کراچی میں منشیات ، گٹکے، ماوے کی سرے عام فروخت کی وجہ سے جرائم میں اضافہ ہورہا ہے، رضوان نیازی
عمر لڑکوں کا ان جرائم میں ملوث ہونا انتہائی افسوسناک ہے، رضوان نیازی
آئی جی سندھ و دیگر قانون نافذ کرنے والے اداروں کراچی میں امن امان کے لئے سخت اقدامات اٹھائیں، رضوان نیازی
کراچی:(پریس ریلیز 12 دسمبر) گزشتہ دس ماہ کے دوران کراچی میں 62 ہزار سے زائد اسٹریٹ کرائم کے واقعات رپورٹ ہوئے، جن میں ڈکیتی مزاحمت کے دوران 105 سے زائد شہری جان سے ہاتھ دھو بیٹھے۔ پی ٹی آئی سندھ کے ایڈیشنل جنرل سیکریٹری اور پارٹی مینجمنٹ سیل سندھ کے سربراہ رضوان نیازی نے ان اعداد و شمار کو انتہائی افسوسناک قرار دیتے ہوئے فوری اور سخت اقدامات کا مطالبہ کیا ہے۔
کراچی میں میڈیا سے گفتگو کرتے ہوئے رضوان نیازی نے کہا کہ “پولیس اور قانون نافذ کرنے والے ادارے عوام کے جان و مال کے تحفظ کو یقینی بنانے کے لیے اپنی ذمہ داریوں کو نبھائیں۔ سی پی ایل سی کی جانب سے جاری کردہ رپورٹ کے مطابق، یکم جنوری سے 31 اکتوبر 2024 کے دوران اسٹریٹ کرائم کے واقعات میں دوران ڈکیتی میں فائرنگ سے 105 شہری جاں بحق ہوئے، جب کہ دیگر واقعات میں 478 شہریوں کی جانیں گئیں۔”
رپورٹ کے مطابق 10 ماہ میں 39 ہزار سے زائد موٹرسائیکلیں اور 16 ہزار 777 موبائل فون چھینے گئے۔ رضوان نیازی نے کہا کہ یہ سرکاری اعداد و شمار ہیں لیکن کئی واقعات رپورٹ نہ ہونے کی وجہ سے اصل تعداد اس سے کہیں زیادہ ہے۔ شہریوں کی بڑی تعداد پولیس پر اعتماد نہ ہونے کے باعث وارداتوں کی رپورٹ درج نہیں کراتی۔
رضوان نیازی نے کراچی میں منشیات، گٹکے اور ماوے کی کھلے عام فروخت پر شدید تشویش کا اظہار کرتے ہوئے کہا کہ ان کی وجہ سے نہ صرف جرائم میں اضافہ ہو رہا ہے بلکہ نوجوان نسل بھی تباہ ہو رہی ہے۔ انہوں نے پولیس سے مطالبہ کیا کہ وہ منشیات اور گٹکے کے کاروبار کے خلاف سخت کارروائی کرے۔
انہوں نے مزید کہا کہ اسٹریٹ کرائمز کی بڑھتی ہوئی وارداتوں کے باعث شہری عدم تحفظ کا شکار ہو چکے ہیں، اور کم عمر لڑکوں کا ان جرائم میں ملوث ہونا انتہائی افسوسناک ہے۔
رضوان نیازی نے آئی جی سندھ اور دیگر قانون نافذ کرنے والے اداروں سے مطالبہ کیا کہ کراچی میں امن و امان کی بحالی کے لیے سخت اقدامات کیے جائیں۔
جاری کردہ: میڈیا سیل پی ٹی آئی سندھ
—
Muhammad Ali Baloch
Secretary Information PTI Sindh
