کانوں کی بحالی میں غفلت پر چیف سیکریٹری کا اظہارِ ناراضگی

چیف سیکریٹری سندھ آصف حیدر شاہ کی زیر صدارت محکمہ مائینر اینڈ منرل کا اہم اجلاس

اجلاس میں سیکریٹری مائینز اینڈ منرل، ڈائریکٹر جنرل مائینر ائنڈ منرل سمیت دیگر افسران شریک ہوئے

صوبے میں مزید معدنی وسائل کی تلاش کے لیے جیالوجیکل سروے آف پاکستان کے ساتھ اسٹڈی کی ہدایت

معدنیات کی نیلامی شفاف اور بین الاقوامی سرمایہ کاروں کو بھی شامل کیا جائے۔ چیف سیکریٹری سندھ آصف حیدر شاہ

محکمہ کان کنی کی ویب سائٹ اپ گریڈ کرکے سرمایہ کاروں کے لیے کاروباری ماڈل پیش کیا جائے گا۔ آصف حیدر شاہ

سندھ میں 350 کان کنی کے لیزز سے سالانہ 1.7 ارب روپے کی آمدنی ہو رہی ہے، سیکریٹری معدنیات

صوبے میں مائینر ٹیسٹنگ لیباریٹری بھی بنائی جا رہی ہے۔ سیکریٹری مائینر کی اجلاس میں آگاہی

چیف سیکریٹری کی کانوں اور لیزز کے ریکارڈ کو ڈیجیٹلائز اور جیو ٹیگنگ کی ہدایت

پاکستان جیالوجیکل سروے کے ساتھ ایک جامع مطالعہ کرے تاکہ صوبے میں اضافی معدنی وسائل کی دریافت کی جا سکے۔ آصف حیدر شاہ

کانوں کی بحالی میں غفلت پر چیف سیکریٹری کا اظہارِ ناراضگی

کان کنی کے مقامات پر کھدائی کے بعد گڑھوں کو بھرنے کے اقدامات یقینی بنائے جائیں، چیف سیکریٹری

نیلامی کے عمل کو شفاف بنانے کے ذریعے سندھ کے معدنی وسائل کے ممکنہ فوائد حاصل کیے جائیں گے۔ آصف حیدر شاہ
===============================

کراچی میں رات گئے مختلف علاقوں میں ٹریفک حادثات کے دوران چار افراد جاں بحق جبکہ دو زخمی ہوگئے۔

پولیس حکام کے مطابق قیوم آباد جام صادق پل پر ٹریلر کی موٹر سائیکل کو ٹکر سے ایک شخص جاں بحق جبکہ دوسرا زخمی ہوگیا، حادثے کے بعد ڈرائیور فرار ہوگیا، پولیس نے ٹریلر تحویل میں لے کر تھانے منتقل کردیا۔

بلدیہ حب ریور روڈ پر تیز رفتار موٹرسائیکل سلپ ہونے سے دو افراد جاں بحق ہوگئے جبکہ ایک شدید زخمی ہوا، جاں بحق اور زخمی شخص کو سول اسپتال منتقل کیا گیا، حادثہ تیز رفتاری کے باعث پیش آیا۔

ناظم آباد دو نمبر میں ریس لگاتی موٹر سائیکلیں آپس میں ٹکرا گئی، واقعے میں 18 سالہ حنین نامی نوجوان جاں بحق ہوگیا، لاش عباسی شہید اسپتال منتقل کی گئی، پولیس نے واقعے میں ملوث ایک نوجوان کو حراست میں لے لیا، لاش کو ضابطے کی کارروائی کے بعد ورثا کے حوالے کردیا گیا۔
==============================

کراچی، ملیر کے اسکول سے بچی پراسرار طور پر لاپتہ
کراچی میں ملیر یوسف عارفانی گوٹھ کے نجی اسکول سے 8 سالہ بچی پراسرار طور غائب ہوگئی، بچی کے والد کی مدعیت میں شاہ لطیف تھانے میں مقدمہ درج کرلیا گیا.

پولیس کے مطابق بچی گزشتہ روز اپنے بھائی بلال کے ساتھ اسکول گئی، چھٹی کے وقت بھائی بہن کا انتظار کرتا رہا مگر بہن نہیں آئی تو بچہ اسکول سے گھر واپس چلا گیا۔

کراچی، ملیر کے اسکول سے بچی پراسرار طور پر لاپتہ
بچے نے گھر جاکر والد کو بتایا تو انہوں نے اسکول جاکر بچی کو ڈھونڈا لیکن وہ نہیں ملی جس کے بعد بچی کے والد نے شاہ لطیف تھانے میں گمشدگی کی اطلاع دی۔

پولیس کا کہنا ہے کہ بچی کے والد سمیر شاہ کے ساتھ پولیس نے پورے اسکول کی تلاشی لی ہے، بچی کےاسکول کے پرنسپل اور کلاس ٹیچر سے بھی پوچھ گچھ کی ہے۔

پولیس کا بتانا ہئ اسکول میں سی سی ٹی وی کیمرے نہیں ہیں، جبکہ آس پاس لگے کیمروں میں کچھ نہیں ملا، دن کے اوقات میں دوبارہ اسکول اور اطراف میں بچی کو تلاش کرینگے۔

واقعہ کا مقدمہ بچی کے والد سمیر شاہ کی مدعیت میں شاہ لطیف تھانے میں درج کیا گیا ہے۔