ہینڈ آوٹ نمبر 1906مورخہ30نومبر 2024ء
ڈیرہ غازیخان ( ): ہائیر ایجوکیشن ڈیپارٹمنٹ پنجاب کی طرف سے دئیے گئے اہداف مقررہ مدت میں مکمل کرنے والے ڈی جی خان ڈویژن کے کالج سربراہان کے اعزاز میں تقریب کا انعقاد کیا گیا۔ مہمانان خصوصی پارلیمانی سیکرٹری ہائیر ایجوکیشن ڈیپارٹمنٹ محمد اجمل چانڈیہ، ایم پی اے محمد حنیف پتافی،مہمان اعزاز ایڈیشنل سیکرٹری ایڈمن ایچ ای ڈی جنوبی پنجاب عطاء الحق اور ڈائریکٹر کالجز پروفیسر وسیم اختر نے اہداف حاصل کرنے والے کالجز کے پرنسپلز کو تعریفی شیلڈز اور اسناد پیش کیں۔سوفیصد اہداف حاصل کرنے والے کالجز کو اعزایہ دینے کا بھی اعلان کیا گیا۔ پارلیمانی سیکرٹری ایچ ای ڈی محمد اجمل چانڈیہ نے کہا کہ آج کی تقریب کا مقصد سربراہان کالجز کی حوصلہ افزائی ہے۔ حکومت پنجاب نے 40 ہزار طلباء کو لیپ ٹاپ دینے اور بی ایس پروگرام کے 30 ہزار طلباء کو تعلیمی وظائف دینے کا فیصلہ کیا ہے۔ ایم پی اے محمد حنیف پتافی نے کہا کہ کالجز میں داخلوں کی شرح بڑھانے سے ہر بچہ کو اپنی پسند کا مضمون پڑھنے کا موقع ملا ہے۔کالجز میں آئی ٹی کلاسز شروع کرنا دور حاضر کی اشد ضرورت ہے۔انہوں نے کہا کہ وزیر اعلی کا تعلیم،صحت اور میونسپل سروسز کی بہتری پر فوکس ہے۔ ایڈیشنل سیکرٹری عطاء الحق نے کہا کہ ڈی جی خان ڈویژن کے 71 کالجز میں سے 23 کالجز نے 100 فیصد اہداف حاصل کئے جن میں 17 خواتین کالجز شامل ہیں۔ ڈائریکٹر کالجز پروفیسر وسیم اختر نے کہا کہ ڈی جی خان ڈویژن کے کالجز میں جنوبی پنجاب سے زیادہ داخلے ہوئے۔80 فیصد کالجز نے اپنے ٹارگٹ مقررہ مدت میں حاصل کئے۔ پرنسپلز ادارہ فریدہ ناہید نے خطبہ استقبالیہ پیش کیا۔تقریب میں پرنسپلز نے کالجز میں داخلہ بڑھانے اور معیار تعلیم کیلئے تجاویز بھی دیں۔تقریب میں ڈویژن بھر سے اساتذہ،گرلز گائیڈ اور دیگر افسران شریک تھے۔
ہینڈ آوٹ نمبر 1907مورخہ30نومبر 2024ء
ڈیرہ غازیخان ( ): تعلیمی بورڈ کے بورڈ آف گورنرز نے گورنمنٹ جامع ہائی سکول ڈیرہ غازی خان میں کرکٹ ارینا،فٹسال فٹ بال،بیڈمنٹن اور والی بال کورٹ کے پائلٹ پراجیکٹ شروع کرنے،بورڈ ڈرائیورز کے سکیل اپ گریڈ کرنے اور اہلکار کے میڈیکل کیس کی ری۔ایمبرسمنٹ کی منظوری دے دی۔یہ منظوری کمشنر و چیئرمین تعلیمی بورڈ ڈاکٹر ناصر محمود بشیر کی زیر صدارت بورڈ آف گورنرز کے 171ویں اجلاس میں دی گئی۔اجلاس میں ڈائریکٹر کالجز پروفیسر وسیم اختر، ڈاکٹر محمد حنیف، ڈاکٹر شکیل پتافی، ریحانہ راحت، احمد علی قریشی اور دیگر موجود تھے۔فنانس ڈیپارٹمنٹ کی نمائندگی مہر کلیم نے کی۔ڈپٹی سیکرٹری ایچ ای ڈی رضوان نذیر نے ویڈیو لنک کے ذریعے اجلاس میں شرکت کی۔