جاپان میں پولیس نے ایک شخص کو مشغلے کے طور پر دوسروں کی پراپرٹی (جائیداد) میں بے جا مداخلت پر گرفتار کرلیا۔
مذکورہ بالا شخص نے حال ہی میں اعتراف کیا کہ وہ ایک ہزار سے زیادہ بار مشغلے کے طور پر دوسروں کی جائیدادوں میں دخل در معقولات کا مرتکب ہوا ہے، اسکے مطابق ایسا کرنا اسے سنسنی خیز اور پرجوش لگا۔
اس حوالے سے بتایا جاتا ہے کہ فوکوکا پرفیکچرل پولیس نے چند ہفتے قبل 37 سالہ شخص کو ڈیزافو شہر میں ایک جوڑے کی جائیداد میں بے جا مداخلت پر گرفتار کیا۔
تاہم پولیس کو یہ نہیں پتہ تھا کہ یہ واقعہ پہلا نہیں بلکہ یہ شخص اس جرم کا متعدد بار ارتکاب کرچکا ہے اور ایسا یہ اپنی تفریح اور ایڈونچر کےلیے کرتا ہے۔ اسکا کہنا تھا کہ اس سے ذہنی دباؤ بھی کم ہوتا ہے۔
پولیس کی تفتیش کے دوران یوٹا سوگاوارا نامی یہ شخص جو کہ ایک مقامی کمپنی کا ملازم ہے، کا کہنا تھا کہ یہ اس کا مشغلہ تھا اور اس نے ایک ہزار سے زیادہ مرتبہ دوسروں کی جائیدادوں میں داخل ہوا۔
یوٹا سوگاوارا کو اس کی تازہ ترین مداخلت بے جا پر متاثرین نے پکڑا اور اسکے بھاگنے پر پولیس کو بلایا جس نے اسے حراست میں لے لیا۔ پولیس فی الحال اس علاقے میں ہونے والے دیگر جرائم سے اسکے تعلق کا تعین کر رہی ہے۔
