علیگڑھ انسٹیٹیوٹ اور آرٹس کونسل پاکستان کے درمیان معاہدہ: نوجوانوں کے لیے ایک نیا باب
علیگڑھ انسٹیٹیوٹ آف ٹیکنالوجی (AIT) اور آرٹس کونسل پاکستان (ACP) نے ایک یادداشتِ تفاہم (MoU) پر دستخط کیے، جو پاکستان کے نوجوانوں کے لیے ایک اہم پیش رفت ہے۔ اس معاہدے کا مقصد یوتھ ایمبیسیڈر پروگرام کے تحت نوجوانوں کو ثقافتی اور تعلیمی مواقع فراہم کرنا ہے۔
تقریب میں پرنسپل AIT شاہد جمیل, وائس پرنسپل سید ریحان علی اور آرٹس کونسل پاکستان کے صدر احمد شاہ کی شرکت نے تقریب کو وقار بخشا۔ اس یادداشت کا مقصد نوجوانوں میں تخلیقی صلاحیتوں کو اجاگر کرنا اور انہیں عالمی ثقافتی میدان میں روشناس کرانا ہے۔
پرنسپل AIT شاہد جمیل کا اس موقع پر کہنا تھا کہ ’’یہ معاہدہ نوجوانوں کو نہ صرف جدید تعلیم بلکہ فنونِ لطیفہ میں اپنی تخلیقی صلاحیتوں کو اجاگر کرنے کا شاندار موقع فراہم کرے گا۔‘‘
آرٹس کونسل کے صدر نے اس شراکت کو پاکستان کی ثقافتی شناخت کے فروغ کے لیے ایک سنگ میل قرار دیا۔ ان کے مطابق، ’’یوتھ ایمبیسیڈر پروگرام کے ذریعے نوجوان سفیر دنیا بھر میں پاکستان کی ثقافت کو متعارف کرائیں گے، جو قومی تشخص کے لیے ایک اہم سنگِ میل ثابت ہوگا۔‘‘
یہ معاہدہ پاکستان کے تعلیمی و ثقافتی میدان میں انقلاب کی نوید ہے۔
میڈیا کوآرڈینیٹر AIT
