وزیرِ اعظم ریاض میں منعقدہ ون واٹر سربراہی اجلاس میں شرکت کیلئے پہنچ گئے ہیں.

ریاض: 3 دسمبر،2024.

وزیرِ اعظم محمد شہباز شریف کا دورہءِ ریاض، سعودی عرب

وزیرِ اعظم ریاض میں منعقدہ ون واٹر سربراہی اجلاس میں شرکت کیلئے پہنچ گئے ہیں.

وزیرِ اعظم ون واٹر سربراہی اجلاس سے خطاب بھی کریں گے. پاکستان ٹیلی ویژن وزیرِ اعظم کا خطاب نشر کرے گا.

وزیرِ اعظم محمد شہباز شریف کا دورہءِ سعودی عرب
وزیرِ اعظم محمد شہباز شریف 2 روزہ دورے پر سعودی عرب کیلئے اسلام آباد سے روانہ.

وفاقی وزیر اطلاعات و نشریات عطاء اللہ تارڑ اور وزیرِاعظم کے معاون خصوصی طارق فاطمی بھی وزیرِاعظم کے ہمراہ.

وزیرِاعظم محمد شہباز شریف صاف پانی و آبی ذخائر کے تحفظ کے حوالے سے ریاض میں منعقدہ ون-واٹر سربراہی اجلاس (One Water Summit) میں شرکت اور پاکستان کی نمائندگی کریں گے.

سعودی عرب، فرانس، قزاقستان اور عالمی بینک کے اشترک سے منعقدہ ون-واٹر سربراہی اجلاس کا مقصد عالمی سطح پر بین الاقوامی تعاون اور اعلی سطح سیاسی عزم کے ذریعے آبی ذخائر کے بہتر انتظام و تحفظ کا حصول یقینی بنانا ہے.

وزیرِ اعظم سربراہی اجلاس کے دوران صاف پانی کے ذخائر کی بحالی، تحفظ اور اس حوالے سے جدت پر خطاب کریں گے. وزیرِ اعظم پاکستان کی جانب سے آبی ذخائر کے تحفظ، ماحولیاتی تبدیلی سے بچاؤ کی تیاری، پینے کے پانی کے معیار کی بہتری، روزگار کی فراہمی اور آبی حیات کے تحفظ کیلئے اٹھائے گئے اقدامات پر روشنی ڈالیں گے.

وزیرِ اعظم ماحولیاتی تبدیلی کی وجہ سے آئے سیلابوں، موسموں میں بے وقت تبدیلی اور بڑھتے ہوئے درجہ حرارت کے آبی زخائر و آبی حیات پر اثرات پر قابو پانے کیلئے بین الاقوامی تعاون کی اہمیت پر روشنی ڈالیں گے. وزیرِ اعظم عالمی دنیا کو آبی وسائل کے پائیدار و بہتر انتظام کیلئے اقدامات کی دعوت بھی دیں گے.

اس موقع پر وزیرِاعظم کی سربراہی اجلاس میں شریک عالمی رہنماؤں سے ملاقاتیں بھی متوقع ہیں.