منتخب بلدیاتی نمائندوں کی جانب سے نیو کراچی ٹاؤن میں بلدیاتی سہولیات کی فراہمی کا سلسلہ جاری۔

پریس ریلیز
چیئرمین نیو کراچی ٹاؤن محمد یوسف کا وائس چیئرمین شعیب بن ظہیر کے ہمراہی یونین کمیٹی نمبر 05 سیکٹر 5-J کا دورہ۔
پینے کے پانی کی بلا تعطل فراہمی کے لئے 12 سو فٹ لمبی واٹر لائن کی تنصیب کے کام کا جائزہ۔
عوام کے مسائل کو حل کرنے اور بنیادی سہولیات کو پورا کرنے کے لئے میدان عمل میں موجود ہیں۔چیئرمین نیو کراچی ٹاؤن محمد یوسف
مورخہ:10 / دسمبر 2024 ؁ء
کراچی ( )منتخب بلدیاتی نمائندوں کی جانب سے نیو کراچی ٹاؤن میں بلدیاتی سہولیات کی فراہمی کا سلسلہ جاری۔چیئرمین نیو کراچی ٹاؤن محمد یوسف کا وائس چیئرمین شعیب بن ظہیر کے ہمراہ سیکٹر 5-J کا دورہ۔عوام کے مطالبے پرپینے کے پانی کی 12 سو فٹ لمبی نئی لائن کی تنصیب کے کام کا جائزہ۔اس موقع پر یوسی چیئرمین،وائس چیئرمین،یوسی کونسلرو اراکین یونین کمیٹی،علاقہ معززین،ٹاؤن افسران بھی موجود تھے۔اس موقع پر چیئرمین نیوکراچی ٹاون محمد یوسف نے کہاکہ عوامی سہولیات کی فراہمی کے لئے جماعت اسلامی کے منتخب نمائندوں کی خدمات جاری رہیں گی،عوام کا جماعت اسلامی کے نمائندوں پر اعتماد ہی ہماری سب سے بڑی جیت ہے اس حوالے سے منتخب نمائندے بھی عوام کے درمیان رہتے ہوئے اُن کے مسائل دیکھ رہے ہیں اور خدمت کے جذبے کے ساتھ ان مسائل کو مرحلہ وار حل کررہے ہیں ہم اگر وعدہ کرتے ہیں تو اُس کو پورا کرنے کے لئے اقدامات بھی کرتے ہیں اور الحمد اللہ آج تک جو بھی ہم نے اپنی عوام سے وعدے کئے ہیں اللہ کی مدد سے اُن وعدوں کو پورا کررہے ہیں اور نیو کراچی میں مسائل با تجریدکم ہو رہے ہیں۔ہم نے ابتداء میں ہی اپنی انتخابی مہم کے دوران یہ بات کہی تھی کہ جماعت اسلامی کے نمائندے اپنے اختیار سے بڑھ کر کام کریں گے،واٹر اینڈ سیوریج بورڈ ہمارے ماتحت نہیں ہے لیکن یہ عوام کا مسئلہ ہے اور سیکٹر 5-J کے سیکڑوں گھروں میں پینے کے پانی کی فراہمی عرصہ10 سا ل سے متاثر تھی اور عوام مہنگائی کے دور میں اپنی بنیادی ضرورت کوپورا کرنے کے لئے مجبوراً ٹینکر مافیا سے پانی خرید رہے تھے ہم عوامی نمائندے ہیں اور عوام کی پریشانی کو محسوس کرتے ہوئے ٹاؤن اور یوسی کے فنڈ سے پانی کی لائن ڈالنے کا بیڑا اُٹھایا آج الحمداللہ پینے کی نئی لائن کی تنصیب کا کام کیا جارہا ہے۔اس لائن سے انشاء اللہ سیکٹر 5-J کے 400 گھروں میں پانی کی بلا تعطل فراہمی یقینی ہوجائے گی۔ عوام پریشان ہیں اس لئے جہاں جہاں ممکن ہے جماعت اسلامی کے منتخب نمائندے خدمت کے جذبے کے ساتھ اپنے اختیارات سے بڑھ کر کام کررہے ہیں۔میں عوام سے یہی کہوں گا کہ جماعت اسلامی کے نمائندوں کے ساتھ شانہ بشانہ کھڑے ہوں ہم مل کر انشاء اللہ اپنے شہر،ٹاؤن،یوسی اور علاقوں کو خوبصورت بنانے اور مسائل سے پاک کرنے کی کوشش کررہے ہیں۔

جاری کردہ :۔
عقیل اختر
پبلک ریلیشن آفیسر
نیو کراچی ٹاؤن