صدر مسلم لیگ ن و سابق وزیرِ اعظم نواز شریف اپنے پوتے حافظ زید حسین نواز کے سر پر سہرا سجانے کو تیار ہیں۔
مختلف سوشل میڈیا پلیٹ فارمز پر گردش کرنے والی خبروں کے مطابق حسین نواز کے صاحبزادے حافظ زید حسین نواز رواں ماہ کے اختتام تک رشتۂ ازدواج میں منسلک ہو جائیں گے، جس کی تیاریاں شروع ہو گئی ہیں۔
ان کی دلہن کون ہیں، اس حوالے سے فی الحال کوئی خبر سامنے نہیں آئی ہے ، البتہ گردشی خبروں کے مطابق ان کی شادی کے سلسلے میں منعقد ہونے والی مختلف تقریبات کا آغاز مہندی و ڈھولک کی تقریب سے 24 دسمبر کو ہو گا۔
دُلہن کون ہے؟ بیٹے کی شادی پر مریم نواز کو دیکھ کر صارفین کنفیوز
میڈیا رپورٹس کے مطابق حسین نواز کے صاحبزادے حافظ زید حسین نواز کی شادی کی مختلف تقریبات میں شریف فیملی، عزیز و اقارب اور ملکی و غیر ملکی مہمانوں کو مدعو کیا جائے گا۔
خیال رہے کہ حافظ زید حسین نواز 2019ء میں اس وقت توجہ کا مرکز بنے تھے جب انہوں نے اپنی ختم القرآن کی تقریب کی تلاوتِ کلام پاک کی خوبصورت ویڈیو سوشل میڈیا پر شیئر کی تھی۔
=============================
نواز شریف! آپ سے گستاخیوں، الزام تراشی پر معافی مانگتا ہوں: جاوید بدر
تحریکِ انصاف کے سابق رہنما جاوید بدر نے مسلم لیگ ن کے صدر نواز شریف سے معافی مانگ لی۔
جاوید بدر نے نواز شریف کے نام کھلا خط لکھا ہے جس میں انہوں نے کہا ہے کہ میں آپ سے اپنی گستاخیوں، الزام تراشی اور جھوٹا پروپیگنڈا کرنے پر معافی مانگتا ہوں۔
جاوید بدر نے کہا ہے کہ امید ہے کہ آپ میری غلطیوں کو ماضی کے دور کی جہالت اور نادانی سمجھ کر معاف کر دیں گے، یہ خط کسی دباؤ اور لالچ کے بغیر صرف آخرت کے ڈر اور ضمیر کی آواز پر لکھا ہے۔
یہ بھی پڑھیے
مروت صاحب! آپکی پارٹی حکومت میں تھی تو وہ بھی یہ دھندے کر رہی تھی: جج کے ریمارکس
بانیٔ پی ٹی آئی پر درج مقدمات کی تعداد 188 ہو گئی
جہانگیر ترین اور علیم خان نے پیسہ ڈبل کر لیا: جاوید بدر
انہوں نے کہا کہ 10 سال سے زائد عرصہ بانیٔ پی ٹی آئی کے ساتھ مل کر قوم کے بچوں کی غلط سیاسی تربیت کی، ان بچوں کے والدین اور پوری قوم سے بھی معافی مانگتا ہوں۔
جاوید بدر نے کہا ہے کہ نواز شریف پر جھوٹے کیس بنوائے گئے اور جیل میں رکھا گیا، اللّٰہ تعالیٰ کا انصاف بر حق ہے، آپ کو دوبارہ عزت و مقام ملا، ہم نے سیاست میں زہر گھولا اور نوجوانوں کے ذہنوں میں انتشار بھرا جس کا خمیازہ کئی سال تک بھگتنا پڑے گا۔
جاوید بدر نے کہا کہ بانیٔ پی ٹی آئی کو تب چھوڑا جب بزدار کو وزیرِ اعلیٰ اور بشریٰ بی بی کو کرپشن کی کھلی اجازت دی گئی، پی ٹی آئی حکومت نے خزانہ خالی کیا، انٹرنیشنل تعلقات خراب کیے اور فوج کے خلاف شر انگیزی کی۔
انہوں نے یہ بھی کہا ہے کہ پاکستان میں استحکام پیدا کرنے پر آپ کو اور آپ کی تمام ٹیم کو خراجِ تحسین پیش کرتا ہوں، زندگی میں آپ سے کبھی ملاقات ہوئی تو آپ کے سامنے اپنی غلطیوں کا اعتراف کروں گا۔
