پنجاب میں بھی سندھ کے سیلاب متاثرین کے لیے بنائے جانے والے 21 لاکھ مکانات کی دھوم ، اٹھ لاکھ مکانات کی تعمیر سے عالمی ریکارڈ قائم ، مجموعی طور پر ڈیڑھ کروڑ لوگوں کے لیے مکانات کی تعمیر تعظیم منصوبہ ۔ اتنے لوگ ایک جگہ جمع کیے جائیں تو 154 ملکوں سے بڑا ملک بن جاتا ہے ۔ سندھ کے وزیر اعلی سید مراد علی شاہ کی گورنر پنجاب کے ہمراہ میڈیا سے بات چیت اور سوال جواب ۔ تفصیلات کے مطابق سندھ کے وزیر اعلی سید مراد علی شاہ نے گورنر پنجاب کے ہمراہ میڈیا کو بریفنگ دیتے ہوئے اور بعد میں سوالوں کا جواب دیتے ہوئے بتایا کہ سندھ کا سب سے بڑا عظیم الشان منصوبہ 21 لاکھ مکانات کی تعمیر ہے جو سیلاب سے متاثرہ افراد کے لیے تعمیر کیے جا رہے ہیں یہ چیئرمین پاکستان پیپلز پارٹی بلاول بھٹو زرداری کے ویژن کا نتیجہ ہے اور ان کی ہدایت پر سیلاب متاثرین کے لیے 21 لاکھ مکانات کی تعمیر کا منصوبہ شروع کیا گیا یہ دنیا کا سب سے بڑا ایسا منصوبہ ہے ماضی میں کشمیر کا زلزلہ ہو یا نیپال کا زلزلہ وہاں 7 لاکھ 70 ہزار سے کم مکانات تعمیر کیے گئے تھے
اس طرح سندھ میں اٹھ لاکھ مکانات کی تعمیر کے ساتھ ہی نیا ورلڈ ریکارڈ قائم ہو رہا ہے یہ سب مکانات تعمیر کے مرحلے میں ہیں تین لاکھ سے زیادہ مکانات کی تعمیر مکمل ہو چکی ہے مجموعی طور پر 21 لاکھ مکانات بنائے جا رہے ہیں جو ڈیڑھ کروڑ سے زیادہ متاثرہ افراد کے لیے ہیں یہ اتنی بڑی تعداد ہے کہ اگر یہ سب لوگ ایک جگہ جمع کر دیے جائیں تو دنیا کے 154 ملکوں سے بڑا ملک بن سکتا ہے سندھ میں یہ بہت بڑا کام ہو رہا ہے اور اس کی ٹرانسپیرنسی بھی آپ کے سامنے ہے اور اس کا سارا ڈیٹا بھی موجود ہے وزیراعلی سندھ سید مراد علی شاہ نے مختلف سوالات کے انتہائی تحمل سے جوابات دیتے ہوئے بتایا کہ سندھ میں اگر کوئی حادثے میں ہلاکت ہوتی ہے تو ہر ایکسیڈنٹل ڈیتھ پر ایک لاکھ روپے کی انشورنس کی مد میں رقم ملتی ہے ۔ سندھ اس وقت پاکستان میں سب سے زیادہ سستی بجلی بنانے والا کوئلہ فراہم کر رہا ہے تھرکول کے منصوبے پاکستان کی قسمت بدل رہے ہیں ۔ پاکستان پیپلز پارٹی نے ہمیشہ ملک اور قوم کی خدمت کی ہے
=============================
