چیف انجینئر ای اینڈ ایم واٹر کارپوریشن انتخاب احمد راجپوت خان اپنی مدت ملازمت پوری ہونے پر اپنے عہدے سے ریٹائرڈ ہوگئے

راچی( )چیف انجینئر ای اینڈ ایم واٹر کارپوریشن انتخاب احمد راجپوت خان اپنی مدت ملازمت پوری ہونے پر اپنے عہدے سے ریٹائرڈ ہوگئے اس موقعے پر سی ای او واٹر کارپوریشن انجینئر سید صلاح الدین احمد اور سی او او واٹر کارپوریشن انجینئر اسدالله خان نے اپنے جاری کردہ ایک پیغام میں انتخاب احمد راجپوت کے لیے نیک خواہشات کا اظہار کرتے ہوئے کہا کہ انتخاب احمد راجپوت نے اپنی 33 سالا پوری ملازمت کے دوران اپنے ادارے سمیت افسران و ملازمین کی بہتری کے لیے اہم کردار ادا کیا اور اپنے فرائض ایمانداری سے سرانجام دیے انہوں نے کہا انتخاب احمد راجپوت کی جانب سے ادارے کی بہتری کے لیے کی گئی خدمات کو ہمیشہ یاد رکھا جائے گا کیونکہ انہوں نے مختلف منصوبوں پر واٹر کارپوریشن کی بہتری کے لیے دن رات محنت کی اور انہیں بروقت مکمل کرنے میں اہم کردار ادا کیا اس موقعے پر انتخاب احمد راجپوت نے واٹر کارپوریشن کے اعلیٰ حکام سمیت دیگر افسران و ملازمین کا شکریہ ادا کرتے ہوئے کہا کہ میری ملازمت کے دوران مجھے اپنے اعلیٰ افسران اور ماتحت عملے کی جانب سے جو تعاون اور بھرپور ساتھ ملا اس کا میں اپنے تہہ دل سے شکر گزار ہوں کیونکہ تمام افسران و ملازمین کی جانب سے اجتماعی علم حوصلہ افزائی اور ٹیم ورک نے نہ صرف مجھے آگے بڑھنے میں مدد کی بلکہ ہر چیلنج کو شکست دینے کے قابل بھی بنایا انہوں نے کہا جب میں اپنی زندگی کے اگلے باب کی طرف بڑھوں گا تو میں ان یادگار دنوں اور تجربات کو ہمیشہ یاد کروں گا جو ہم سب نے مل کر بنائے ہیں انہوں نے مزید کہا کہ ہم نے واٹر کارپوریشن کی بہتری کے لیے ایک ٹیم کے طور پر جو کچھ حاصل کیا ہے اس پر مجھے فخر ہے جبکہ میں واٹر کارپوریشن کے بہتر مستقبل اور اس کی کامیابی کا خواہشمند ہوں اور میری ہمیشہ اپنے ادارے سمیت تمام افسران و ملازمین کے لیے دعائیں اور نیک تمنائیں رہیں گی۔