سیکرٹری تعلیمی بورڈ عبدالرحمن چوہدری نے ایجنڈا سے متعلق بریف کیا۔بورڈ آف گورنرز نے چھ نکاتی ایجنڈا پر اہم فیصلے کیے اور مشاورت سے ڈویژن کے ہائی اور ہائیر سکینڈری سکولوں میں سپورٹس کی بہتر سہولیات کے لیے حکمت عملی ترتیب دی۔ بورڈ نے فنانس ڈیپارٹمنٹ کے مراسلہ کے تحت ڈرائیورز کی آسامی بی ایس فور سے بی ایس فائیو کرنے کے لیٹر کو آڈاپ کرنے کی منظوری دی۔بورڈ نے ملازمین کی میڈیکل ری ایمبرسمنٹ کی بھی منظوری دی۔
ہینڈ آوٹ نمبر 1908مورخہ30نومبر 2024ء
ڈیرہ غازیخان ( ): محکمہ جنگلات نے رکھ بیٹ دیوان میں 70 ایکڑ سرکاری رقبہ واگزار کرالیا اور کاشتہ گندم،مکئی اور سرسوں کی فصلوں پر ہل چلا کر تلف کردیا گیا۔ناظم جنگلات ڈیرہ غازی خان سرکل محمد طارق نسیم نے مراسلہ میں کہا ہے کہ ڈیرہ غازی خان ڈویژن میں قبضہ مافیا کے خلاف گرینڈ آپریشن کا سلسلہ جاری رکھا ہوا ہے۔انہوں نے بتایا کہ مہتمم جنگلات مظفر گڑھ راشد محمود کی زیر نگرانی محکمہ جنگلات،ریونیو اور پولیس کی مدد سے گزشتہ روز رکھ بیٹ دیوان مظفر گڑھ میں گرینڈ آپریشن کیا گیا۔ناظم جنگلات نے کہا کہ حکومت پنجاب کی ہدایت پر قبضہ مافیا کے خلاف بلا امتیاز آپریشن جاری رہے گا اور ہر ایک انچ سرکاری رقبہ واگزار کرایا جائے گا۔
ہینڈ آوٹ نمبر 1909مورخہ30نومبر 2024ء
ڈیرہ غازیخان ( ):پنجاب کونسل آف دی آرٹ ڈیرہ غازی خان ڈویژن کے زیراہتمام پروگراموں کے ماہوار سلسلے اعتراف خدمات بہ یاد رفتگاں میں ممتاز سرائیکی غزل گو شاعر اقبال سوکڑی کی ادبی خدمات کو خراج تحسین پیش کرنے کیلئے تقریب منعقد ہوئی جس کی صدارت پروفیسر محمد خان نے کی جبکہ د یگرمہمان مقررین میں پروفیسر ڈاکٹر سہیل عباس خان،پروفیسر ڈاکٹر اشرف شاہین قیصرانی،پروفیسر ڈاکٹر نجیب حیدر ملغانی، عزیز شاہد،پروفیسر ڈاکٹر صابرہ شاہین،پروفیسر محبوب جھنگوی، پروفیسر شبیر ناز، مصطفی’ خادم،رزاق شاہد، ریاض عصمت، طارق برمانی، ڈاکٹر محمد علی، یاسین بلوچ اور دیگر شامل تھے، ڈائریکٹر آرٹس کونسل نعیم اللہ طفیل نے آرٹس کونسل کی تقریبات کے حوالے سے روشنی ڈالی جبکہ مقررین نے اقبال سوکڑی کی ادبی خدمات کو شاندار خراج عقیدت پیش کرتے ہوئے کہا کہ اقبال سوکڑی نہ صرف سرائیکی شاعری میں جدید غزل کے بانی کے طور پر بڑا حوالہ ہیں بلکہ آزاد سرائیکی نظم لکھنے والوں میں بھی انہوں نے شاندار روایتیں چھوڑی ہیں، ان کی شاعری میں مزاحمت، وسیب کی محرومیاں، استعارے، علامتیں اور سرائیکی ضرب الامثال ملتی ہیں، انہوں نے کہا کہ اقبال سوکڑی کی شاعری سرائیکی وسیب کا قابل فخر اثاثہ ہے،تقریب میں نظامت کے فرائض محبوب جھنگوی نے ادا کیے،تقریب کے آخر میں اقبال سوکڑی کے ایصال ثواب کے لئے فاتحہ خوانی بھی کی گئی.
