کراچی( )اینٹی تھیفٹ سیل واٹر کارپوریشن نے پاکستان رینجرز کے ہمراہ پانی چوروں کے خلاف کاروائی کرتے ہوئے خیرآباد منگھو پیر میں پانی چوری کے لیے بنائے گئے چار غیر قانونی ہائیڈرنٹس کو مسمار کردیا حکام کے مطابق پانی چوروں نے یارو گوٹھ اور عمر گوٹھ کو پانی فراہم کرنے والی 12 انچ لائن میں 3 انچ کے 4 غیر قانونی کنکشن لگائے ہوئے تھے جنہیں منقطع کیا گیا ہے غیر قانونی کنکشن کے باعث ملحقہ علاقوں میں پانی کی فراہمی متاثر ہورہی تھی جبکہ غیر قانونی کنکشن منقطع ہونے کے بعد ملحقہ علاقوں میں پانی کی فراہمی میں بہتری آئے گی حکام کا کہنا تھا کہ پانی چوروں کے خلاف قانونی کارروائی کے لیے متعلقہ تھانے میں رجوع کیا گیا ہے۔
اینٹی تھیفٹ سیل واٹر کارپوریشن پاکستان رینجرز کے ہمراہ پانی چوروں کے خلاف خیرآباد منگھو پیر میں آپریشن کر رہا ہے۔
کراچی( )یونیورسٹی روڈ پر واٹر کارپوریشن کی پانی کی 84 انچ ڈایا مین لائن متاثر ہوگئی اطلاع ملنے پر واٹر کارپوریشن کی ٹیم موقع پر پہنچ گئی واٹر کارپوریشن حکام کے مطابق پانی کے اوور فلو پر قابو پا لیا گیا ہے اور لائن کی مرمت کا کام شروع کردیا گیا جو اگلے 24 گھنٹوں میں مکمل کرلیا جائے گا۔
