لیاقت آباد ٹا ون اربن فاریسٹ کا قیام چیئر مین لیاقت آباد ٹاؤن فراز حسیب کا غریب آباد اربن فاریسٹ کا دورہ۔ ماحولیاتی آلودگی کے خاتمے کے لئے شجرکاری کی اہمیت کو نظر انداز نہ کیا جائے۔ فراز حسیب


پریس ریلیز
مورخہ: 11-12-2024
کراچی ( ) چیئر مین لیاقت آباد ٹاؤن فراز حسیب کا غریب آباد اربن فاریسٹ کا دورہ۔اس موقع پر چئیر مین لیاقت آباد فراز حسیب کے ساتھ کو آرڈینیڑصغیر احمد انصاری، یوسی پینل، ڈائریکٹر باغات ریحان ہمدانی، ڈپٹی ڈائریکٹر باغات محمد نقی، ڈپٹی ڈائریکٹر انتظامیہ، لیاقت حسین و دیگر افسران بھی موجود تھے۔ بعد ازاں چیئر مین لیاقت آباد ٹاؤن فراز حسیب نے متعلقہ افسران کو ہدایات جاری کرتے ہوئے کہا کہ باغ کی خوبصورتی کے لیے پہاڑ ی فوارہ، لوگوں کے بیٹھنے کی جگہ فٹ پاتھ پر کلر کے ساتھ ساتھ اسٹریٹ لائٹس کو جلد از جلد فعال کیا جائے تا کہ اسے اہل محلہ و عوام مستفید ہوسکے۔ چئیر مین لیاقت آباد فراز حسیب نے اہل محلہ و افسران سے مخاطب ہو کر مزید کہا کے کراچی کی تعمیر و ترقی، خوشحالی اور ٹاؤنز و شہر کو سر سبز بنانے کا سفر ایسے ہی زور و شور سے جاری رہے گا۔ انہوں نے مزید کہا کہ ہماری کوشش ہے عوام کو زیادہ سے زیادہ بلدیاتی سہولتیں فراہم کرنے کے ساتھ خوشگوار ماحول فراہم کیا جائے اور ماحولیاتی آلودگی کے خاتمے کے لئے مزید اربن فاریسٹ بنائے جائیں، انہوں نے کہا کہ جس جگہ اربن فاریسٹ بنایا جارہا ہے، یہاں پر کچرے کے ڈھیر قائم تھے علاقہ مکینوں کی شکایت پر اس مسئلے کے حل کے لئے محکمہ پارکس نے پہلے مرحلے میں اس جگہ سے کچرے کے ڈھیروں کو ہٹانے کے بعد اس زمین کو ہموار کرکے اربن فاریسٹ کے لئے تیار کیا، انہوں نے کہا کہ محکمہ پارکس لیاقت آباد ٹاون اب تک کئی پارکس کو از سر نو بحال کرکے عوام کے حوالے کرچکا ہے جبکہ لیاقت آباد ٹاون میں موجود اجڑے ہوئے پارکس اور گرین بیلٹس کی تزین و آرائش کے کام کا سلسلہ جاری ہے۔
فہیم مصطفی
ڈائریکٹر انفارمیشن
لیاقت آباد ٹاون