ڈیرہ غازیخان ( ): کمشنر ڈیرہ غازی خان ڈویژن ڈاکٹر ناصر محمود بشیر کی ہدایت پر پر تیسرے مرحلے کے تحت ضلع سطح پر اردو انگریزی مضمون نویسی کے مقابلے کا انعقاد کیا گیا۔سیکرٹری تعلیمی بورڈ عبدالرحمن چوہدری، پرنسپلز سنٹر آف ایکسیلنس فیض اللہ ترین، شبانہ آفرین اور دیگر افسران نے امتحانی مراکز کے اچانک دورے کئے اور طلبہ و طالبات کو فراہم سہولیات کا جائزہ لیا۔اردو انگریزی مضمون نویسی کے مقابلہ کو شفاف بنانے کیلئے کڑی مانیٹرنگ کی گئی۔ کمشنر ڈاکٹر ناصر محمود بشیر نے کہا کہ چوتھے مرحلے میں 19 دسمبر کو آخری مرحلہ کے تحت ڈویژنل سطح کا مقابلہ ہوگا جس میں ضلع کے پوزیشن ہولڈرز شریک ہوسکیں گے۔ضلع سطح کے پوزیشن ہولڈرز کو پہلی،دوسری اور تیسری پوزیشن پر بالترتیب 20 ہزار روہے،15 ہزار روپے اور دس ہزار روپے کیش ایوارڈ دیا جائے گا۔