ہینڈ آوٹ نمبر 1910مورخہ30نومبر 2024ء
ڈیرہ غازیخان ( ):ڈسٹرکٹ ویجیلینس کمیٹی برائے لیبر ڈیرہ غازیخان کا اجلاس ایڈیشنل ڈپٹی کمشنر جنرل قدسیہ ناز کی زیرصدارت منعقد ہوا۔اجلاس میں حکومت پنجاب کے چائلڈ لیبرو جبری مشقت کے خاتمے،اجرت کی ادائیگی اور سوشل سکیورٹی ادا کرنیوالے اداروں کے ورکرز کو طبی سہولیات کی فراہمی بارے اقدامات پر غور کیا گیا۔اجلاس میں اسسٹنٹ ڈائریکٹر لیبر محمد صادق،ثریا مجید رانا اور صنعتی اداروں کے ا نمائندے اور ورکرز نے شرکت کی۔ایڈیشنل ڈپٹی کمشنر نے کہا کہ حکومت پنجاب نے مزدوروں کی فلاح و بہبودکیلئے انقلابی اقدامات اٹھائے ہیں،چائلد و جبری مشقت کی کسی طور بھی اجازت نہیں دی جائے گی،ضلع کے صنعتی ادارے سوشل سکیورٹی رقوم جمع کروائیں تاکہ انکے ورکرز بھی حکومتی علاج و معالجہ کی مراعات سے مستفید ہوسکیں،لیبر ویلفیئر کلچر کو پروان چڑھانا وقت کی ضرورت ہے،محکمہ لیبر و دیگر ادارے لیبر کی فلاح و بہبود کو یقینی بنائیں۔اجلاس میں اسسٹنٹ ڈائریکٹر لیبر محمد صادق نے لیبر قوانین کی خلاف ورزی پر کی گئیں کارروائیوں بارے بریفنگ بھی دی۔
(فوٹووٹس ایپ سے لے لیں)
ہینڈ آوٹ نمبر 1911مورخہ30نومبر 2024ء
ڈیرہ غازیخان ( ):حکومت پنجاب کے احکامات کی روشنی میں ڈیرہ غازی خان کے ریونیو امور زیرالتوا انتقالات،کھیوٹ ایشوز،حد براری،وراثتی امور،محصولات کی وصولیوں بارے ہفتہ وار اجلاس گزشتہ روز ایڈیشنل ڈپٹی کمشنر نعمان فاروق تارڑ کی زیرصدارت منعقد ہوا۔اے ڈی سی آر نعمان فاروق تارڑ نے خطاب کرتے ہوئے کہا کہ بورڈ آف ریونیو پنجاب کے احکامات کے تحت ضلع ڈیرہ غازیخان میں ریونیومعاملات بہتر کئے جائیں،کھیوٹ ایشوز حل کیلئے ہر ریونیو افسردیئے گئے ٹاسک پر فوری عملدرآمد یقینی بنائے،آبیانہ،زرعی انکم،ایف بی آر ٹیکس کی وصولیوں پر خصوصی توجہ دی جائے،اسسٹنٹ کمشنرز ریونیو سٹاف کی روزانہ کی پرفارمینس چیک کریں،مال عملہ روزانہ ریونیو امور نمٹانے کی رپورٹس دیں۔انہوں نے کہا ریونیو امور نمٹانے میں سستی برتنے والوں کیخلاف سخت کارروائی کی جائیگی۔اجلاس میں اسسٹنٹ کمشنرز تیمورعثمان،زاہداقبال،فرخ جاوید،محمد حنیف،محمد یعقوب،چوہدری منظور،محمد شاہد سمیت تمام ریونیو افسران شریک تھے۔
(فوٹووٹس ایپ سے لے لیں)
ہینڈ آوٹ نمبر 1912مورخہ30نومبر 2024ء
ڈیرہ غازیخان ( ):ایڈیشنل ڈپٹی کمشنر ریونیو ڈیرہ غازی خان نعمان فاروق تارڑ نے کورٹ کیسز کی سماعت کرتے ہوئے فریقین کے موقف سنے۔انہوں نے کہ کیسز کا فیصلہ میرٹ پر کیا جائے گا اور کسی کے ساتھ ناانصافی نہیں ہونے دی جائے گی۔ اے ڈی سی آر نعمان فاروق تارڑ نے کہا کہ کمشنر ڈاکٹر ناصر محمود بشیر اور ڈپٹی کمشنر محمد عثمان خالد کی واضح ہدایات ہیں کہ زیر التوا کیسز جلد نمٹائے جائیں اور تمام فریقین کو اپنا موقف پیش کرنے کے مواقع دئیے جائیں۔
(فوٹووٹس ایپ سے لے لیں)
ہینڈ آوٹ نمبر 1913مورخہ30نومبر 2024ء
ڈیرہ غازیخان ( ):ثانوی و اعلی ثانوی تعلیمی بور ڈڈیرہ غازیخان کی طرف سے میٹرک و انٹر میڈیٹ سالانہ امتحانات سیشن 2025-26کی ٹیبل مارکنگ کیلئے پیپر سیٹر، سکریسی آفیسر، ہیڈ ایگزامینر، سب ا یگزا مینر، سپیشل چیکر، اسسٹنٹ ٹو ہیڈایگزامینر کیلئے اساتذہ سے درخواستیں طلب کی گئی ہیں. کنٹرولر امتحانات کے مراسلہ کے مطابق خواہشمند اساتذہ بورڈ کی ویب سائیٹ www.bisedgkhan.edu.pk پر آن لائن مجوزہ فارم پر کر کے ہارڈ کاپی سربراہ ادارہ سے تصدیق کر ا کے31جنوری 2025ء تک سکریسی برانچ میں جمع کراسکتے ہیں. مزید معلومات کیلئے دفتر بورڈ سے رجوع کیاجا سکتا ہے.
