کراچی،21نومبر،:2024 پاکستان میں تُرکیہ کے نئے سفیر، جناب عرفان نذیر اوعلو نے حال ہی میں ڈاؤلینس کے ہیڈ آفس کا دورہ کیا اور مقامی قیادت کے ساتھ سرمایہ کاری، جدید ٹیکنالوجی، اور پائیداری سمیت باہمی دلچسپی کے امور سےتعلق رکھنے والے مختلف موضوعات پر تبادلہ خیال کیا ۔ یہ دورہ دونوں برادر ممالک کے درمیان مضبوط سماجی و اقتصادی تعلقات اور تعاون کا مظہر ہے۔ اس موقع پر کراچی میں تُرکیہ کے قونصل جنرل جناب جمل سانگو بھی موجود تھے۔
ترکیہ کےسفیر نے پاکستان میں توانائی کی بچت کے نئے معیارات قائم کرنے والی ڈاؤلینس کی جدید کوششوں کو سراہا۔ انہوں نے حال ہی میں متعارف کروائی گئی دو انقلابی پروڈکٹ لائنز، پریما لائن (Prima Line) اور ڈی سولر لائن (D’Solar Line) کا معائنہ بھی کیا اور ان مشینوں کی کارکردگی کی تعریف کی جبکہ ڈاؤلینس کے بڑے پیداواری پلانٹس کو سولر پاور پرمنتقل کرنے کے ماحول دوست اقدام کو بھی سراہا ہے۔
”پریما رینج“ میں یورپی معیار کے مطابق تیار کردہ کئی پریمیم کوالٹی کے گھریلو آلات شامل ہیں، جنہیں پاکستان کے ماحول کے مطابق خصوصی ٹیکنالوجی سے تیارکیا گیا ہے۔ اسی طرح ، ”ڈی سولر لائن“ میں ڈی سی ریفریجریٹرز اور فریزرز شامل ہیں، جو براہ راست سولر پاور پر چلتے ہیں، تاکہ پائیدار توانائی کو فروغ دیا جا سکے اور توانائی کے اخراجات کو کم کیا جا سکے۔
اس موقع پر ڈاؤلینس کے چیف ایگزیکٹو آفیسر، عمر احسن خان نے کہا: ” ترک حکومت کے ساتھ رابطہ اور ان کے سفیر جناب عرفان نذیراوعلو کے ذریعے گفتگو کرنا ہمارے لیے اعزاز کیا بات ہے، کیونکہ انہوں نے 2016 سے اب تک پاکستان میں بیکو کی 50 ملین ڈالر سے زیادہ کی سرمایہ کاری کو باضابطہ طور پر سراہا ہے۔ہم اپنی پیداواری صلاحیت کو مزید وسعت دینے کا عزم رکھتے ہیں، تاکہ اعلیٰ معیار کی مصنوعات تیار کریں اور پاکستان کی افرادی قوت کے لیے مزید معاشی مواقع پیدا کریں۔”
پاکستان میں گھریلو سامان اور الیکٹرانکس کے سب سے بڑے مینوفیکچرر کے طور پرڈاؤلینس پائیدار ترقی اور خوشحال مستقبل کے لیے غیر ملکی سرمایہ کاری کو فروغ دینےاور پاکستان میں عالمی ٹیکنالوجی کی منتقلی کے ذریعے پاکستان کی معیشت کو مضبوط بنانے میں بھی کلیدی کردار ادا کر رہا ہے
