تقریباً ایک ہفتہ قبل اسلام آباد سے بہاولپور کا سفر کرتے ہوئے ایک ایسا واقعہ پیش آیا جس نے جھنجھوڑ کر رکھ دیا اور دلوں کو گرما دیا۔ بس شام چھ بجے فیض آباد سے روانہ ہوئی، اور بس موٹروے پر اپنی منزل کی طرف بڑھ رہی تھی۔ سب کچھ معمول کے مطابق تھا کہ رات نو بجے شدید دھند کے باعث موٹروے بند کر دی گئی، اور بس کوٹ مومن کے قریب ایک انجان جگہ پر رک گئی۔ ڈرائیور نے رات وہیں گزارنے کا فیصلہ کیا۔
جہاں بس رکی، وہاں ایک شادی ہال نظر آیا۔ شادی ہال کے مالک کو جب مسافروں کے حالات کا علم ہوا تو انہوں نے فوراً اپنے ملازمین کو الرٹ کر دیا اور کہا، “ہمارے پاس اللہ تعالیٰ کے مہمان آئے ہیں، ان کے لیے بہترین کھانے کا انتظام کریں۔”
یہ فرشتہ صفت انسان چوہدری مہتاب حسین ڈھب تھے، جو گلوریا پیلس کوٹ مومن کے مالک ہیں۔ انہوں نے تمام مسافروں کے لیے مٹن کڑاہی، پلاؤ، رشین سلاد، اور میٹھے میں کھیر پیش کی۔ کھانے کے بعد مردوں کے لیے ہال میں اور خواتین و بچوں کے لیے علیحدہ جگہ پر سونے کا انتظام کیا۔
یہ نیک دل انسان پوری رات جاگتے رہے تاکہ مسافر سکون سے آرام کر سکیں۔ صبح مسافروں کے لیے ناشتہ پہلے سے تیار تھا۔ دن کے دس بجے جب موٹروے کھل گئی، تو مہتاب بھائی نے مسافروں کو دعاؤں کے ساتھ روانہ کیا۔
چوہدری مہتاب حسین ڈھب کی سخاوت اور نیکی نہ صرف اس بس کے 52 مسافروں بلکہ پورے پاکستان میں ہزاروں دلوں کو جیت چکی ہے۔ انکی دریا دلی نے کوٹ مومن اور سرگودھا کے نام کو مثبت انداز میں نمایاں کر دیا ہے۔ انکا یہ اقدام دین اسلام کی روایات اور علاقے کی شاندار تہذیب کی عکاسی کرتا ہے۔
نفسا نفسی اور مایوسی کے دور میں ایسے ہر چھوٹے بڑے مثبت رویے مثبت قدم کو سراہنا اور پھیلانا مثبت سوچ کو زندہ رکھنے و پھیلانے میں بنیادی کردار ادا کر سکتا ہے۔
تحریر سید محمد علی
=====================================
بادشاہ نے ہانیہ عامر سے تعلق کی خبروں پر خاموشی توڑ دی
بھارتی گلوکار اور گیت نگار آدیتا پریتک سنگھ سسودیا عرف بادشاہ نے پاکستانی اداکارہ ہانیہ عامر کے ساتھ تعلق کی خبروں پر خاموشی توڑ دی۔
بھارتی میڈیا رپورٹس کے مطابق پاکستانی اداکارہ ہانیہ عامر کے ساتھ ڈیٹنگ کی زیر گردش خبروں پر بادشاہ نے بالآخر ردعمل دے دیا۔
‘ذہنی تناؤ’ کا شکار ہانیہ عامر کو ریسکیو کرنے کیلئے بادشاہ دبئی پہنچ گئے
بھارتی گلوکار کی کچھ عرصے سے پاکستانی اداکارہ کے ساتھ تعلق کی خبریں سامنے آرہی ہیں، چند روز قبل دونوں کو ایک کنسرٹ میں گلے ملتے ہوئے دیکھا گیا تھا۔
ہانیہ عامر نے گزشتہ دنوں بادشاہ کے کنسرٹ میں شرکت کی اور گلوکار کے ساتھ ایک کلپ انسٹاگرام اسٹوریز پر شیئر کیا تھا۔
بھارتی میڈیا تسلسل کے ساتھ بادشاہ اور ہانیہ عامر کے درمیان گفتگو اور تعلق کی خبریں رپورٹ کررہا ہے، بھارتی گلوکار نے ان پر ردعمل دیا اور ان کی تردید کی۔
ہانیہ عامر کی مقبولیت سے بادشاہ گھبرا گئے، اسٹیج پر آنے سے روک دیا
بادشاہ نے مزید کہا کہ ہانیہ عامر میری ایک بہت ہی اچھی دوست ہے، جس کے ساتھ میرا تعلق بہت اچھا ہے، ہم جب بھی ملتے ہیں بہت زیادہ ہنسی مزاق کرتے ہیں۔
انہوں نے یہ بھی کہا کہ بس اتنا ہی ہے، وہ اپنی اور میں اپنی زندگی میں خوش ہوں، ہمارے تعلق کی اکثر لوگ غلط تشریح کرتے ہیں اور وہی دیکھتے ہیں، جس پر یقین کرنا چاہتے ہیں۔
یاد رہے کہ بادشاہ نے 2012ء میں جیسمین مسیح سے شادی کی تھی، ان کی ایک بیٹی 2017ء میں پیدا ہوئی جبکہ جوڑے نے 2020ء میں علیحدگی کا فیصلہ کیا۔
ہانیہ عامر سے قبل بادشاہ اور اداکارہ مرونال ٹھاکر کی ڈیٹنگ کی خبریں بھی سامنے آئی تھیں، جس کی بالواسطہ تردید کی گئی۔
