کراچی(اسٹاف رپورٹر)گلستان جوہر میں رہائشی فلیٹ سے ہندو سول انجینئر کی گلا کٹی لاش ملی، پولیس نے قتل کے شبہ میں مقتول کی اہلیہ کو شامل تفتیش کر لیا۔تفصیلات کے مطابق شاہراہ فیصل تھانہ کی حدود گلستان جوہر بلاک 19 امام بارگاہ والی گلی میں لاکھانی اپارٹمنٹ سے متصل رہائشی اپارٹمنٹ کے فلیٹ میں تیز دھار آلے کے وار سے ایک شخص جاں بحق ہوگیا۔جس کی لاش پولیس نے اسپتال پہنچائی جہاں مقتول کی شناخت 35 سالہ راہول کمار ولد راج کمار کے نام سے کی گئی ، مقتول سول انجینئر تھا اور کنٹریکٹ پر کام کرتا تھا ، آبائی تعلق اندرون سندھ شکار پور سے تھا۔پولیس کے مطابق مقتول راہول کمار کو نامعلوم ملزمان نے گلا کاٹ کربے دردی سے قتل کیا۔ مقتول کی اہلیہ نے واردات کے تین سے چار گھنٹے بعد پولیس کو اطلاع دی۔اہلیہ نے اپنے بیان میں بتایا کہ کوئی شخص ان کے گھر میں داخل ہوا جو ماسک لگایا ہوا تھا اس نے چھری سے راہول کا گلا کاٹ دیا۔
شیخوپورہ: خالہ زاد بھائی کا قتل، انگوٹھا کاٹ کر اے ٹی ایم سے رقم نکلوا لی گئی
شیخوپورہ میں ملزم نے ساتھیوں کی مدد سے خالہ زاد بھائی کو قتل کر دیا۔
پولیس کے مطابق ملزمان نے مقتول کا انگوٹھا کاٹ کر اے ٹی ایم سے رقم بھی نکلوا لی۔
اوکاڑہ: اے ٹی ایم ہیک کر کے 34 لاکھ روپے لوٹ لیے گئے
پولیس کا کہنا ہے کہ مشکوک گاڑی کی تلاشی لینے پر بوری بند نوجوان کی لاش ملی۔
ملزمان مقتول یاسین کی لاش ڈگی میں رکھ کر نہر میں پھینکنے جا رہے تھے کہ پولیس نے انہیں پکڑ لیا۔
پولیس اس کیس سے متعلق مزید تحقیقات بھی کر رہی ہے۔
—————————————
file-photo
ٹنڈو جام: شادی کی تقریب میں فائرنگ سے فنکارہ کی ہلاکت، ملزم دُلہا گرفتار
ٹنڈو جام میں شادی کی تقریب کے دوران فائرنگ سے فنکارہ مہندی کی ہلاکت کے مقدمے کے نامزد ملزم دُلہا جمال سپیو کو گرفتار کرلیا گیا۔
پولیس کے مطابق ٹنڈو جام کے گوٹھ نصیر خان سپیو میں شادی کی تقریب میں فائرنگ کے دوران 22 سالہ مہندی گولی لگنے سے شدید زخمی ہوگئی تھی۔
خاتون 29 نومبر کو دورانِ علاج سول اسپتال حیدرآباد میں دم توڑ گئی تھی جس کے بعد پولیس نے دُلہا جمال پسیو اور ان کے بھائی جلال ظفر سمیت دیگر کے خلاف قتل کا مقدمہ درج کر کے کارروائی شروع کردی تھی۔
ٹنڈوجام: شادی کی تقریب میں ہوائی فائرنگ، رقاصہ جاں بحق
ایس ایچ او ٹنڈو جام کے مطابق واقعے کا مقدمہ مقتولہ کے والد کی مدعیت میں درج کیا گیا تھا۔
ایف آئی آر کے متن میں کہا گیا تھا کہ شادی کی تقریب میں مقتولہ مہندی، اس کی چچی و دیگر کو پرفارمنس کے لیے بلایا گیا تھا، تقریب میں دُلہا اور اس کے بھائیوں نے ہوائی فائرنگ کی جس پر مقتولہ اور اس کی چچی نے پرفارم کرنے سے انکار کیا تو زبردستی پروگرام شروع کروایا گیا۔
ایف آئی آر میں کہا گیا ہے کہ اس دوران ملزم نے فائرنگ کی جس سے دُلہا کا بھائی جلال اور مہندی زخمی ہوگئے، زخمی مہندی کو سول اسپتال لایا گیا جہاں وہ جمعے کی صبح دم توڑ گئی تھی۔
==========================
بالاکوٹ: 4 ماہ قبل 12 سالہ بچی سے زیادتی کا ملزم گرفتار
بالاکوٹ میں 4 ماہ قبل 12 سال کی بچی سے زیادتی کرنے والے ملزم کو گرفتار کر لیا گیا۔
ایس پی بالاکوٹ ریشم جہانگیر کے مطابق پارس کے علاقے میں متاثرہ بچی جنگل میں بکریاں چرانے گئی ہوئی تھی، جہاں ملزم نے خاتون کی مدد سے 12 سال کی بچی کو زیادتی کا نشانہ بنایا۔
ایس پی کے مطابق متاثرہ بچی کو ملزمان نے چپ رہنے کی دھمکی دی تھی۔
سانگھڑ: 13 سالہ لڑکی کی بلیک میل کرنے پر مبینہ خودکشی
زیادتی کی ویڈیو وائرل ہونے پر چچا کی مدعیت میں تھانہ پارس میں مقدمہ درج کیا گیا تھا۔
واقعے کے 4 ماہ بعد ملزم کو گرفتار کر لیا گیا ہے جبکہ شریکِ جرم خاتون نے عدالت سے ضمانت قبل از گرفتاری کرا لی ہے
