آئیڈیاز میں پیش کی جانے والی منفرد اور اختراعی ایجادات و مصنوعات دفاع کے مستقبل کی عکاسی کرتی ہیں۔ رجسٹرار کموڈور (ر) سید سرفراز علی
کراچی، 21/نومبر2024۔۔۔ سرسید یونیورسٹی آف انجینئرنگ اینڈ ٹیکنالوجی (SSUET) کا اسٹال IDEAS’24 کے موقع پر توجہ کا مرکز بن گیا جہاں پانی میں ڈوبنے سے بچانے کی ٹیکنالوجی کو متعارف کرایا گیا۔سرسید یونیورسٹی کے شعبہ کمپیوٹر سائنس کے طلباء کا بنایا ہوا پروجیکٹ ریموٹ کنٹرول ریسکیو ڈیوائس RAFT لوگوں کی دلچسپی کا باعث بنا۔۔یہ ڈیوائس پانی میں ڈوبتے ہوئے لوگوں کو بچانے کے لیے تیار کی گئی ہے جو ریموٹ سے کنٹرول کی جاتی ہے۔ڈاکٹر انعم اکبر ریسکیو آرمر ان فلڈ ٹائیڈز (RAFT)کی پروجیکٹ سپر وائزر ہیں جبکہ یہ ڈیوائس طلباء کے ایک گروپ نے معیز حیدر کی قیادت میں تیار کی۔اس فائنل ایئر پروجیکٹ کو کو آئیڈیاز 2024 کے لیے منتخب کیا گیا ہے تاکہ غیرمعمولی جدید ٹیکنالوجی میں سرسید یونیورسٹی کی بھی نمائندگی ممکن ہوسکے۔
اس موقع پر سرسید یونیورسٹی کے رجسٹرار کموڈور (ر) سید سرفراز علی نے IDEAS’24 کا دورہ کیا، نیوی افسران سے ملاقات کی اور ایڈمرل (ر) محمد امجد خان نیازی کو سرسیدیونیورسٹی کا نشان پیش کیا۔عالمی سلامتی و تحفظ کے لیے اقوام کے مابین تعاون کی اہمیت پر زور دیتے ہوئے رجسٹرار سید سرفراز علی نے کہا کہ IDEAS’24 ایک اہم ایونٹ ہے، جہاں ایسی منفرد اور اختراعی ایجادات ومصنوعات نمائش کے لیے رکھی جاتی ہیں جو دفاع کے مستقبل کی عکاسی کرتی ہیں۔
فوکل پرسن ہما احمد کی کاوشیں لائقِ ستائش تھیں جنہوں نے آئیڈیاز 24 کے موقع پر مرکزی کوآرڈینیٹرکے طور بہترین کارکردگی دکھائی۔
عبدالحامد دکنی
ڈپٹی ڈائریکٹر انفارمیشن
کیپشن: سرسید یونیورسٹی کے رجسٹرار کموڈور (ر) سید سرفراز علی آئیڈیاز 24 کے موقع پر ایڈمرل (ر) امجد نیازی کو یونیورسٹی کا نشان پیش کررہے ہیں
