۔۔۔۔۔۔۔۔۔۔۔۔۔۔۔۔۔۔
نقطہ نظر
نعیم اختر
۔۔۔۔۔۔۔۔۔۔۔۔۔
سانحہ 16 دسمبر آرمی پبلک اسکول وہ دل خراش واقعہ جسے کبھی بھلایا نہیں جا سکے گا اس دل ہلا دینے والے واقعے نے پوری قوم کو متحد اور منظم کر کے رکھ دیا اس کو کے اساتذہ معلمات اور طلبہ نے جس جواں مردی سے بے رحم خون کی ہولی کھیلنے والے دہشت گردوں سے ڈٹ کا مقابلہ کیا وہ تاریخ کا حصہ بن چکا ہے زندہ قومیں اپنے اسلاف کی قربانیوں کو کبھی نہیں بھلاتیں آرمی اسکول پشاور کے بچوں اور اسٹاف نے اپنی جانوں کی قربانیاں دے کر خود کو ہمیشہ ہمیشہ کے لیے امر کر دیا آرمی پبلک اسکول پشاور میں جس طرح دہشت گرد اندر داخل ہو کر اسکول پر قابض ہوئے وہ ایک منصوبہ بندی کا حصہ تھا افواج پاکستان نے دہشت گردوں کو جہنم واصل کر کے یہ ثابت کیا کہ وہ اپنے ملک اور عوام کے دفاع کے لیے ہر وقت چوکنا رہتے ہوئے آپریشن کرنے کی صلاحیت رکھتی ہے گو کہ افواج پاکستان کے پہنچنے سے قبل دہشت گرد معصوم بچوں اور اسٹاف کو دہشت گردی کا نشانہ بنا چکے تھے اسکول میں قیامت صغریٰ کا منظر تھا ہر طرف خون خون ،معصوم بچوں اور اسٹاف کی لاشیں تھیں افواج پاکستان نے آپریشن کر کے تمام دہشت گردوں کو واصل جہنم بنا کر اسکول کو مزید نقصان سے بچایا قیام پاکستان سے لے کر اب تک ایسی بہت سی قربانیاں ہماری تاریخ کا حصہ بن چکی ہیں جس پر قوم سر بلند کر کے فخر محسوس کر سکتی ہے افواج پاکستان نے ملک کے استحکام ،تعمیر و ترقی اور قدرتی آفات سے نمٹنے کیلئے جس طرح پیش پیش رہتے ہوئے خدمات انجام دی ہیں وہ نا صرف قابل ستائش ہیں بلکہ ہمارے لیے باعث فخر بھی ہے افواج پاکستان نے ہمیشہ اپنی جانوں کے نذرانے دے کر ملک کی جغرافیائی اور نظریاتی سرحدوں کی حفاظت کر کے ملک کو دوام بخشا، قیامِ پاکستان سے لیکر اب تک پاکستان پر جتنی بھی آزماشیں آئیں پاکستانی قوم نے ” پاک فوج ” کے ساتھ مل کر ان کا ڈٹ کر مقابلہ کیا
پاک فوج نے دھرتی کے دفاع کی ذمہ داریاں نہایت احسن طریقے سے نبھانے کے ساتھ ساتھ ہر مشکل گھڑی اور قدرتی آفت میں فرنٹ فٹ پر
آکرقوم کی مدد کی ،
پاک فوج کے اسی جانثارانہ رویے کی وجہ سے پاکستان کے عوام پاک فوج سے محبت اور عقیدت رکھتے ہیں
پاکستانی قوم پاک فوج کو اپنے لیے مسیحا اور نجات دہندہ گردانتی ہے یہی وجہ ہے کہ فوج اور قوم کا رشتہ اٹوٹ ہے اور جو ہر گزرتے دن کے ساتھ مضبوط ہورہا ہے
پاکستان کے دشمنوں نے پاکستان کو عدم استحکام سے دوچار کرنے اور عوام الناس کے دلوں سے فوج کی محبت نکالنے کے لیے ہر طرح کی سازشیں کرکے دیکھ لی مگر وہ اپنے ہر حربے میں ناکام رہے آئندہ بھی ان کی ہر سازش اور ناپاک عزائم کامیاب نہیں ہوں گے دشمن کی کوئی سازش پاک فوج اور پاکستانی قوم کی آپس کی محبت کو ختم نہیں کر سکتی،ملک دشمن عناصر جتنی بھی کوشش کرلے
ان شاءاللہ قوم کی ” فوج سے محبت ” کو وہ ختم نہیں کرسکتے،شرپسند عناصر کا ہر حربہ ناکام ہوا ہے اور
ان شاءاللہ آئیندہ بھی ان کی ہر سازش ناکام ہوگی۔ قوم اپنی افواج کی پشت پر کھڑی ہے،
فوج نے ہر کڑے اور مشکل وقت میں ثابت کیا ہے کہ وہ ایک قومی اور پیشہ ور فوج ہے۔ہر مشکل ہر دکھ اور تکلیف میں وہ “مسیحا ” بن کر قوم کے درد سمیٹتی ہے. افواج پاکستان قوم کو سازشیوں سے بچانے کی مکمل ذمہ داری بھی بخوبی نبھا رہی ہے افواج پاکستان ہمارا فخر ہے جس پر ہمیں ناز ہے۔
