ہینڈ آوٹ نمبر 1979مورخہ13دسمبر 2024ء
ڈیرہ غازیخان ( ): ڈیرہ غازیخان میں انسدادِ پولیو مہم 16سے20دسمبر تک جاری رہے گی جس میں ضلع بھر کے پانچ سال سے کم عمر8لاکھ سے زائد بچوں کو پولیو سے بچاؤ کے حفاظتی قطرے پلائے جائیں گے۔ڈپٹی کمشنر محمد عثمان خالد کی زیر صدارت انسداد پولیو مہم کے انتظامات بارے جائزہ اجلاس کمیٹی روم میں منعقد ہوا۔ڈپٹی کمشنرنے خطاب کرتے ہوئے کہا کہ وزیراعلی پنجاب مریم نواز کے احکامات کے تحت پولیو کا خاتمہ یقینی بنایا جائے،پچھلی مہمات کی کمی و کوتاہیوں کو دہرایا نہ جائے،قوم کے نونہالوں کو حفاظتی قطرے پلانا ہماری ذمہ داری ہے،مائیکرو پلان پر عمل کیاجائے،مہم میں پولیو ورکرز اور ویکسینیٹروں کو ہر شہر ی کے گھرتک جانا ہوگا،کوئی بچہ مس نہیں ہونا چاہیے۔ڈپٹی کمشنر نے کہا میں خود فیلڈ میں مہم کی مانیٹرنگ کرونگا،دلجمعی سے کام کیا جائے،روزانہ کا ٹارگٹ روزانہ ہی حاصل کیا جائے،کسی بھی ایشو کو فوری ہمارے نوٹس میں لایا جائے،ہر کوئی انسداد پولیو مہم کو سنجیدہ لے،تھریٹ بیسڈ یونین کونسلوں میں خصوصی اقدامات کو یقینی بنایا جائے گا۔اجلاس میں سی ای او ہیلتھ ڈاکٹر ادریس لغاری نے پولیو مہم کے انتظامات بارے بریفنگ دی۔ایڈیشنل ڈپٹی کمشنر قدسیہ ناز،ڈاکٹر اطہر سکھانی،ڈاکٹرعلی ہاشم،ہما مہدی لغاری،محمد زبیر،قاری جمال عبدالناصر،ڈاکٹر علی شیر،عمر فاروقی،راشد اقبال،ڈاکٹر تحسین احمد سمیت ڈبلیو ایچ او،یونیسیف کے نمائندے بھی اجلاس میں موجود تھے۔
ڈیرہ غازیخان ( ): وزیراعلی پنجاب مریم نواز شریف کی ہدایت پر ایڈیشنل ڈپٹی کمشنر جنرل قدسیہ ناز نے ڈی سی آفس ڈیرہ غازی خان میں روزانہ کی طرح آج بھی آسان رسائی مسائل کم انیشیٹیو کے تحت منعقدہ کھلی کچہری میں ضلع کے مختلف علاقوں سے آئے سائلین کے مسائل سنے اور انہیں فوری ریلیف دلانے کیلئے متعلقہ محکموں کے افسران کو احکامات جاری کیے۔کھلی کچہری میں پی اے مجاہد مصطفیٰ،آفس قانونگو چوہدری محمد قاسم،اصغر لنڈ اور وسیم جعفر بھی موجود تھے۔
ڈیرہ غازیخان ( ): محکمہ جنگلات ڈیرہ غازی خان سرکل کی طرف سے جاری مہم کے دوران عیسن والا جنگل مظفر گڑھ کا 17 ایکڑ رقبہ قبضہ مافیا سے واگزار کرا لیا گیا ہے۔کماد اور دیگر فصل کو ہل چلا کر تلف کردیا گیا۔جنگلات،پولیس اور ریونیو محکموں کے مشترکہ آپریشن کے ذریعے عرصہ دراز سے قابض افراد سے سرکاری رقبہ واگزار کرایا گیا۔ناظم جنگلات ڈیرہ غازی خان سرکل محمد طارق نسیم کے مراسلہ میں کہا گیا ہے کہ حکومت پنجاب کی ہدایت پر قبضہ مافیا کے خلاف آپریشن کا سلسلہ جاری رکھا جائے گا اور ہر ایک انچ سرکاری رقبہ واگزار کرایا جائے گا۔
ڈیرہ غازیخان ( ): ڈائریکٹر سوشل ویلفیئر ڈیرہ غازی خان ڈویژن محمد اظہر یوسف نے کہا ہے کہ معیاری تعلیم و تربیت ہر بچے کا بنیادی حق ہے۔بے سہارا بچوں کی تعلیم و تربیت کرکے معاشرے کا فعال شہری بنانے کیلئے متعلقہ ادارے فعال کردار ادا کریں.انہوں نے ان خیالات کا اظہار مقامی ہوٹل میں سوشل ویلفیئر،یونیسف اور دیگر غیر کاری تنظیموں کے اشتراک سے چائلڈ پروٹیکشن کی تین روزہ ضلعی سطح کی تربیتی ورکشاپ کی اختتامی تقریب سے بحیثیت مہمان خصوصی خطاب کرتے ہوئے کیا۔ڈپٹی ڈاکٹر سوشل ویلفیئر ذکاء الدین بزدار،انچارج ماڈل چلڈرن ہومز محمد ابراہیم،ڈسٹرکٹ ویمن پروٹیکشن آفیسر ثریا مجید رانا،اسسٹنٹ ڈائریکٹر سوشل ویلفیئر زرینہ بی بی دیگر افسران،این جی اوز کے مرد و خواتین عہدیدار موجود تھے۔تربیتی ورکشاپ کے شرکاء نے کہا کہ حکومت پنجاب کے تعاون سے بچوں کی کفالت کیلئے سرکاری اداروں کے علاوہ این جی اوز کام کررہی ہیں ٹیم ورک سے اہداف حاصل کیے جاسکتے ہیں۔
ڈیرہ غازی خان (۔ ) محکمہ جنگلات ڈیرہ غازی خان سرکل کی طرف سے جاری مہم کے دوران عیسن والا جنگل مظفر گڑھ کا 17 ایکڑ رقبہ قبضہ مافیا سے واگزار کرا لیا گیا ہے ۔کماد اور دیگر فصل کو ہل چلا کر تلف کردیا گیا۔جنگلات،پولیس اور ریونیو محکموں کے مشترکہ آپریشن کرکے عرصہ دراز سے قابض افراد سے سرکاری رقبہ واگزار کرایا گیا ہے۔ناظم جنگلات ڈیرہ غازی خان سرکل محمد طارق نسیم کا مزید کہنا تھا کہ حکومت پنجاب کی ہدایت پر قبضہ مافیا کے خلاف آپریشن کا سلسلہ جاری رکھا جائے گا اور ہر ایک انچ سرکاری رقبہ واگزار کرایا جائے گا۔یہ بات ناظم جنگلات ڈیرہ غازی خان سرکل محمد طارق نسیم کے آفس سے جاری مراسلہ میں کہی گئی ہے۔
