)کنیئرڈ کالج فار وومن یونیورسٹی میں دفتر محتسب پنجاب کے حوالے سے آگاہی پروگرام کا انعقاد،

لاہور(جنرل رپورٹر)کنیئرڈ کالج فار وومن یونیورسٹی میں دفتر محتسب پنجاب کے حوالے سے آگاہی پروگرام کا انعقاد، صدارت پرنسپل کنیئرڈ کالج فار وومن یونیورسٹی پروفیسر ارم نے کی۔ صوبائی محتسب کے میڈیا ایڈوائزر عبدالباسط خان نے اس موقع پر خطاب کرتے ہوئے اس ادارے کی افادیت اور تیزی سے انصاف فراہم کرنے کی صلاحیت سے طالبات کو آگاہ کیا۔ انھوں نے کہا کہ دفتر محتسب پنجاب انصاف کا ادارہ سستا اور بروقت انصاف 45 سے 60 دنوں کے اندر فراہم کرتا ہے جس میں کسی وکیل کی ضرورت نہیں ہوتی اور پورے پنجاب کے تمام اضلاع میں ایڈوائزز ہمہ وقت عوام کی خدمت کیلئے دستیاب ہیں اور اس کی ہیلپ لائن 1050 پر 24 گھنٹے اپنی شکایت درج کروائی جاسکتی ہے۔سیمینار کے دوران سینئر رجسٹرار صوبائی محتسب شاہد عباس نے شکایت درج کروانے سےمتعلق مختلف مراحل سے آگاہ کیا۔ شاہد عباس کا کہنا تھا کہ محتسب پنجاب کسی بھی شکایت پر ازخود نوٹس لے سکتے ہیں۔ مختلف محکموں کی ممکنہ خامیوں کو نہ صرف اجاگر کرتے ہیں بلکہ حکومت پنجاب کو اس سلسلے میں اس پر قابو پانے میں حکمت عملی وضع کرنے میں مدد فراہم کرتے ہیں۔اس موقع پر اسسٹنٹ ڈائریکٹر (میڈیا)سید سبطِ حیدر اور اسسٹنٹ ڈائریکٹر (پبلک ریلیشنز)عادل اصغر نے بھی اپنے خیالات کا اظہار کیا۔ آخر میں پرنسپل پروفیسر ارم نے میڈیا ایڈوائزر عبدالباسط خان کو سونیئر اور پھولوں کا گلدستہ پیش کیا ۔