سے ہر آفات زلزلہ ، سیلاب وغیرہ میں پیش پیش رہے ،خاص طور پر سیلاب کے موقع پر فاطمہ جناح میڈیکل کالج المنائی کے ہمراہ کاشانی بستی ضلع راجن پور میں آپ کی خدمات بے مثال ہیں ۔
ڈاکٹر آصف محمود جاہ نے پروفیسر خالد مسعود گوندل اور پروفیسر جاوید اکرم کا شکریہ ادا کیا۔ انہوں نے طالبات کو مخاطب کرتے ہوئے کہا کہ اللہ پاک نے آپ کو مسیحا بنایا ہے لہذا مثبت سوچ کے ساتھ اللہ پاک سے مدد مانگیں۔نیت نیک ہو تو اللّٰہ پاک ضرور مدد فرماتے ہیں۔ دکھی انسانیت کی خدمت میں بڑھ چڑھ کر حصہ لیں۔
پروفیسر جاوید اکرم نے پروفیسر خالد مسعود گوندل کو کامیاب سیمینار کے انعقاد پر مبارکباد پیش کی۔ ان کا کہنا تھا کہ اللہ پاک نے ہمیں ایک مقصد کے تحت اس دنیا میں بھیجا ہے۔ کوئی بھی اچھا ڈاکٹر نہیں بن سکتا جب تک وہ ایک اچھا انسان نہ بن جائے، ہر قدم پر آپ کو آزمائش ہے۔ڈاکٹر آصف محمودجاہ اور پروفیسر خالد مسعودگوندل ہمارے رول ماڈل ہیں، انہوں نے غریب عوام کی بےحد خدمت کی۔ پروفیسر خالد مسعودگوندل ایک عظیم لیڈرکی طرح خدمات سرانجام دیں اور سی پی ایس پی ، کنگ ایڈورڈ میڈیکل یونیورسٹی ، اور فاطمہ جناح میڈیکل یونیورسٹی کے بطور سربراہ اداروں کو آسمان کی بلندیوں پر پہنچایا۔
صدر فاطمہ جناح میڈیکل کالج المنائی ایسوسی ایشن (برطانیہ) ڈاکٹر وردہ شفیع نے ڈاکٹر آصف محمودجاہ ، پروفیسر خالد مسعود گوندل کو شعبہ میڈیکل میں بے مثال خدمات پر خراج تحسین پیش کیا اور اس کامیاب بین الاقوامی کانفرنس کے انعقاد پر مبارکباد پیش کی۔
سیمینار میں ڈاکٹر دانیال سعید نے بین الاقوامی میڈیکل گریجویٹ کے طور پر برطانیہ میں کیریئر کونسلنگ پر جامع اور آگاہی لیکچر دیا۔
سیمینار میں تین مختلف ہالز میں بیک وقت تین مختلف سیشنز کا انعقاد ہوا۔ وائس چانسلر پروفیسر خالد مسعود گوندل نے تمام سیشنز میں شرکت کی اور سیشنز میں شرکاء کی بھرپور شرکت کو سراہا۔
سیشنز کی سربراہی پروفیسر نورین اکمل ، پروفیسر منزہ اقبال اور پروفیسر راشد محمود نے کی ، جس میں پروفیسر شمسہ ہمایوں ، ڈاکٹر وردہ طارق شفیع، پروفیسر آفتاب چوہدری ، ڈاکٹر اطہر احمد سعید، پروفیسر کامران خالد خواجہ اور ڈاکٹر سعدیہ اطہر خان نے بطورگیسٹس شرکت کی۔ سیشنز میں ڈاکٹر دانش بھٹی، ڈاکٹر فیض ممتاز، ڈاکٹر نورین رفیق ، ڈاکٹر سیوا کمار مانیکم ، ڈاکٹر میمونہ زہرہ، پروفیسر عائشہ ملک، ڈاکٹر شاہدہ تارڑ، ڈاکٹر تابندہ دگل، ڈاکٹر عنبرین رؤف، علی شان، پروفیسر عالیہ زاہد، ڈاکٹر جمشید احمد، ڈاکٹر عرفان احمد، محترمہ انعم عرفان، اور ڈاکٹر سارہ سعید نے شعبہ طب میں آرٹیفیشل انٹیلیجنس کے استعمال، زچگی کی شرح اموات کی روک تھام، خاتمے، صنفی مساوات، غذائیت اور معیاری طبی تعلیمی کے فروغ کے موضوعات پر لیکچرز دیے۔
