3 دسمبر 2024
راولپنڈی
نجی تعلیمی ادارہ میں رول ماڈل اساتذہ کی میراث کا اعزاز قائم رکھتے ہوئے روح فورم کی سرپرستی میں کرنل (ر) جاوید ننگیانہ کی تعلیمی خدمات پر خراج تحسین پیش کرنے کے لیے ایک شاندار تقریب کا انعقاد کیا گیا جس میں انھیں بطور مہمان خصوصی مدعو کیا گیا۔تقریب کا مقصد اساتذہ کے احترام اور ان کی اہمیت کو اجاگر کرنا تھا، تاکہ اسوۂ حسنہ کی میراث آئندہ نسلوں تک منتقل کرنے کا سلسلہ جاری رہ سکے۔اس موقع پر طلباء اور اساتذہ نے اکٹھے ہوکر کلام اقبال پیش کیا۔کرنل (ر) جاوید ننگیانہ کی تعلیمی خدمات کے اعتراف پر انھیں تحائف اور شیلڈز سے نوازا گیا ۔اس ہر انھوں نے دل کہ اتھاہ گہرائیوں سے شکریہ ادا کیا۔متاز شخصیات، بشمول میجر جنرل سجاد (ر)، ڈاکٹر احسان، میجر اسد (ر)، اے ایم بی ایل ای ایم اسکول کے ایم ڈی کرنل مرتضیٰ علی شاہ (ر)انھیں خراج عقیدت پیش کرنے کے لیے اسٹیج پر ان کے ہمراہ موجود تھے۔شرکاء کا کہنا تھا کہ کرنل (ر) جاوید ننگیانہ نے طلبا کو تعلیم کی اہمیت سے روشناس کروایا، جاوید ننگیانہ طلباء کے لئے ایک استاد، رہنما اور رول ماڈل ثابت ہوئے۔اس موقع پر نجی تعلیمی ادارہ کے ایم ڈی کرنل مرتضیٰ علی شاہ (ر) نے آر یو ایچ فورم کے دیگر اراکین کے ساتھ کرنل ننگیانہ کی مثالی شخصیت اور تعلیم اور سرپرستی میں ان کی گرانقدر خدمات پر روشنی ڈالتے ہوئے انھیں خراج تحسین پیش کیا۔تقریب کا اختتام قومی ترانے اور گروپ فوٹوز کے ساتھ ہوا، جس میں اتحاد، فضیلت اور شکرگزاری کے جذبے کو اجاگر کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
