اب جو بھی ملازم ریٹائر ہوگا تو اس کے واجبات ریٹائرمنٹ کے ساتھ ہی اس کو ادا کئے جائیں گے کمشنر سیسی کمشنر سیسی کے پرسنل سیکریٹری محمد خالد کی ریٹائرمنٹ کے موقع پر سیسی ہیڈآفس میں الوداعی تقریب

کراچی( 12 دسمبر) اب جو بھی ملازم ریٹائر ہوگا تو اس کے واجبات، ریٹائرمنٹ کے ساتھ ہی اس کو ادا کئے جائیں گے۔ یہ کمشنر سندھ ایمپلائز سوشل سیکورٹی انسٹی ٹیوشن میانداد راہوجو نے سیسی ہیڈ آفس میں آج ریٹائر ہونے والے کمشنر سیسی کے پرسنل سیکریٹری محمد خالد کے اعزاز میں ایک سادہ و پروقار الوداعی تقریب کے موقع پر اپنے خطاب کرتے ہوئے کہی۔ تقریب میں کمشنر سیسی ، وائس کمشنر، میڈیکل ایڈوائزر،سینئرڈائریکٹرکنٹری بیوشن اینڈ بینیفٹ، ڈائریکٹرز، ڈاکٹرز، افسران و ملازمین نے بڑی تعداد میں شرکت کی۔ اس موقع پر مختلف افسران نے محمد خالد کے بارے میں اپنے خیالات کا اظہار کیا۔ کمشنر سیسی نے اپنے پی ایس کے بارے میں تعریفی کلمات ادا کرتے ہوئے ان کی صحت و تندرستی کے لئے دعا کی۔ ان کا کہنا تھا کہ محمد خالد نے اپنے فرائض منصبی بخوبی ادا کئے اور انہوں نے ادارے کے افسران و ملازمین اور کمشنر سیسی کے درمیان ایک پل کا کردار ادا کیا اور مختلف امور پر ان کو بوقت ضرورت مناسب آگاہی فراہم کی اور ان کے جانے کے بعد ان کا متبادل ڈھونڈنا مشکل ہوگا۔ اس موقع پر کمشنر سیسی نے اعلان کیا کہ اب جو بھی ملازم ریٹائر ہوگا تو اس کے واجبات، ریٹائرمنٹ کے ساتھ ہی اس کو ادا کئے جائیں گے۔ اس کے بعد کمشنر سیسی نے محمد خالد کو ادارے کے جانب سے ان کے واجبات کے چیک ، قرآن شریف، اجرک و ٹوپی، گلدستہ، یادگاری شیلڈ اور اپنی جانب سے بھی تحفہ پیش کیا۔ اس موقع پر ادارے کے دیگر افسران و ملازمین نے بھی خالد صاحب کو گلدستے و تحائف پیش کئے۔

(سیف اللہ خان)
ڈائریکٹر