اب پی آئی اے کی دوسری اننگز جلد پیرس کے سفر کے لیے شروع ہو گی۔
پی آئی اے خوش ہے اور عملہ پرجوش ہے۔
لیکن اس بار پی آئی اے کے عملے کی کڑی نگرانی ہوگی، کوئی بھی کسی دوسرے ملک میں پناہ لینے یا غیر قانونی قیام کے لیے پھسل نہیں سکے گا۔
ذرائع کا کہنا ہے کہ بین الاقوامی پروازوں کو یقینی بنایا جائے گا۔
قومی ایئرلائن کے ترجمان کا کہنا ہے کہ پابندی ختم ہونے کے بعد پی آئی اے سب سے پہلے پیرس کیلئے پروازیں چلائے گی۔
ترجمان پی آئی اے کا کہنا ہے کہ پیرس کیلئے فلائٹ آپریشن چند ہفتوں میں شروع ہو جائے گا۔
پی آئی اے ترجمان کا کہنا ہے کہ برطانیہ کیلئے پروازوں پر عائد پابندی اٹھانے کا فیصلہ برطانوی حکام کریں گے، اب برطانوی پابندی کے بھی جلد خاتمہ کی امید ہے۔
یورپی کمیشن اور یورپی ایوی ایشن سیفٹی ایجنسی نے پی آئی اے کی پروازوں پر عائد پابندی اٹھا لی
خیال رہے کہ یورپی کمیشن اور یورپی ایوی ایشن سیفٹی ایجنسی نے پی آئی اے کی پروازوں پر عائد پابندی اٹھا لی ہے۔
وزیر دفاع خواجہ آصف نے اپنے بیان میں کہا کہ پی آئی اے اور ایئربلیو کو تھرڈ کنٹری آپریٹر اتھرائزیشن بھی جاری کر دی گئی ہے۔
خواجہ آصف نے کہا کہ پی آئی اے کی پروازوں پر عائد پابندی کا اٹھنا ایک یادگار موقع ہے، یہ کامیابی وزارت ایوی ایشن اور سی اے اے کی جانب سے سیفٹی معیارات یقینی بنانے سے ملی۔
وزیراعظم محمد شہباز شریف کی یورپی کمیشن اور یورپی ایوی ایشن سیفٹی ایجینسی کی جانب سے پاکستان انٹر نیشنل ائیر لائینز کی پروازوں سے پابندی اٹھانے کا خیر مقدم
وزیراعظم کی وفاقی وزیر خواجہ آصف، وزارت ہوابازی ، پاکستان سول ایوی ایشن اتھارٹی کے حکام اور پی آئی اے انتظامیہ کو مبارکباد
پابندی اٹھنے سے پی آئی اے کی ساکھ مستحکم ہو گی اور اسے مالی طور پر بھی فائدہ ہو گا : وزیراعظم
یہ پاکستان کی کامیاب پالیسیوں کا مظہر ہے . وزیر اعظم
یورپ میں رہنے والے پاکستانیوں کے لیے ہوائی سفر میں آسانی پیدا ہو گی : وزیراعظم