اس موقع پر شعبہ کمیونیٹی میڈیسن کے زیر اہتمام پوسٹرز مقابلے کا انعقاد بھی ہوا جس میں طالبات کی جانب سے مختلف پوسٹرز کی نمائش کی گئی۔ وائس چانسلر پروفیسر خالد مسعود گوندل نے المنائی ایسوسی ایشن کے ممبران اور فیکلٹی کے ہمراہ پوسٹرز کی نمائش کا جائزہ لیا اور پوسٹرز مقابلے میں طالبات کی بہترین کارکردگی کو سراہا۔
سیمینار میں چیئرپرسن گائنی /ڈین سرجری پروفیسر عائشہ ملک نے بطور چیئرپرسن آرگنائزنگ کمیٹی، پرنسپل پروفیسر عبدالحمید نے بطور کنوینر آرگنائزنگ کمیٹی، رجسٹرار پروفیسر محمد ندیم کو چیئرمین آرگنائزنگ کمیٹی، چیئرپرسن ڈیپارٹمنٹ آف میڈیسن پروفیسر بلقیس شبّیر نے بطور سیکرٹری آرگنائزنگ کمیٹی، ڈین پروفیسر شمیلہ اعجاز منیرنے بطور چیئرپرسن ریسیپشن کمیٹی، ڈینز پروفیسر عالیہ زاہد، پروفیسر نوید اکبر ہوتیانا نے خدمات سر انجام دیں۔
تقریب کے اختتام پر چیف گیسٹس ،گیسٹ سپیکرز میں شیلڈز تقسیم کی گئیں اور پوسٹرز مقابلے میں نمایاں پوزیشن حاصل کرنے والی طالبات میں کیش پرائز اور سرٹیفکیٹس تقسیم کیے ۔
=============================
کالج آف آفتھلمالوجی اینڈ الائیڈ وژن سائنسز کا مشن پاکستان میں تمام قسم کے نابینا پن کو ختم کرنے کے لیے آنکھوں کی معیاری دیکھ بھال کی فراہمی میں بہترین کارکردگی کو فروغ دینا ہے۔ فریڈ ہولوز فاؤنڈیشن آسٹریلیا 1998 سے پاکستان میں کالج آف اوپتھلمولوجی اینڈ الائیڈ وژن سائنسز کے ساتھ مل کر کام کر رہی ہے۔
اینڈریو ہارٹ وچ، ڈائریکٹر کوالٹی اینڈ لرننگ ، فریڈ ہولوز فاؤنڈیشن آسٹریلیا نے لاہور میں کالج آف آفتھلمالوجی اینڈ الائیڈ وژن سائنسز کا دورہ کیا۔ ان کے اس دورے کا مقصد پاکستان میں بینائی کی بحالی کی کوششوں میں فریڈ ہولوز فاؤنڈیشن کے جاری منصوبوں اور مستقبل میں ہونے والے پروگراموں کا تقابلی جائزہ بھی شامل تھا۔ مذید فریڈ ہولوز فاؤنڈیشن پاکستان کے ساتھ پانچ سالہ حکمت عملی پر تبادلہ خیال کرنے کے لیے ایک سٹریٹجک میٹنگ کا بھی انعقاد کیا گیا، میٹنگ میں کنٹری منیجر فریڈ ہولوز فاؤنڈیشن آسٹریلیا فاروق اعوان سمیت اہم اسٹیک ہولڈرز نے شرکت کی۔ ایڈوائزر پروگرام ڈویلپمنٹ برائے ایشیائی ممالک ایف ایچ ایف محترمہ راشین چوہدری،ڈائریکٹر کمیونٹی آفتھالمالوجی ایف ایچ ایف پنجاب ڈاکٹر اقبال جاوید، پروگرام منیجر ایف ایچ ایف پنجاب شازیہ بشیر، کمیونٹی آفتھلمالوجیسٹ COAVS ڈاکٹر عارف حسین، اور سٹاف آفیسر حماد حسن فرید شامل رہے۔ اینڈریو ہارٹ وچ نے اپنے اس دورے میں پرنسپل کالج آف آفتھلمالوجی اینڈ الائیڈ وژن سائنسز پروفیسر ڈاکٹر محمد معین کے کام کو سراہا اورامید ظاہر کی کہ اس پارٹنرشب اور جذبہ کے ساتھ پروفیسر ڈاکٹر محمد معین اور فریڈ ہالوز قابل علاج آنکھوں کی بیماریوں پر قابو پا سکیں گے۔
