نیوٹریشن انٹرنیشنل کے وفد کی وزیراعلی کے معاون خصوصی برائے محکمہ خوراک عبدالجبار خان سے ملاقات

کراچی
مور خہ10 دسمبر 2024

نیوٹریشن انٹرنیشنل کے وفد کی وزیراعلی کے معاون خصوصی برائے محکمہ خوراک عبدالجبار خان سے ملاقات
ملاوٹ شدہ مصالحہ جات ، دودھ، کھانے کے تیل میں ملاوٹ کرنے والوں کے خلاف کارروائیوں کو تیز کیا جائے۔ عبدالجبار خان

کراچی 10 دسمبر۔وزیر ِ اعلیٰ سندھ کے معاون خصوصی برائے محکمہ خوراک عبدالجبار خان سے نیوٹریشن انٹرنیشنل کے وفد نے ملاقات کی ملاقات میں سیکرٹری محکمہ خوراک خالد محمود ڈائریکٹر فوڈ محمد حسین بلوچ ڈپٹی ڈائریکٹر فوڈ سعید اللہ ناریجو جو موجود تھے۔ ملاقات کا مقصد سندھ میں روز مره کے استعمال کی اشیاء میں غذائیت کی کمی کو چیک کرنا ہے جس سے عوام کو فائدہ ہو اور ناقص ایشیاء کے استعمال کو روکا جائے۔ عبدالجبار خان کا کہنا تھا کہ 132 ملز کو نیوٹریشن انٹرنیشنل کے ساتھ مل کر ایڈوانس مشینیں فراہم کی گئی ہیں اور پورے سندھ میں 10 لیب اور ایک کراچی یونیورسٹی میں موجود ہے۔ انہوں نے مزید بتایا کہ نمک کے حوالے سے بھی پاکستان پیپلز پارٹی نے 2013 میں ہیلتھ ڈیپارٹمنٹ کے تعاون سے قانون بنایا تھا جس کے تحت نمک کے پیکٹس میں ائیوڈین شامل کرنے کو لازم قرار دیا تھا نمک کے قانون کو اب فوڈ ڈیپارٹمنٹ اور ہیلتھ ڈیپارٹمنٹ مل کر دیکھتے ہیں۔ عبدالجبار خان کا مزید کہنا تھا کہ عوام کو سہولیات فراہم کرنے کے لیے تمام کوششیں جاری رکھی جائیں گی عوام سے گزارش ہے کھلے اور ملاوٹ شدہ مسالا جات کو نہ خریدے عبدالجبار خان کا کہنا تھا کہ ملاوٹ شدہ مصالحہ جات دودھ کھانے کا تیل میں ملاوٹ کرنے والوں کے خلاف کاروائی کی جائے۔

