پریس ریلیز
ہر قدم پر ترقی ہر دل میں خوشحالی،بدل رہا ہے لیا قت آ با د ٹاؤن
لیا قت آ با د کی عوام کو شہری سہولیات مہیا کرنے کے لئے انقلابی اقدامات کر رہے ہیں
اہلیانِ لیاقت آباد ٹاؤن کو صحت مند اور خوشگوار ماحول فراہم کرنے کے لئے شب و روز کوشاں ہیں۔فراز حسیب
لیاقت آباد ٹاون میں تعمیر و ترقی کا سفر تیزی سے جاری ہے،اسحاق تیموری
مورخہ:21 نومبر 2024
کراچی ( ) چیئر مین لیا قت آ باد ٹاؤن فراز حسیب،وائس چیئر مین اسحاق تیموری کے ہمراہ لیاقت آ باد ٹاؤن یو نین کونسل نمبر 04بلاک 9 میں شعیب بخاری پارک کا سنگِ بنیاد رکھا۔اس موقع پر کورڈینیٹر صغیر احمد انصاری،یو سی چیئر مین 4عبید احمد خان، وائس چیئر مین طلحہ حسیب،یو سی چیئر مین 3یونس بندہانی، یو سی پینل کے نمائندے،ڈائریکٹر پارکس ریحان ہمدانی،ڈپٹی ڈائریکٹر پارک محمد نقی و دیگر بلدیاتی افسران بھی موجو د تھے۔ چیئر مین فراز حسیب نے گفتگو کرتے ہوئے کہا کہ آج ہم نے یہاں کا سنگ بنیاد رکھا ہے جوگزشتہ 15 سال سے بنجر حالت میں تھا اور کسی کی توجہ نہیں تھی یہاں کے رہائشوں کی طرف سے بار بار کہا جا رہا تھا کے اس پارک کو بنایا جائے،انہوں نے کہا کہ ہم نے لیاقت آباد میں تقریبا تمام پارک کی رینوویشن کرا دی اور عوام کے لیے آج وہ کھلے ہیں یہ ایک اخری پارک ہے تو انشاء اللہ اس کو بھی ہم نے آج سنگ بنیاد رکھ دیا ہے اور کل سے انشااللہ کام کا آ غا ز کر دیا 
جائے گا اور جلد اس پارک کو تعمیر کر کہ اہل محلہ کے حوالے کر دیا جائے گا۔چیئر مین نے عوام سے گزارش کرتے ہوئے کہا کہ یہ پارکس اور روڈ آپ کے لیے ہی بنتی ہیں اس لئے اس کی حفاظت کرنا اپ لوگوں کی بھی ذمہ داری بنتی ہے آپ لوگ اس کی حفاظت کریں گے تو یہاں کا ماحول بھی اچھا رہے گا اور آپ کے بچوں کو صاف ستھرا ماحول مل سکے گا۔چیئر مین فراز حسیب نے بتایا کہ جب سے ٹاؤن بنے ہیں ہم اب تک لیا قت آ با د میں 15پارکس بنا چکے ہیں جو عوام کے لئے کھلے ہیں پارک کے حوالے سے بس یہ ایک آ خری پارک تھا انشااللہ یہ بھی جلد تعمیر کر لیا جائے گا۔واضح رہے کہ محکمہ پارک کا عملہ لیاقت آباد ٹاؤن کی شاہراہوں اور گرین بیلٹس پر بیوٹی فکیشن کے ساتھ پودے لگانے کے کام میں مصروف عمل ہے اور امید ظاہر کی جارہی ہے کہ چیئرمین لیاقت آباد ٹان فراز حسیب کی بھرپور کوشش اور کاوشوں
سے جلد لیاقت آباد ٹاؤن ایک ماڈل ٹاؤن بن جائے گا۔
جاری کردہ:۔
فہیم مصطفی
ڈائریکٹر انفارمیشن
لیاقت آباد ٹاون