پروفیسر ڈاکٹر محمد معین پرنسپل کالج آف آفتھلمالوجی اینڈ الائیڈ وژن سائنسز نے اینڈریو ہارٹ وچ کو پاکستان میں بینائی سے متعلقہ تمام پراجیکٹس کے بارے میں تفصیل سے بتایا اور فریڈ ہالوز کی مشترکہ کاوشیں جو بینائی بحال کرنے کے لیے کی جارہی ہیں کی تفصیلات فراہم کی گئیں- پروفیسر محمد معین نے اس بات پر زور دیا کہ پانچ سالہ حکمت عملی موجودہ خلا کی نشاندہی اور ٹارگٹڈ کمیونٹیز کے لیے نتیجہ پر مبنی نقطہ نظر تیار کرنے کا ایک اہم موقع فراہم کرتی ہے۔ انہوں نے ایک مضبوط ڈیٹا مینجمنٹ انفارمیشن سسٹم (MIS) کی اہمیت کو اجاگر کیا تاکہ طویل مدتی ڈیٹا اسٹوریج اور رسائی کو یقینی بنایا جا سکے۔ انہوں نے مزید کہا کہ ذیابیطس ریٹینوپیتھی کا پتہ لگانے کے لیے AI ٹولز کا فائدہ اٹھایا جائے، جو تشخیصی صلاحیتوں میں انقلاب برپا کر دے گا۔ کالج کے تمام ڈیپارٹمنٹس کا دورہ کروایا گیا.
یاد رہے کہ 2023 میں، فریڈ ہولوز فاؤنڈیشن نے کالج آف اوپتھلمولوجی اینڈ الائیڈ وژن سائنسز کے تعاون سے پاکستان میں 17,000 سے زیادہ بینائی بحال کرنے والے موتیا کے آپریشن کیے، 213,000 سے زیادہ لوگوں کی اسکریننگ کی، 11,000 سے زیادہ نظر کی عینک کے جوڑے تقسیم کیے، اور 2,000 سے زیادہ کمیونٹی ہیلتھ ورکرز اور اساتذہ کو تربیت دی۔ گزشتہ سال پاکستان میں 200,000 سے زائد بالغوں اور بچوں کے لیے کمیونٹی ہیلتھ اور اسکول ایجوکیشن پروگرامز کا انعقاد کیا۔
===========================
پوسٹ گریجویٹ میڈیکل انسٹی ٹیوٹ، امیر الدین میڈیکل کالج اور لاہور جنرل ہسپتال کے ایسوسی ایٹ پروفیسر آف یورالوجی ڈاکٹر کامران زیدی پاکستان ایسوسی ایشن آف یورالوجیکل سرجنز (PAUS) پنجاب کے نائب صدر منتخب ہو گئے ہیں۔ پرنسپل لاہور جنرل ہسپتال پروفیسر ڈاکٹر محمد الفرید ظفر، شعبہ یورالوجی کے سربراہ پروفیسر خضر حیات گوندل، میڈیکل سپرنٹنڈنٹ ڈاکٹر فریاد حسین اور ساتھی ڈاکٹرز نے ڈاکٹر کامران زیدی کو اس کامیابی پر دلی مبارکباد دی اور نیک خواہشات کا اظہار کیا۔ پرنسپل پروفیسر الفرید ظفر نے کہا کہ ڈاکٹر کامران زیدی کی بطور نائب صدر پنجاب کامیابی شعبہ یورالوجی کیلئے بہتری کا باعث ہوگی اور امید ہے کہ ان کے انتخاب سے گردہ و مثانہ کے مریضوں کو خاطر خواہ ریلیف اور ان کے ڈیپارٹمنٹ کو ترقی حاصل ہوگی جس سے مریضوں و ڈاکٹرز کے درمیان اعتماد کی فضا میں بھی اضافہ ہوگا۔
