جدہ (امیر محمد خان سے ) ) سعودی عرب میں مقیم پاکستانیوں نےسا بق وزیر اعظم عمران خان کی اہلیہ بشریٰ بی بی کی سعودی عرب کے حوالے سے بیان کی سخت ترین الفاظ میں مذمت کرتے ہوئے کہا ہے کہ پی ٹی آئ کی جانب سے ملک میں دہشت گردانہ کارروائیوں کے خلاف مسلسل عدم تعاون کی وجہ سے پی ٹی آئ کے رہنماؤں کی دماغی صلاحیتوں کو سخت نقصان پہنچایا ہے ۔انہیں نہ ہی پاکستان کے عوام کے مسائل اور نہ ہی پاک سعودی دیرینہ تعلقات اور نہ ہی پاکستان میں سعودی سرمایہ کاری کے فروغ سے دلچسپی ہے، اسی لئے عظیم تر دوست ملک سے نہایت ہی غیر ذمہ دارانہ بیان منسوب کررہی ہیں تاکہ سعودی سرمایہ کار پاکستان کا رخ نہ کریں، سعودی عرب میں مقیم پاکستانیوں نے بشریٰ بی بی کے حالیہ ٹی وی بیان کی سخت مذمت کرتے ہیں، ایسے بیانات خود پی ٹی آئی کو شدید نقصان پہنچانے کا سبب بنے گا، پاکستانیوں نے کہا ہے کہ پاک سعودی دوستی لازوال ہے اور تجارتی، ثقافتی، اور افرادی قوت کے بڑھتے ہوئے رجحان کو فروغ دینے کیلئے دوطرفہ شعبے مربوط اور مستحکم بنیادوں پہ کام کررہے ہیں جو ناقابل تسخیر ہے، ہمیں ایسے غیر منطقی اور ایسے غیر ذمہ دارانہ بیان دینے سے گریز کرنا چاہئیے اور ہر پارٹی کو ملک مفاد بیان یا ہرزہ سرائی سے گریز کرنا چاہئیے، پاکستانیوں نے کہا ہے کہ سعودی عرب نے ہر مشکل وقت میں پاکستان کاساتھ دیاہے، پاکستان کے مالی بحران کم کرنے اور معاشی استحکام کیلئے شانہ بشانہ کھڑا ہے، مذمت کرنے والوں میں پیپلز پارٹی، مسلم لیگ، صحافیوں کی اولین تنظیم پی جے ایف اور دیگر تنظیمیں شامل ہیں#