ہینڈآؤٹ نمبر 906۔
=================================

کراچی
مور خہ10 دسمبر 2024
کراچی 12 دسمبر ۔سندھ حکومت نے آئندہ سال جنوری میں ساحل سمندر پر اسپورٹس بیچ ویو گالا فیسٹول منعقد کرنے کا اعلان کردیا ہے. وزیر کھیل سردار محمد بخش مہر کا کہنا تھا کہ آئندہ سال جنوری میں بیچ گیمز کا بڑا ایونٹ منعقد کیا جائے گا، آج اسٹریٹ چلڈرن ضلعہ جنوبی کے لیے ایونٹ کا انعقاد کیا گیا ہے، جبکہ حکومت سندھ نے کھیلوں کے لیے سالانہ کلینڈر بھی بنایا ہے، 17 سالوں کے بعد کراچی میں نیشنل گیمز منعقد ہونے جارہے ہیں، یہ بیچ ویو گیم صرف ریہرسل ہے، بڑے پیمانے پر جو ہونگی وہ جنوری میں منعقد کی جائیں گی. سردار محمد بخش مہر نے سیکریٹری کھیل عبدالعلیم لاشاری کے ہمراہ محکمہ کھیل سندھ کی جانب سے ساحل سمندر پر منعقد بیچ اسپورٹس گالا ضلعہ جنوبی کے دورہ کے دوران صحافیوں سے گفتگو کرتے ہوئے کہنا تھا کہ سندھ میں کھیلوں کے حوالے سے ٹیلنٹ ڈھونڈنے کا مرحلہ ہے اس کی شروعات ہوچکی ہے، فٹبال کی ٹورنامنٹ ہوچکی ہے اور دیگر کھیلوں کے ایونٹ بھی ہوچکے ہیں، یہ جو مرحلہ ہے اس سے آگے چل کر کے سندھ کے کھیلوں میں بہت بڑی تبدیلی آئے گی، نیشنل اور سندھ گیمز میں نوجوانوں کی بڑی تعداد شامل ہوگی، وہ تمام بہترین کارکردگی کا مظاہرہ کریں گے اور نہ صرف پاکستان بلکہ عالمی سطح پر بھی سندھ نام روشن کریں گے. سردار محمد بخش مہر کا کہنا تھا کہ بچے ہمارے ملک کا مستقبل ہیں، ہر بچے کو کھیلنے اور تفریح کرنے کا حق ہے، سندھ حکومت نوجوانوں کو کھیل کھیلنے کے لیے محفوظ اور مناسب ماحول فراہم کر رہی ہے، کھیلوں میں اچھی کارکردگی دکھانے پر انعامات دے کر نوجوانوں کی حوصلہ افزائی کی جارہی ہے. دوسری جانب ساحل سمندر پر بیچ اسپورٹس گالا میں والی بال، فٹبال، ٹگ آف وار، ریس، بیچ گبڈی سمیت دیگر گیمز کھیلے گئے. صوبائی وزیر کھیل نے بیچ اسپورٹس گالا میں نواجوانوں کے ساتھ والی بال بھی کھیلا، جبکہ بیچ سپورٹس گالا میں نوجوانوں نے بڑی تعداد میں بھرپور شرکت کی.
ہینڈآؤٹ نمبر 907۔۔۔آئی ایس

ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ10 دسمبر 2024
سندھ حکومت کا ایک اور انقلابی قدم – مویشیوں میں پھیلی منہ اور پاؤں کی بیماری کی ویکسین تیار کرنے کے لیے قومی ادارے سے معاہدہ
محکمہ لائیواسٹاک کے ادارے سندھ انسٹیٹیوٹ آف اینیمل ہیلتھ (SIAH) اور نیشنل انسٹی ٹیوٹ آف بایوٹیکنالاجی اینڈ جینیٹکل انجنیئرنگ (NIBGE) فیصل آباد کے درمیاں معاھدے پر دستخط
تکنیکی معاونت اور تحقیق کے بعد ایک سال میں سندھ کا ادارا فوٹ اینڈ ماؤتھ ڈزیز کی ویکسین خود تیار کرے گا
ویکسین سے نہ صرف مویشیوں کو بیماری سے چھٹکارہ مل جائے گا بلکہ ملکی زرمبادلہ بھی بڑھے گا: وزیر محمد علی ملکانی
کراچی 10 دسمبر۔ ملکی مویشی میں پھیلی منہ اور پاؤں کی بیماری Foot and Mouth Disewse (FMD) کے لیے سندھ حکومت کے محکمہ لائیواسٹاک کے ادراے سندھ انسٹیٹیوٹ آف اینیمل ہیلتھ (SIAH) اور نیشنل انسٹیٹیوٹ آف بایوٹیکنالاجی اینڈ جینیٹیکل انجنیئرنگ (NIBGE) فیصل آباد کے درمیاں ایک معاھدے پر دستخط کیے گئے ہیں جس کی رو سے ایف ایم ڈی سے نمٹنے کے لیے نبجی کی تکنیکی معاونت سے سندھ کا ادارہ ایف ایم ڈی خود اپنی ویکسین تیار کرے گا. آج صوبائی وزیر برائے لائیو اسٹاک اینڈ فشریز محمد علی ملکانی کا سندھ انسٹیٹیوٹ فار اینیمل ہیلتھ کا دورہ کیا, سیکریٹری ڈاکٹر کاظم حسین جتوئی, ڈی جی ڈاکٹر نذیر احمد کلہوڑو اور دیگر افسران موجود تھے. انہوں نے اینیمل فارم, لیباریٹری اور ویکسین سینٹر کا جائزہ لیا. فیصل آباد سے آئے نیشنل انسٹی ٹیوٹ آف بایوٹیکنالاجی اینڈ جینیٹکل انجنیئرنگ (نبجی) کے ڈائریکٹر ڈاکٹر مظھر اقبال اور سندھ انسٹی ٹیوٹ آف اینیمل ہیلتھ (SIAH) کے ڈائریکٹر جنرل ڈاکٹر نذیر کلہوڑو نے معاھدے پر دستخط کیے, صوبائی وزیر لائیو اسٹاک اینڈ فشریز محمد علی ملکانی اور سیکریٹری ڈاکٹر کاظم حسین جتوئی بھی موجود تھے. معاہدے کے تحت مویشیوں میں پھیلی ایف ایم ڈی کے لیے نبجی فیصل آباد اپنی تیارکردہ ویکسین کے فارمولے پر مزید ایک سال تحقیق کرے گا اور پھر وہ ٹیکنالاجی سندھ کو ٹرانسفر کرے گا جس کی بنیاد پر سندھ کا ادارہ SIAH اپنی ایف ایم ڈی ویکسین تیار کرے گا.اس موقع پر صوبائی وزیر لائیواسٹاک اینڈ فشریز محمد علی ملکانی نے کہا کہ یہ ایک تاریخی موقعہ ہے کہ ہمارا سندھ کا ادراہ مویشیوں میں منہ اور پاؤں کی بیماری کے لیے اپنی ویکسین تیار کرے گا جس سے نہ صرف مویشیوں کو بیماری سے چھٹکارہ ملے گا بلکہ امپورٹ کی مد میں جانے والا لاکھوں روپے کے زرمبادلہ کی بھی بچت ہوگی. اس موقع پر ڈی جی SIAH ڈاکٹر نذیر کلہوڑو نے بتایا کہ اس وقت ہم ایف ایم ڈی ویکسین امپورٹ کرتے ہیں جوکہ فی ڈوز ہمیں 250 سے 300 روپے ملتا ہے اس معاھدے پر علمدرآمد اور ٹیکنلاجی ٹرانسفر ہوجانے تو ہمیں فی ڈوز 150 روپے سے بھی کم پڑے گا. انہوں نے مزید بتایا کہ اس ویکسین کے بعد نہ صرف مویشی صحتمند ہوجائیں گے بلکہ یورپی ممالک میں ہمارے گوشت کی امپورٹ بھی قابل قبول ہوگی. نیشنل انسٹی ٹیوٹ آف بایوٹیکنالوجی اینڈ جینیٹکل انجنیئرنگ (نبجی) کے ڈائریکٹر ڈاکٹر مظھر اقبال نے بتایا کہ ان کو بہت خوشی ہے کہ آج لائیو اسٹاک کے شعبے میں ایک قومی اور صوبائی اداروں کے مابین معاھدہ ہوا ہے جس کے بیشمار مثبت نتائج نکلیں گے. انہوں نے بتایا کہ سندھ انسٹی ٹیوٹ آف اینیمل ہیلتھ اتنی بڑی تعداد میں ویکسین تیار کرنے والا پاکستان کا واحد اور سب سے بڑا سرکاری ادارہ ہے.
ہینڈآؤٹ 908۔۔۔ایس ایم

ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ10 دسمبر 2024
وزیر توانائی سے چائنیز سرمایہ کاری کی ملاقات، انرجی سیکٹر میں سرمایہ کیلئے دلچسپی کا اظہار
متبادل توانائی اور تھرکول فیلڈ میں منافع بخش سرمایہ کاری کے پرکشش مواقع موجود ہیں، چینی وفد کو وزیر توانائی ناصر شاہ کی بریفنگ
کراچی10 دسمبر ۔ صوبائی وزیر توانائی ترقیات و صوبہ بندی سندھ سید ناصر حسین شاہ سے آج چینی سرمایہ کاروں کے ایک وفد نے انرجی ڈپارٹمنٹ میں ملاقات کی۔ اس مقع پر باہمی دلچسپی کے امور، سرمایہ کاری اور ٹرانسفر آف ٹیکنالوجی کے حوالے سے تفصیلی تبادلہ خیال کیا گیا۔ وزیر توانائی نے اس موقع پر چینی وفد کو انرجی سیکٹر میں سرمایہ کاری کے حوالے سے تفصیلی بریفنگ دیتے ہوئے کہا کہ انرجی سیکٹر میں غیر ملکی اور ملکی سرمایہ کاروں کیلئے پرکشش مواقع موجود ہیں۔ تھرکول فیلڈ ور متبادل توانائی کے سیکٹر میں منافع بخش سرمایہ کاری کی جاسکتی ہے جس کیلئے سرمایہ کاروں کو سندھ حکومت کی جانب سے ہر ممکناً تعاون، ڈاکومینیٹشن میں معاونت اور زمین کے حوالے سے تمام تر سہولیات فراہم کی جائیں گی۔ اس موقع پر چینی وفد کو تھر کول فیلڈ کے حوالے سے بریفنگ دیتے ہوئے بتایا گیا کہ صوبہ سندھ میں 185 بلین ٹن کوئلہ کے ذخائر موجد ہیں۔ تھرکول فیلڈ کراچی سے 395 کلومیٹر کے فاصے پر واقع ہے۔ 9100 کلومیٹر پر محیط ہے۔ 175 بلین ٹن کے ذخائر اس فیلڈ میں موجود ہیں۔ اجلاس کو مزید بتایا کہ تھرکول فیلڈ میں 12 بلاک ایسے ہیں جوکہ ڈویلپ ہیں جن کا رقبہ 1235 اسکوائر کلومیٹر ہے۔ ہر بلاک میں 2 سے 5 ٹن کوئلہ کے ذخائر ہیں۔ ہر بلاک میں 4 سے 5 ہزار میگاواٹ بجلی 30 سال تک پیدا کرنے کی صلاحیتیں موجود ہیں۔ وزیر توانائی سید ناصر حسین شاہ نے اس موقع پر کہا کہ چینی اور پاکستانی حکومتوں اور عوام کے درمیان مضبوط روابط موجود ہیں۔ انھوں نے چینی وفد کو پیشکش کی کہ اگر سولر پینل کے حوالے سے صوبہ سندھ میں مینوفیکچرنگ کی جائے تو سندھ حکومت سرمایہ کاروں کو پوری سپورٹ کرے گی۔ سولر سیکٹر میں بھرپور مواقع موجود ہیں۔ چینی سرمایہ کاروں نے انرجی سیکٹر کی مختلف فیلڈ میں سرمایہ کاری کیلئے دلچسپی کا اظہار کیا۔ چینی وفد میں ونڈ پاور کے وانگ زن (Wang Xin) سولر انرجی کمپنیز کے زو زھنگینگ (Xo Zhingang) سمیت دیگر سرمایہ کار بھی شامل تھے۔ سیکٹری محکمہ توانائی مصدق احمد خان، ایم ڈی تھرلو انرجی بورڈ طارق علی شاہ، ڈی جی کول مائنیز نسیم الغنی سہتو، سی او او سندھ انرجی ہولڈنگ کمپنی طفیل احمد کھوسو و دیگر بھی اس موقعہ پر موجود تھے۔
ہینڈآؤٹ نمبر 909۔۔۔ایم ایس ایس
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ10 دسمبر 2024
پریس ریلیز
“سندھ انسانی وقار، مساوات، اور انصاف کے عالمی اصولوں کو برقرار رکھنے کے لیے پرعزم ہے، اور پاکستان میں انسانی حقوق کی وکالت کے لیے ایک معیار قائم کر رہا ہے : راجویر سنگھ سوڈھا
کراچی، 10 دسمبر 2024: “سندھ انسانی وقار، مساوات، اور انصاف کے عالمی اصولوں کو برقرار رکھنے کے لیے پرعزم ہے، اور پاکستان میں انسانی حقوق کی وکالت کے لیے ایک معیار قائم کر رہا ہے،” یہ بات معزز راجویر سنگھ سوڈھا، خصوصی معاون برائے وزیر اعلیٰ سندھ برائے انسانی حقوق، نے عالمی یوم انسانی حقوق کی تقریب سے خطاب کرتے ہوئے کہی۔ یہ تقریب محکمہ انسانی حقوق، حکومت سندھ کے زیر اہتمام کراچی میں منعقد کی گئی، جس کا موضوع تھا: “ہمارے حقوق، ہمارا مستقبل، ابھی۔”

