26 نومبر 2024
راولپنڈی
معروف مصنفہ ،ہدایت کارہ ،سماجی رہنما و ڈولفن کمیونیکیشن کی چئیرپرسن محترمہ عاصمہ بٹ نے کہا کہ فن کار اور صحافی روایات ،ثقافت اور پیشہ ورانہ فرائض کے علم بردار ہیں۔جنھیں میں پیشہ ورانہ فرائض کی انجام دہی پر خراج تحسین پیش کرتی ہوں۔
معروف مصنفہ ،ہدایت کارہ ،سماجی رہنما و ڈولفن کمیونیکیشن کی چئیرپرسن محترمہ عاصمہ بٹ نے یہ بات راولپنڈی پریس کلب میں منعقدہ محفل موسیقی کی تقریب سے خطاب کے دوران کہی۔اس موقعی پر انھوں نے “Catchy”کے نام سے اپنا برینڈ متعارف کروایا، تقریب کے مہمان خصوصی راولپنڈی چیمبر آف کامرس اینڈ انڈسٹری کے صدر عثمان شوکت تھے ۔اس موقع پر پاکستان یونین آف جرنلسٹ کے صدر افضل بث،صدر نیشنل پریس کلب اظہر جتوئی،سیکریٹری نئیر علی ،عابد عباسی،عبدالوحید عباسی،احمد بھٹی،فوٹو گرافرز،صدر یوتھ ونگ پاکستان مسلم لیگ ن نعیم پاشا، نرمل علی،کلیم خان، محبوب الیاس، نعیم خان،سپنہ شاہ،کاشف ,عمران رشدی،شہزادی و دیگر فنکاروں اور صحافیوں کی کثیر تعداد نے خصوصی شرکت کی۔جنھوں نے عاصمہ بٹ کی مثبت کاوشوں کو بے حد سراہا۔عاصمہ بٹ نے اپنے برینڈ “کیچی” کی مصنوعات فنکاروں اور صحافیوں کوتحفتاً دیں اور ان کا شکریہ ادا کیا۔اس موقع پر ان کا کہنا تھا کہ صحافیوں اور فنکاروں کی پیشہ ورانہ خدمات قیمتی اثاثہ ہیں۔صدر راولپنڈی چیمبر آف کامرس اینڈ انڈسٹری عثمان شوکت نے عاصمہ بٹ کی کاوشوں کو سراہا اور کہا کہ خواتین آبادی کا نصف سے زائد حصہ ہیں۔راولپنڈی چیمبر کے پلیٹ فارم سے میں ان کی پیشہ ورانہ خدمات کو سراہتا ہوں اور یقین دلاتا ہوں کہ خواتین کی جدوجہد پر چیمبر کا تعاون شامل حال رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
