جیو کو انڈس ٹی وی جیسا حشر کرنے کی دھمکی کس نے دی ؟ انتظامیہ کے سامنے کون سے دو آپشن رکھے گئے، امریکی پراسرار شخصیت کون تھی ؟ جیو انتظامیہ نے مجبورا چھوٹی برائی کو چنا ؟ حالات بہت خراب اور واقعات بڑے گھناونے تھے جیو ٹی وی انتظامیہ کس قدر دباؤ کا شکار رہا اور کس طرح اپنی بقا کی جنگ لڑی ۔ سینیئر صحافی کی زبانی سنیے اصل میں ہوا کیا تھا ۔ اس ملک میں کیا کچھ میڈیا کے ساتھ ہوتا رہا کیا کچھ ہو رہا ہے
کس طرح میڈیا گروپوں پر کس کس کو مسلط کیا گیا اور کیا نتائج مقصود تھے اور کس طریقے سے انہیں اپنی مرضی سے توڑا مروڑا گیا یہ سب کچھ پہلی مرتبہ نہیں ہوا لیکن یہ سب کچھ ہوتا رہا ہے اور جیو ٹی وی کے ساتھ جو کچھ ہوا وہ بہت کم لوگوں کو پتہ ہے جنہیں پتہ ہے وہ بہت عرصے تک خاموش کیوں رہے اور جنہوں نے اب خاموشی توڑی ہے تو وہ کیا چاہتے ہیں یہاں کمزور کو طاقتور ہمیشہ دباؤ میں رکھتاآیا ہے کچھ نیا نہیں ہے لیکن بہت سے لوگوں کے لیے یہ معلومات بھی نئی ہے اور انکشافات بھی ۔ تفصیلات سے اگاہی حاصل کرنے کے لیے اپ کو یہ ویڈیو ضرور دیکھنی چاہیے کہ اس میں پاکستان کے مشہور سینیئر صحافی جو بحث کر رہے ہیں اس کے دوران آپ کو بہت سے انکشافات نظر آئیں گے ۔ اس حوالے سے اپ اپنی رائے کا اظہار بھی کر سکتے ہیں تبصرہ بھی کر سکتے ہیں اور اگر کچھ واقعات سے آپ کو خصوصی آگاہی حاصل ہے تو اپنے واقعات شیئر بھی کر سکتے ہیں
===========================
=============================
بھارت میں اسکول ٹیچر کو اغواء کرکے گن پوائنٹ پر خاتون سے شادی کروادی گئی
بھارتی ریاست بہار کے شہر پٹنہ میں ایک سرکاری اسکول ٹیچر کو اغواء کرکے گن پوائنٹ پر زبردستی خاتون سے شادی کروادی گئی۔
بھارتی میڈیا کے مطابق پٹنہ کا رہائشی اونیش کمار حال ہی میں پبلک سروس کمیشن کا امتحان پاس کرکے سرکاری اسکول ٹیچر بنا تھا۔ اسے کچھ لوگوں نے اغواء کر کے زبردستی شادی پر مجبور کیا۔ یہ حیران کن واقعہ جمعے کو اس وقت پیش آیا جب وہ اپنے اسکول جا رہا تھا۔
تفصیلات کے مطابق اونیش کمار کے اسکول جانے کے دوران دو گاڑیوں میں کچھ لوگ آئے اور اسے راستے میں روک کر زبردستی اپنے ساتھ لے گئے جس کے بعد گنجن نامی ایک لڑکی سے مبینہ طور پر زبردستی شادی کرنے پر مجبور کیا۔
اونیش سے زبردستی شادی کرنے والی لڑکی گنجن نے الزام عائد کیا کہ ان دونوں کا 4 سال سے تعلق تھا، اس دوران اونیش نے اس سے شادی کا وعدہ بھی کیا تھا۔
بارات دیر سے پہنچنے پر لڑکی والوں نے شادی سے انکار کرکے دولہا کو یرغمال بنا لیا
لڑکی کا کہنا تھا کہ ہم ایک دوسرے سے محبت کرتے تھے اور شادی کے لیے منصوبے بنائے تھے، لیکن جب میں نے اپنے گھر والوں کو بتایا اور اس سے شادی کی بات کی تو اس نے انکار کر دیا۔
تین دن قبل، گنجن کے اہل خانہ نے مبینہ طور پر ان دونوں کو ایک ساتھ دیکھا تھا جس کے بعد اونیش کو اغواء کرکے ایک مندر میں زبردستی شادی کروائی گئی۔ اس واقعے کی ویڈیو بھی وائرل ہوگئی جس میں اونیش کو دباؤ کے تحت شادی کی رسمیں ادا کرتے دیکھا جا سکتا ہے۔
شادی کے بعد گنجن اپنے اہل خانہ کے ساتھ اونیش کے گھر راجورا پہنچی، لیکن اونیش کے اہل خانہ نے اسے بہو کے طور پر قبول کرنے سے انکار کر دیا۔ اس دوران اونیش وہاں سے فرار ہونے میں کامیاب ہو گیا۔
بھارتی میڈیا کے مطابق گنجن نے پولیس میں شکایت درج کرواتے ہوئے انصاف کا مطالبہ کیا۔ دوسری طرف، اونیش نے گنجن کے ساتھ کسی بھی قسم کے تعلقات سے انکار کرتے ہوئے کہا کہ اس لڑکی نے مجھے ہراساں کیا اور بار بار میرا پیچھا کیا۔ اس دن، کچھ افراد نے مجھے اغواء کیا، مارا پیٹا اور زبردستی شادی پر مجبور کیا۔
اونیش نے اپنے اغواء اور جسمانی تشدد کرنے پر پولیس میں شکایت درج کروائی ہے۔
خیال رہے کہ بہار میں زبردستی شادی کروانے کے واقعات بڑی تعداد میں دیکھنے میں آئے ہیں، پولیس کے مطابق 2024 میں زبردستی شادی کے سب سے زیادہ کیسز رپورٹ ہوئے ہیں، جو گزشتہ 30 سالوں میں سب سے زیادہ ہیں۔