اپنے خطاب میں راجویر سنگھ سوڈھا نے چیئرمین بلاول بھٹو زرداری اور وزیر اعلیٰ سندھ کے انسانی حقوق کے تحفظ کے لیے اصلاحات اور پالیسیوں کے نفاذ میں کلیدی کردار کو اجاگر کیا۔ انہوں نے کہا کہ چیئرمین بلاول بھٹو زرداری کی دور اندیش قیادت نے سندھ کو انسانی حقوق کی وکالت میں رہنما کے طور پر پیش کیا ہے، جیسا کہ سندھ ہیومن رائٹس پالیسی (2023-2027) جیسے اقدامات سے ظاہر ہوتا ہے۔ انہوں نے سندھ ہیومن رائٹس کمیشن (SHRC) اور ٹول فری ہیلپ لائن برائے انسانی حقوق جیسے اداروں کی اہمیت پر بھی زور دیا، جو تمام شہریوں کے لیے انصاف اور مساوات کو یقینی بنانے کے لیے اہم ہیں۔

وزیر اعلیٰ سندھ کی خدمات کو سراہتے ہوئے انہوں نے کہا کہ سندھ چائلڈ میرج ریسٹرینٹ ایکٹ، 2013 اور سندھ ڈومیسٹک وائلنس (پریوینشن اینڈ پروٹیکشن) ایکٹ، 2013 جیسے ترقی پسند قوانین کا نفاذ ایک ایسی حکومتی ماڈل کی عکاسی کرتا ہے جو انسانی وقار اور شمولیت کے اصولوں پر مبنی ہے۔ انہوں نے مزید کہا کہ یہ قوانین معاشرے کے سب سے کمزور طبقات کے تحفظ میں اہم کردار ادا کرتے ہیں۔

خصوصی معاون نے غزہ اور مقبوضہ کشمیر میں جاری انسانی حقوق کی خلاف ورزیوں کی سخت الفاظ میں مذمت کرتے ہوئے ان مظالم کو فوری ختم کرنے کا مطالبہ کیا۔ انہوں نے کہا:
“سندھ غزہ اور مقبوضہ کشمیر کے مظلوم عوام کے ساتھ یکجہتی کا اظہار کرتا ہے۔ ان کے بنیادی حقوق کی منظم خلاف ورزیاں عالمی توجہ اور کارروائی کی متقاضی ہیں۔ آج کے دن، ہم انصاف اور عالمی امن کے لیے اپنی جدوجہد کا دوبارہ عزم کرتے ہیں۔”

انہوں نے انسانی حقوق کے اداروں کو مضبوط کرنے، عوامی شعور کو بیدار کرنے، اور تمام شعبوں میں احتساب کو یقینی بنانے کے لیے اجتماعی کوششوں پر زور دیا۔ تعاون کی اہمیت کو اجاگر کرتے ہوئے، انہوں نے سول سوسائٹی، میڈیا، اور بین الاقوامی تنظیموں پر زور دیا کہ وہ انسانی حقوق کے فروغ میں اپنا کردار ادا کریں۔

اپنے اختتامی کلمات میں، راجویر سنگھ سوڈھا نے کہا:
“ہمارا خواب ہے کہ سندھ کو ایک مثالی صوبے میں تبدیل کریں، جہاں انسانی حقوق کے اصولوں کو نہ صرف برقرار رکھا جائے بلکہ ان پر عمل بھی کیا جائے۔ ہماری قیادت کی رہنمائی میں، ہم ایک ایسے مستقبل کے لیے کام کرتے رہیں گے جہاں ہر شہری وقار، مساوات، اور انصاف کے ساتھ زندگی گزار سکے۔”

ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ10 دسمبر 2024
کراچی 10 دسمبر۔ شیرازی خاندان کے سربراہ مشہور و معروف سیاسی شخصیت سابق صوبائی وزیر الحاج سید اعجاز علی شاہ شیرازی کی چوتھی برسی کی تقریب شیرازی ہاؤس ٹھٹھہ میں شاندار طریقے سے منائی گئی۔ اس موقع پر صوبائی وزیر سید ریاض علی شاہ شیرازی نے خطاب کرتے ہوئے کہا کہ میں تمام شرکاء کا مشکور ہوں کہ اتنی بڑی تعداد میں میرے والد کی برسی میں شرکت کرکے ہمیں عزت بخشی۔ انہوں نے کہا کہ میرے والد سید اعجاز علی شاہ شیرازی نے ہمیشہ بلا تفریق سچی نیت سے عوام کی خدمت کی، ہم بھی اپنے والد کے مشن پر چلتے ہوئے عوام کی خدمت کر رہے ہیں، ہمارا جینا مرنا عوام کے ساتھ ہے۔ تقریب سے سابق ضلع ناظم سید شفقت حسین شاہ شیرازی اور ایم این اے سید ایاز علی شاہ شیرازی نے کہا کہ آج یہاں جتنے لوگ جمع ہوئے ہیں اس سے ظاہر ہوتا ہے کہ ٹھٹھہ اور سجاول کے لوگ آج بھی سید اعجاز علی شاہ شیرازی سے اتنا ہی پیار کرتے ہیں، ہمارے بزرگوں کا مشن عوام کی خدمت ہے، جب تک زندگی ہے ہم عوام کی خدمت کرتے رہیں گے، محبت کا یہ سلسلہ زندگی بھر جاری رہے گا۔ ان کا کہنا تھا کہ اللہ کا بڑا احسان ہے جس نے آپ کے دلوں میں ہمارے لیے اتنی عزت اور مقام رکھا، ہمارا خاندان عوام کی خدمت کرتا رہے گا۔ تقریب سے صوبائی وزیر سعید غنی، صوبائی مشیر سید نجمی عالم، محمد عثمان ہنگورو اور سرفراز راجڑ، پیپلز پارٹی سندھ کے صدر نثار احمد کھڑو، ایم این اے صادق علی میمن، پیپلز پارٹی کے رہنما غلام قادر پلیجو اور دیگر نے خطاب کرتے ہوئے کہا کہ شیرازی خاندان کے ہر فرد کو ہم خراج تحسین پیش کرتے ہیں جو سید اعجاز علی شاہ شیرازی کی مسلسل چوتھی برسی منا رہے ہیں اور وہ ہمیشہ انہیں یاد کرنے کے لیے اتنا بڑا اہتمام کرتے ہیں۔ ان کا کہنا تھا کہ سید اعجاز علی شاہ شیرازی سب کے دلوں میں بیٹھے ہیں، اسی لیے اتنے لوگ شامل ہیں۔ انہوں نے کہا کہ انسان اس طرح زندہ رہے تاکہ جانے کے بعد بھی اسے لوگ یاد رکھیں۔ انہوں نے کہا کہ سید اعجاز علی شاہ شیرازی ایک مشہور اور باوقار عوامی خدمت گار تھے، جنہوں نے ہمیشہ اپنے عوام کے مسائل کے حل کے لیے جدوجہد کی، وہ ایک انسان دوست شخصیت کے مالک تھے۔ انہوں نے کہا عوام کا سمندر دیکھ کر محسوس ہوا کہ سید اعجاز علی شاہ شیرازی آج بھی عوام کے دلوں میں دھڑک رہے ہیں۔ انہوں نے کہا کہ سید اعجاز علی شاہ شیرازی کی ٹھٹھہ اور سجاول کے عوام کے لیے خدمات قابل تحسین ہیں اور ان کی خدمات کو ہمیشہ یاد رکھا جائے گا جو ناقابل فراموش ہیں۔ تقریب میں ایم پی اے سید شاہ حسین شاہ شیرازی، پیپلز پارٹی کے رہنما عاشق حسین زرداری، امتیاز قریشی، سید محمود عالم شاہ، عبدالحمید پنہور، عبدالحمید سومرو، جام احسان جوکیو اور شیرازی خاندان کے علاوہ ٹھٹھہ اور سجاول اضلاع کے سیاسی و سماجی رہنمائوں، معززین، صحافیوں اور عوام نے بڑی تعداد میں شرکت کی۔ قبل ازیں سید اعجاز علی شاہ شیرازی مرحوم کے ایصال ثواب کے لیے قرآن خوانی کی گئی اور بعد ازاں لنگر خیرات کا اہتمام بھی کیا گیا۔
ہینڈآؤٹ نمبر 910۔۔۔