کراچی
مور خہ08 دسمبر 2024
محکمہ معذور افراد بشمول نابینا کی بہبود کے لیے کوششیں کررہا ہے، DEPD
بصارت سے محروم افراد کو ملازمتوں کے لیے قانونی طریقہ کار پر عمل کیا جارہا ہے، سیکرٹری ڈپارٹمنٹ طحہ فاروقی
کراچی08 دسمبر۔کراچی پریس کلب کے باہر نابینا افراد کے احتجاج کے تناظر میں سیکریٹری ڈپارٹمنٹ آف ایمپاورمنٹ آف پرسنز ود ڈس ایبلٹیز حکومت سندھ طحہ فاروقی نے محکمہ کا موقف جاری کرتے ہوئے کہا ہے کہ بلائنڈ ایکشن کمیٹی جو نابینا برادری کے ایک حصے کی نمائندگی کرتی ہے نے حال ہی میں محکمہ کے عہدیداروں کے ساتھ دو ملاقاتیں کیں۔ ان ملاقاتوں کے دوران کمیٹی نے نابینا افراد کے لیے ان کی فراہم کردہ فہرست کے مطابق 500 مستقل سرکاری ملازمتوں کی فراہمی کا مطالبہ اٹھایا بلائنڈ ایکشن کمیٹی کے نمائندوں کو محکمہ کے افسران کی جانب سے یہ بھی بتایا گیا کہ محکمہ سے معذور افراد کے دیگر نمائندہ اداروں سے بھی ملازمتوں کے لیے رابطہ کیا جا رہا ہے اور ان کے مطالبات کو بھی ڈسٹرکٹ ریکروٹمنٹ کمیٹی کے ذریعے قانون کے مطابق غور کرنے کی ضرورت ہے۔تاہم، بلائنڈ ایکشن کمیٹی کے نمائندے 500 افراد جن کی فہرست اپنی طرف سے فراہم کرنے والوں کو ملازمتیں فراہم کرنے کے اپنے مطالبے پر قائم تھے، مطالبات نہ ماننے کے صورت میں انہیں نے کراچی پریس کلب کے سامنے دھرنا اور وزیر اعلیٰ ہاؤس کی طرف مارچ کرنے کے دھمکی دی۔محکمہ کے سیکرٹری نے مزید کہا کہ بلائنڈ ایکشن کمیٹی کے نمائندوں کو دوسری بار آگاه کیا گیا کہ قانونی تقاضوں اور معزز عدالت کی ہدایت کے مطابق گریڈ 1 سے 4 تک کی نوکریاں متعلقہ ڈسٹرکٹ ریکروٹمنٹ کمیٹی کے ذریعے فراہم کی جانی ہیں اور انہیں چاہیے کہ وہ اپنی درخواستیں ڈسٹرکٹ ریکروٹمنٹ کمیٹی کو جمع کروائیں۔ حکومت سندھ نے گزشتہ سال 156 نابینا افراد کو عارضی بنیادوں پر ملازمتیں فراہم کیں اور انہیں مستقل ملازمتوں کے لیے متعلقہ ڈسٹرکٹ ریکروٹمنٹ کمیٹی کو درخواست دینے کا مشورہ دیا۔ جب کہ نابینا اور دیگر معذور افراد کی ایک بڑی تعداد کو ڈسٹرکٹ ریکروٹمنٹ کمیٹی کے ذریعے باقاعدہ ملازمتیں فراہم کی بھی گئی ہیں۔ انہوں نے مزید کہا کہ اس کے علاوہ نابینا افراد کی زیادہ سے زیادہ بہبود کے لیے حکومت سندھ ڈپارٹمنٹ آف ایمپاورمنٹ آف پرسنز ود ڈس ایبلٹیز کے ذریعے نابینا افراد کے لیے کام کرنے والی غیر سرکاری تنظیموں کو امداد فراہم کر رہی ہے۔ صوبے میں اس کے علاوہ نابینا افراد کو مفت بریل کورسز کی خدمات بھی فراہم کی جاتی ہیں۔ان کا مزید کہنا تھا کہ معذور کوٹہ کی تعریف معذوری کے مختلف زمروں کا احاطہ کرتی ہے اور یہ صرف نابینا افراد تک محدود نہیں ہے۔ تاہم، نابینا افراد ملازمت کے کوٹے کی ملازمت کے برابر کے مستحق ہیں۔ان کے مطالبے کو پورا کرنے کے لیے، بلائنڈ ایکشن کمیٹی کے میمبراں کو بتایا جاتا ہے کہ وہ قانونی طریقہ کار کو اپنائے اور متعلقہ ڈسٹرکٹ ریکروٹمنٹ کمیٹی کو ملازمتوں کے لیے اپنی درخواستیں جمع کرائیں۔تاہم حکومت سندھ نابینا افراد سمیت معذور افراد کی بہبود کے لیے کوششیں جاری رکھے گی اور ان کے جائز مطالبات کو پورا کرنے کے لیے ہر ممکن کوشش کرے گی
ہینڈ آءوٹ نمبر 893۔۔۔
