حضرت غازی یوسف شاہ مودیؒ کی ماہانہ فاتحہ کی تقریب منوڑہ میں سجادہ نشین بری امام سرکار پیر حیدر علی گیلانی کی زیر صدارت منعقد ہوئی، اس موقع پر پیر امام علی گیلانی اور دیگر معززین موجود تھے.

کراچی (اسٹاف رپورٹر) حضرت غازی یوسف شاہ مودیؒ کی ماہانہ فاتحہ کی تقریب منوڑہ میں سجادہ نشین بری امام سرکار پیر حیدر علی گیلانی کی زیر صدارت منعقد ہوئی، اس موقع پر پیر امام علی گیلانی اور دیگر معززین موجود تھے. تقریب کا آغاز تلاوت کلام پاک سے ہوا جبکہ نعت خواں حضرات نے ہدیہ نذرانہ پیش کیا. اس دوران مغرب کی نماز پیر حیدر علی گیلانی کی امامت میں ادا کی گئی. تقریب سے خطاب کرتے ہوئے سجادہ نشین بری امام سرکار پیر حیدر علی گیلانی نے کہا کہ ملک وقوم درپیش مشکلات سے نکالنے اور معاشرے میں امن قائم کرنے کیلئے صوفیائے کرام کے نقش قدم پر چلنا ہوگا، اولیائے کرام نے اپنے عمل سے برائیوں کا خاتمہ کیا اور معاشرے میں بھائی چارے کی فضا پیدا کی. پیر حیدر علی گیلانی نے کہا کہ احکامات الہی اور سنت نبوی پر عمل پیرا ہوکر ہی ہم اپنی مشکلات پر قابو پاسکتے ہیں، اللہ ہمیں راہِ حق پر چلنے کی توفیق عطا فرمائے. آمین اور تمام زائرین کے لئے دعا فرمائی ۔
آخر میں مذہبی امور کمیٹی درگاہ حضرت یوسف شاہ غازی کے چیرمین خلیفہ عبدالرزاق شمس الدین رفاعی سینیئر رُکن کمیٹی عبدالستار نقشبندی نے مہمانِ خصوصی پیر حیدر علی گیلانی اور اُنکے ساتھ آنے والے مہمانوں اور تمام زائرین کا شکریہ ادا کیا ۔