نوجوانوں کی ملک گیر نظریاتی علمی ثقافتی و سماجی غیر سیاسی تنظیم فرزندان پاکستان جس کا نعرہ ہم بیٹے پاکستان کے تحت انٹر اور میٹرک کے سالانہ امتحانات میں پری میڈیکل، انجینئرنگ اور جنرل گروپ میں اپنے اپنے بورڈز میں پہلی دوسری اور تیسری پوزیشنز لینے والے طلبہ و طالبات کے اعزاز میں تقریب

تعلیم کے بغیر زندگی نامکمل ہے ،ڈاکٹرپیرزادہ قاسم
دنیا کی ہر آسائش کے باوجود اگر کوئی تعلیم کے زیور سے محروم ہے تو اس سے بدقسمت شخص کوئی نہیں
تقریب تقسیم انعامات میں رانا احسان ،محمود احمد خان، اقبال یوسف، شاہد غزالی، زاہد خان کا اظہار خیال
حافظ نسیم الدین ِ،سینئر صحافی راشد لطیف کو لائف ٹائم،انٹر ،میٹرک کے پوزیشنز ہولڈرز میں ایوارڈز تقسیم کئے گئے
کراچی (اسٹاف رپورٹر) نوجوانوں کی ملک گیر نظریاتی علمی ثقافتی و سماجی غیر سیاسی تنظیم فرزندان پاکستان جس کا نعرہ ہم بیٹے پاکستان کے تحت انٹر اور میٹرک کے سالانہ امتحانات میں پری میڈیکل، انجینئرنگ اور جنرل گروپ میں اپنے اپنے بورڈز میں پہلی دوسری اور تیسری پوزیشنز لینے والے طلبہ و طالبات کے اعزاز میں تقریب سپاس اور ایوارڈز تقسیم کرنے کی تقریب سندھ اسکاو¿ٹس آڈیٹوریم میں زیر میزبانی ماہر تعلیم سماجی و سیاسی رہنما اے جی ایس اسکول کے سی ای او رانا اشفاق رسول خان زیرصدارت ممتاز ماہر تعلیم،شاعر دانشور ،کراچی یونیورسٹی اور ضیاءالدین یونیورسٹی کے سابق وائس چانسلر ڈاکٹر پیر زادہ قاسم منعقد ہوئی مہمان خصوصی گورنر سندھ کامران ٹیسوری تھے جو اپنی بعض سرکاری مصروفیات کے باعث نا آ سکے تقریب کا باقاعدہ آغاز تلاوت کلام پاک ،حمد باری تعالیٰ اور حضور پاک سرور کونین کی نعت سے ہوا بعد ازاں قومی ترانہ پڑھا گیا جبکہ ملی نغمہ پیش کر کے محفل کو گرمایا گیا۔ تقریب سے سماجی و ثقافتی اور سیاسی شخصیات رانا محمد احسان ،محمود احمد خان، اقبال یوسف، رانا اشفاق رسول خان ،شاہد غزالی ، زاہد خان نے خطاب بھی خطاب کیا۔ اس موقع پر سینئر جرنلسٹ سہیل دانش، شاہد غزالی، طارق اسلم، چیف ایڈیٹرایوننگ اسپیشل فضل رازق بابو بھائی،اسپورٹس آرگنائز غلام محمد خان،زیڈآرشاہد، سمیت دیگر شخصیات موجود تھیں۔ انہوں نے پوزیشنز ہولڈرز طلبہ طالبات کے والدین کو مبارکباد دی اور کہا کہ والدین کے لیے بچوں کی تعلیمی میدان میں کامیابیاں سب سے بڑا تحفہ ہوتی ہیں اس موقع پر تقریب کے صدر محفل ڈاکٹر پیر زادہ قاسم نے اپنے صدارتی خطاب میں کہا کہ تعلیم زندگی کا وہ زیور ہے جس کے بغیر کوئی بھی انسان نامکمل ہے دنیا کی ہر آسائش ہونے کے باوجود اگر کوئی تعلیم کے زیور سے محروم ہے تو اس سے بدقسمت شخص کوئی نہیں انہوں نے حال میں موجود والدین کو مخاطب کرتے ہوئے کہا کہ خوش قسمت ہیں آپ جو اپنی زندگیوں میں ہی اپنے بچوں کو تعلیمی میدان میں کامیابیوں کی منازل طے کرتے دیکھ رہے ہیں آج جن بچوں نے انٹر اور میٹرک کے سالانہ امتحانات میں پوزیشنز لی ہیں اگے چل کر بھی وہ اسی لگن محنت سے پڑھتے ہوئے اپنی کامیابیوں کا سفر جاری و ساری رکھیں گے ڈاکٹر پیزا قاسم نے فرزندان پاکستان کے روح رواں رانااشفاق رسول کی کاوشوں کو سراہتے ہوئے کہا کہ رانا اشفاق نے 35 سال قبل جو ایورڈز دینے کا مشن شروع کیا تھا اس کا آج تک ہر سال تسلسل کے ساتھ برقرار رہنا دوسروں کے لیے قابل تقلید ہے آخر میں ڈاکٹر پیرزادہ قاسم نے پوزیشنز ہولڈرز طلبہ و طالبات میں ایوارڈ تقسیم کیے قبل ازیں ماہر تعلیم اور معلومات عامہ میں نمایاں خدمات پر حافظ نسیم الدین کو فخر پاکستان محمود علی لائف ٹائم اچیومنٹ ایوارڈ جبکہ 50 سالہ صحافتی خدمات پر سینیئر صحافی راشد لطیف کو بابا ئےصحافت مجید نظامی لائف ٹائم اچیومنٹ ایواز سے نوازا گیا،میٹرک جنرل گروپ میں پہلی پوزیشن لائبہ وسیم ،دوسری حبیبہ منیرجبکہ تیسری انشرح توفیق،میٹرک سائنس گروپ میں پہلی پوزیشن حافظ عبدالرافع طارق ،دوسری رومیسہ عمران تیسری رخسار عبداللہ نے حاصل کی انٹر ہیو مینیٹیز گروپ گروپ میں فاطمہ سمیع اول منیب الرحمن دوئم فاطمہ صدیقی سوئم رہیں انٹر سائنس جنرل گروپ میں منیہہ نور رفت نے پہلی مریم رسول نے دوسری اور عبداللہ چوہدری نے تیسری پوزیشن لی انٹر سائنس گروپ فری میڈیکل میں دعائ بنت مبشر نے اول سیدہ شفائ طفیل نے دوئم سیدہ سعدیہ محفوظ نے سوئم پوزیشن حاصل کی جبکہ انٹر پری انجینئرنگ میں آمنہ احسان نے اول نزرہ جمال نے دوئم سیدہ علیزہ ایاز نے سوئم پوزیشن حاصل کی۔پر وقار تقریب میں طلبہ و طالبات کے والدین ،علم دوست شخصیات، ماہرین تعلیم اساتذہ کرام کی بڑی تعداد موجود تھی۔
فوٹو کیپشن:
کراچی : فرزندان پاکستان کے زیراہتمام انٹر اور میٹرک کے سالانہ امتحانات میں بورڈز سے پہلی، دوسری اور تیسری پوزیشنز لینے والے طلبہ و طالبات کے اعزاز میں تقریب سپاس اور ایوارڈز تقسیم کرنے کے موقع پرسینئر صحافی راشد لطیف کو مہمان خصوصی سابق وائس چانسلر جامعہ کراچی ڈاکٹر پیر زادہ قاسم لائف ٹائم اچیومنٹ ایوارڈ دے رہے ہیں،اس موقع پر محمود احمد خان، اقبال یوسف اور رانا اشفاق رسول خاں بھی موجود ہیں