ہینڈ آوٹ نمبر 1906مورخہ30نومبر 2024ء
ڈیرہ غازیخان ( ): ہائیر ایجوکیشن ڈیپارٹمنٹ پنجاب کی طرف سے دئیے گئے اہداف مقررہ مدت میں مکمل کرنے والے ڈی جی خان ڈویژن کے کالج سربراہان کے اعزاز میں تقریب کا انعقاد کیا گیا۔ مہمانان خصوصی پارلیمانی سیکرٹری ہائیر ایجوکیشن ڈیپارٹمنٹ محمد اجمل چانڈیہ، ایم پی اے محمد حنیف پتافی،مہمان اعزاز ایڈیشنل سیکرٹری ایڈمن ایچ ای ڈی جنوبی پنجاب عطاء الحق اور ڈائریکٹر کالجز پروفیسر وسیم اختر نے اہداف حاصل کرنے والے کالجز کے پرنسپلز کو تعریفی شیلڈز اور اسناد پیش کیں۔سوفیصد اہداف حاصل کرنے والے کالجز کو اعزایہ دینے کا بھی اعلان کیا گیا۔ پارلیمانی سیکرٹری ایچ ای ڈی محمد اجمل چانڈیہ نے کہا کہ آج کی تقریب کا مقصد سربراہان کالجز کی حوصلہ افزائی ہے۔ حکومت پنجاب نے 40 ہزار طلباء کو لیپ ٹاپ دینے اور بی ایس پروگرام کے 30 ہزار طلباء کو تعلیمی وظائف دینے کا فیصلہ کیا ہے۔ ایم پی اے محمد حنیف پتافی نے کہا کہ کالجز میں داخلوں کی شرح بڑھانے سے ہر بچہ کو اپنی پسند کا مضمون پڑھنے کا موقع ملا ہے۔کالجز میں آئی ٹی کلاسز شروع کرنا دور حاضر کی اشد ضرورت ہے۔انہوں نے کہا کہ وزیر اعلی کا تعلیم،صحت اور میونسپل سروسز کی بہتری پر فوکس ہے۔ ایڈیشنل سیکرٹری عطاء الحق نے کہا کہ ڈی جی خان ڈویژن کے 71 کالجز میں سے 23 کالجز نے 100 فیصد اہداف حاصل کئے جن میں 17 خواتین کالجز شامل ہیں۔ ڈائریکٹر کالجز پروفیسر وسیم اختر نے کہا کہ ڈی جی خان ڈویژن کے کالجز میں جنوبی پنجاب سے زیادہ داخلے ہوئے۔80 فیصد کالجز نے اپنے ٹارگٹ مقررہ مدت میں حاصل کئے۔ پرنسپلز ادارہ فریدہ ناہید نے خطبہ استقبالیہ پیش کیا۔تقریب میں پرنسپلز نے کالجز میں داخلہ بڑھانے اور معیار تعلیم کیلئے تجاویز بھی دیں۔تقریب میں ڈویژن بھر سے اساتذہ،گرلز گائیڈ اور دیگر افسران شریک تھے۔
ہینڈ آوٹ نمبر 1913مورخہ30نومبر 2024ء
ڈیرہ غازیخان ( ):ثانوی و اعلی ثانوی تعلیمی بور ڈڈیرہ غازیخان کی طرف سے میٹرک و انٹر میڈیٹ سالانہ امتحانات سیشن 2025-26کی ٹیبل مارکنگ کیلئے پیپر سیٹر، سکریسی آفیسر، ہیڈ ایگزامینر، سب ا یگزا مینر، سپیشل چیکر، اسسٹنٹ ٹو ہیڈایگزامینر کیلئے اساتذہ سے درخواستیں طلب کی گئی ہیں. کنٹرولر امتحانات کے مراسلہ کے مطابق خواہشمند اساتذہ بورڈ کی ویب سائیٹ www.bisedgkhan.edu.pk پر آن لائن مجوزہ فارم پر کر کے ہارڈ کاپی سربراہ ادارہ سے تصدیق کر ا کے31جنوری 2025ء تک سکریسی برانچ میں جمع کراسکتے ہیں. مزید معلومات کیلئے دفتر بورڈ سے رجوع کیاجا سکتا ہے.