اس حوالے سے گفتگو کرتے ہوئے پاکستان ایسوسی ایشن آف یورالوجیکل سرجن پنجاب کے نو منتخب نائب صدر اور ایسوسی ایٹ پروفیسر آف یورالوجی ڈاکٹر کامران زیدی نے ڈاکٹروں سے اظہار تشکر کرتے ہوئے کہا کہ وہ اس اعتماد پر پورا اتریں گے اور اس پلیٹ فارم سے نوجوان ڈاکٹرز کی بہتری کے لئے ہر ممکن اقدامات کریں گے۔ انہوں نے کہا کہ ینگ ڈاکٹرز کو جدید تیکنیک پر عبور حاصل کرنا چاہیے تاکہ وہ عملی زندگی میں اپنے فرائض منصبی بہتر انداز سے سر انجام دیں گے۔ڈاکٹر کامران زیدی نے مزید کہا کہ پاکستان میں گردہ مثانہ کے مریضوں کی تعداد میں دن بدن اضافہ ہو رہا ہے اُن کی فلاح اور آگاہی کیلئے مہم چلائیں گے تاکہ لوگوں کو زیادہ سے زیادہ شعور حاصل ہو سکے۔ڈاکٹر کامران زیدی نے کہا کہ وہ اس پلیٹ فارم سے گردہ مثانہ کے مرض میں مبتلا مریضوں کے علاج معالجے کے لئے تمام وسائل برؤئے کار لائیں گے۔ ڈاکٹر کامران زیدی نے پرنسپل پی جی ایم آئی پروفیسر الفرید ظفر، ہیڈ آف دی ڈیپارٹمنٹ پروفیسر خضر حیات گوندل اور ایم ایس ڈاکٹر فریادحسین کا شکریہ ادا کیا اور انہیں بھرپور تعاون کا یقین دلاتے ہوئے سرپرستی جاری رکھنے کی درخواست کی۔
==========================
مبینہ کرپشن اور بے ضابطگیوں میں ملوث اسسٹنٹ پروفیسر شبیر چوہدری کے تبادلے کا معاملہ
محکمہ سپیشلائزڈ ہیلتھ کیئر نے ڈاکٹر شبیر چوہدری کو ڈسپلن کی خلاف ورزی پر شو کاز نوٹس جاری کردیا
شوکاز نوٹس ڈسپلن اینڈ اکاونٹیبیکٹی ایکٹ 2006 کے تحت جاری کیا گیا ہے
اسسٹنٹ پروفسیر ڈاکٹر شبیر چوہدری کو ڈی جی خان تبادلہ کیا گیا مگر جوائن کیوں نہ کیا ۔ شوکاز نوٹس
اپنے تبادلے کی منسوخی کے لئے سوشل میڈیا پر محکمہ صحت کے خلاف شیطانی مہم بھی چلائی ۔ شوکاز نوٹس
محکمہ صحت کا ڈاکٹر شبیر چوہدری کو 7 دن میں جواب جمع کرانے کا حکم
7 روز میں جواب جمع نہ کرایا جو سیکشن سیون بی کے تحت محکمہ سخت کاروائی عمل میں لائے گا
================
پی ایم اے لاہور کے آئین کے آرٹیکل 18 کلاز (ii) کے تحت جاری کردہ الیکشن شیڈول کے مطابق کاغذات نامزدگی جمع کروانے کی آخری تاریخ 16 دسمبر 2024 تھی۔کاغذات نامزدگی کی جانچ پڑتال اور اعتراضات موصول ہونے کے بعد مندرجہ ذیل امیدواران کے کاغذات نامزدگی درست قرار دیئے گئے۔پی ایم اے الیکشن کے لیے صدارت کے لیے 3امیدوارں پروفیسر ڈاکٹر محمداشرف نظامی، پروفیسر ڈاکٹر شاہد شوکت ملک، ڈاکٹر خواجہ خورشید احمد,نائب صدر ڈاکٹر احمد نعیم اختر, ڈاکٹر رابا سہیل نون نائب صدر (خاتون)،ڈاکٹر بشریٰ حق، ڈاکٹر کوکب سلطانہ ،جنرل سیکریٹری ڈاکٹر واجدعلی، ڈاکٹر محمد فہیم چوہدری،فنانس سیکریٹری ڈاکٹر ارم شہزادی،ڈاکٹر یاسمین احسان،جوائنٹ سیکریٹری (مرد) ڈاکٹر سلمان حیدر کاظمی،ڈاکٹر عارف تبسم
جوائنٹ سیکریٹری (خاتون) ڈاکٹر مریم فاطمہ، ڈاکٹر تعبیر ملک، الیکشن کمشنر پی ایم اے ڈاکٹر طاہر خلیل کے مطابق کاغذات نامزدگی 24دسمبر2024دوپہر 2:30 بجے تک واپس لیئے جا سکیں گے اور حتمی لسٹ آویزاں کر دی جائے گی۔
