پی ٹی آئی کو مزاحمت کے بجائے مفاہمت کا راستہ اختیار کرنا ہوگا، ضیاء عباس
کراچی(اسٹاف رپورٹر) سنیئر سیاست داں اور مسلم لیگ کے سابق سکریٹری جنرل سید ضیاء عباس نے کہا ہے کہ اسلام آباد میں ناکامی کے بعد پی ٹی آئی کو اپنی سیاسی بقاء کے لئے مزاحمت کے بجائے مفاہمت کا راستہ اختیار کرنا ہوگا،عمران خان اور پی ٹی آئی کی قیادت کو اس بات کا احساس کرنا چاہئے کہ ملکی سلامتی پر اس جماعت کی جانب سے کی گئی کئی ناکام لشکر کشی کے باوجود ملک کی تمام سیاسی جماعتیں پی ٹی آئی پر پابندی کے خلاف ایک پیج پر دکھائی دے رہی ہیں، ان کی خواہش ہے کہ پی ٹی آئی قومی دھارے اور ملک کے مفاد میں سیاست کرے، اس وقت پی ٹی آئی صرف کے پی کے تک محدود ہوتی جارہی ہے، اس کی ملک گیر مقبولیت میں کمی واضح نظر آرہی ہے،انہوں نے کہا کہ ملک اس وقت جن حالات سے دوچار ہے اس میں ملک کسی قسم کے انتشار کا متحمل نہیں ہوسکتا ہے، پی ٹی آئی کو سوچنا چاہئے کہ وہ ملک میں مکمل طور پر تنہائی کی جانب بڑھ ر ہی ہے، ملک کی سیاست میں تنہائی کسی بھی جماعت کی بڑی ناکامی ہوتی ہے، پی ٹی آئی کو سنجیدگی کے ساتھ اپنی سیاسی پالیسی میں تبدیلی لانا ہوگی اور منتخب ایوانوں میں ایک مضبوط اپوزیشن کا کردار ادا کر کے ملک کو مظبوطی کے راستے پر لے جاناہوگا، پی ٹی آئی کے محب وطن اور تجربے کار سیاسی رہنمائوں کو قیادت سنبھالنا ہوگی تاکہ یہ جماعت مکمل تباہی سے بچ سکے۔
==============================
رحیم یارخان: نوکری کا جھانسہ دیکر خاتون سے زیادتی کرنے والا ملزم گرفتار
رحیم یارخان میں نوکری کا جھانسہ دے کر خاتون سے زیادتی کرنے والے ملزم کو گرفتار کر لیا گیا۔
پولیس کے مطابق مرکزی ملزم کا ساتھی فرار ہو گیا، زیادتی کا مقدمہ درج کر لیا گیا ہے۔
مقدمے کے متن کے مطابق پہلے اسپتال میں نوکری دلوائی، اچھی ملازمت کا جھانسہ دے کر ساتھی ملزم کے پاس لے گیا۔
فیصل آباد: خاتون سے اجتماعی زیادتی کرنیوالے زیرِ حراست 4 ملزمان ہلاک
متاثرہ خاتون کا کہنا ہے کہ ملزمان زرعی کالج کے ایک مکان میں لے گئے، شور مچانے پر ملزمان فرار ہو گئے۔
پولیس نے بتایا کہ متاثرہ خاتون کو میڈیکل کے لiے اسپتال منتقل کر دیا گیا ہے۔
